ادري ما بتصدقوني..بس خلاص مب عيون القرعة..شوفوا شو سويت

يزاها الله خير موادعه ..

ومبروك على االشعر اليديد وخيتي

يتربا بعزج ^__^

خخخخخ

ااااااااااااااااااااااااااااااااااااااااااااااااااااااااااااااي يعور والله .. اكثر شي اخاف منه الموس .. اتصدقين وانا اقرا وقلبي يدق بسرعة واحس انه يحرق .. لا ويلست اجرب بظفري عشان اشوف مستوى الالم .. يعور صراحة بالظفر.. كيف بيكون بالموس.. خطيرة انتي ..

هههههههههههههههههههه والله انكم جبانات انزين انتوا شخط واحد بس ان حسيتوا بشي وقفوا ..

الغالية ام البنات انا الصراحة مب حافظه كل مكان بس الي اعرفه اني طلع لي شعر يديد الحمدلله واهلي اليوم يقولون لي ماشالله شعر يديد طالع لج .. وخبرتهم السالفة

اختي موادعة الروح يزاج الله خير .. شفتي كيف البنات خوافات .. هههههههههههه شجعيهم مثل ما سويتي فيني

مشكورات خواتي على مروركم الطيب

والله يبيلي اجرب هالطريقه
أنا قلت حق امي عنها قالت لي ايه هذي الطريقه وايد زينه لأن الثوم يحفز بصيلات الشعر <<طلعت أمي مثقفه وأنا مادري
عاد ابوي قال لي قومي ييبي الموس خليني اشخط في راسج :dd:
انشالله جريب اسويها
واختي موادعه ننتظر وصفتج اليديده

هيه جي خلج بطله اختي انا الشوق

بشرينا عقب ..

نتريااااااااج موادع الروح والله يسلمج عيون بوظبي

وفديتكم بنااااااات منتدانا على التعاون وعلى روح المحبة اللي امبينكم

الله ايديمها

مشكورة اختي رمز المحبة على كلامج الرقيق

وعقبال ما تتشجعين وتبشرينا

:smile::smile::smile::smile::smile::smile:

ماشاء الله تبارك الرحمن
طيب بأسألك يعني في التعقيب مكتوب انه مرتين في الاسبوع
خلال هالمرتين في كل فترة اشخط شعري بالموس؟
والا الموس مرة وحده واصير المرات الجايه بس افرك بالثوم؟؟
وسؤال انا سمعت ومو متأكده ان الثوم عشانه حار يطلع الشعر ابيض؟؟
صدق هالكلام؟؟

ايه وابي اسألك انا خوافه ومو عارفه كيف اقرب الموس من راسي
كيف قدرتي؟؟
لان انا عندي مقدمة الراس والجوانب خفيفه فتنفع الحركه؟

عزيزتي عسل الجنه هيه تسوين الموس كل مرة اتسوين فيها

اما عن الثوم انه يبيض الشعر فها الشي ما اعرف عنه

وانتبهي لا تقصين شعرج يعني حاولي في مكان شوي يكون فاضي او خفيف الشعر فيه

واتشجعي ترا والله ما يعور

جزاك الله كل خير يارب

بس الحذر لازم يابنات
ممكن وانتو تشخطون يكون في عرق وبعدين يصير فيكم شي
الحذر لازم

فرفوحه الله يهديك هي ماقلت ارسموا خريطه ولا سووا عمليه جراحيه بروسكم
قالت شخطات والموس حاد يعني تمشيه وحدة خلاص تكفي
تخيلت راسي شوارع

صح كلامج اختي فرفوحه

خصوصــاً في مقدمة الرأس يكون في عروق...وأنا عندي عرق بالطول ...حتى لما أشخط تكون خدوش بسيطه علشان ما تأثر في هالعرق

أما فروة الرأس فطبقتها سميكه...يعني اشخطوا وانتوا مطمنين...بس بشويش...

وصدقوني الأمر سهل جداً...

جربوا وشوفوا

أما من ناحية ان الثوم يبيض الشعر ....فهالشي أول مرة اسمع به...وما أظن انه صحيح بالمره

لأن حتى الدكاتره ينصحون بالثوم...

:)

الحين انتوا خوفتوني بكلامكم

تسلمين علي الموضوع

ربي خليج ويعافيج
بسير اسويها
بس متى احط الثوم وجم مره؟
هيه بعد جم يوم تظهر النتايج؟

هلا والله اختي

انا بعد ما كتبتي الموضوع تشجعت اسويه
من يومين شخطت شوي بالموس العادي بس قبل طهرته خفت يكون متجرثم والا شي
وبعدين خذيت ثوم وفركته في المنطقه حرقني شوي بس راح بعدين ولا حسيت فيه
واليوم دقيت ثوم وفركت فروه راسي فيه .... صج انه ريحته وايد قويه بس اذا نتيجته بتكون حلوه ما يهمني عادي ولان عندي اجازه اقدر اسوي اللي ابي
يا رب يطلع لي شعر زياده لان شعري خفيف وايد اذا طلع بيكون شكله وايد غريب لان شعري طويل بس عادي اهم شي يغلظ

ومبروك اختي على نجاح تجربه الثوم معاج

مواااادعة الروح

تسلمين عالتوضيح عزيزتي

بس انا فاهمه انه الموس بوشفرة وحده

ماقصرتي الغاليه



يالله تراني تحمست اجرب الطريقه

بس شكلي بسويها عقب العيد ان شاءالله اضمن :cool2:

هلا فيكم عزيزاتي

النتيجة ما تطلع بسهولة يعني شوفي انا سويت مرة وحدة بس ونسيت الموضوع وعقب شهر الحمدلله لاحظت انه طلع لي شعر يديد

اما عن ا لثوم تسوينه يوم تبين تشخطين .. انا للأمانة سويت زيت زيتون


اختي الحبوبة .. انا ما اعرف عن الثوم ماجربته اذا مفيد لفروة الراس لما اتدقينه .. الله اعلم ما جربته .. بس الي اعرفه هو طريقة الموس