زاوية RoOoOmy لحل جميع مشاكلكم في الديكور

اختي ريموتي مبروك الزواج مقدما والله يتمم لك بخير ان شاء الله

انا احب الألوان الغامقة وكنت بقول لك نفس الفكرة بس انتي سبقتيني
لو حابة تصبغي كله عنابي بيكون حلو ولو استخدمتي ورق جدران على جدار والباقي صبغ ايضا بيعطيك نفس النتيجة



مثلا جدار سادة وجدار مشجراو مقلم من ورق الجدران

بالنسبة لاختيار الاثاث يعتمد على ذوقك الشخصي انتي وخطيبك

الحديد المشغول حلو والخشب حلو وكل نوع له مميزاته وصفاته وتعتمد على رغبتكم
الخشب يعطي احساس بالفخامة اكثر من الحديد اللي يوحي بالبساطة في التصميم

الاضاءة تعتمد على نوعية الجدار ( سادة - جبس ) وال Spotlights حلوة في غرف النوم بشرط ماتكون كثيرة عشان ما تكون الاضاءة قوية وتقدرين تحطين ثريا في الوسط بحجم وتصميم مناسب



وبالتوفيق

:cry:

RoOoOmy_M

مارديتي علي

لازم أقرر بسرعه ... وماعندي غير باجر آخر فرصه

تسلميييييييين أختي RoOoOmy_M

الله يبارك في حياتج

و يوفقج إلى ما يحبه و يرضاه :smile:660000

اختي ام الناس

انا موجودة بس اكيد دخلتي وانا في اجازة العيد وماسبق وشفت لك طلب

المهم ...... ياليت لو تحددي اكثر يعني مافهمت عليك تبين سيراميك او الوان محددة ؟؟
الالوان نقدر نساعدك فيها بس انا نعطيك سيراميك هذي ما فهمتها !!

بالنسبة للمطابخ سوي بحث في الركن وتلاقين مواضيع كثيرة فيها موديلات مطابخ .. المفروض نفس المحل اللي بيجهز لك المطبخ يرسم لك تصميم يناسب حجم عائلتك واحتياجاتك من دولايب وادراج ووحدات تخزين وغيره

اختي المياسة

اعذريني على التأخير بسبب اجازة العيد

اختي ال 2 faces sticks مفيدة بس مو شرط انها تتحمل وزن اللوحة خاصة لو كان بروازها عريض وخشب مثلا .. لو كانت عبارة عن لوحة من الورق الكرتون المقوى يمكن تثبت بس لوحة ثقيلة ما اتوقع

وعيب استخدام هالنوع من التثبيت مثل ما قلتي انه يترك اثر ويصعب ازالته بدون ترك اثر على الجدار خاصة لو كان الصبغ مطفي عادي بس لو جدارك عليه لمعة باي مستوى gloss عادي ثبتيه وبعد فترة ينشال بكل سهولة بفركه بليفة ناعمة بطريقة خفيفة جدا ( ماء دافئ - صابون ) مع فرق خفيف الى ان تختفي المادة اللاصقة كلها

بالنسبة لتعليق شيفونات واقمشة يمكن لو اجدتي الطريقة يطلع حلو مثلا ينزل من السقف بزاوية معينة بس تثبيته مباشرة على الجدار مو متخيلة الشكل !! واذا كانت كل جدران الغرفة مشغولة يمكن تبان زحمة اكثر من اللزوم

الله يرد زوجك بالسلامة ان شاء الله ويتقبل منه ومن جميع الحجاج

lanoud

اهلا فيك عزيزتي

طبعا المساحة كافية انك تخصصي جزء للصالون وجزء لطاولة طعام خاصة انك طالبة طاولة صغيرة نوعا ما ( 6 كراسي )

اختاري طقم صالون مناسب من حيث الحجم وعدد القطع والتصميم بحيث يتناسب مع غرفة الطعام ولا تكثري من الاكسسوارات في المكان عشان مايصير المكان مليان تفاصيل ..........

يعطيك العافية

أنا حابه أرسم غرفتي بس ماعندي فكره عن ها الموضوع عشان جيه احتاج مساعدتج

business_girl

اعذريني اختي على التأخير

اللون الماروني حلو واختيارك للبرتقالي والذهبي معاه روعة بس اهم شي ما تزيدين الوان ثانية

لون الجدار هو المشكلة ولو بامكانك تغيريه الى البيج الداكن يكون افضل ولو ماقدرتي امرك لله

لو حطيتي ستارة فاتحة راح يختل توازن الغرفة لانه مو حلو يكون الجدار فاتح والستارة بعد ... اكسري بهتان اللون الابيض بستارة غامقة اللون تناسب الاثاث والفرش واكيد مابتصير الغرفة ضيقة

بالتوفيق عزيزتي

اختي بدون_عقل

يعني شلون ترسمين غرفتك ؟؟؟؟؟ قصدك ترسمين على الجدار يعني ؟؟

واذا قصدك رسم اي نوع من الرسوم حابة تختاري ؟ وكم عمرك ؟

RoOoOmy_M:
business_girl

اعذريني اختي على التأخير

اللون الماروني حلو واختيارك للبرتقالي والذهبي معاه روعة بس اهم شي ما تزيدين الوان ثانية

لون الجدار هو المشكلة ولو بامكانك تغيريه الى البيج الداكن يكون افضل ولو ماقدرتي امرك لله

لو حطيتي ستارة فاتحة راح يختل توازن الغرفة لانه مو حلو يكون الجدار فاتح والستارة بعد ... اكسري بهتان اللون الابيض بستارة غامقة اللون تناسب الاثاث والفرش واكيد مابتصير الغرفة ضيقة

بالتوفيق عزيزتي

ماشاء الله عليج قاعده أقرأ ردودج علشان أضيف معلومات على معلوماتي
مدرسه بالفن والديكور

بس تسمحلي مدرستي إني أضيف شي بسيط على إبداعاتها :o

ممكن تضيف اللون الزيتي (بشكل خفيف ببعض الإكسسوارات) أحس بيكون حلو شرايج :)

حابه أرسم غرفتي كامله بس ماعندي صور ولا في بالي ألوان الريد افكار عجيبه غريبه وحلوه
عمري23 و لون ستارتي أخضر عشبي و في غرفتي قوس يفصل الحمام عن الغرفه

مرة ثانية مافهمت عليك بس شكلك تقصدين ترسمين على الجدران

اختي اي مصمم ديكور يقدر يرسم اي رسم انتي تختاريه وتشوفين انه يناسبك ويناسب غرفتك

سواء كان منظر طبيعي - خيالي - مجرد ديكور للصبغ وغيره

تقدرين ترسمين رسمات بسيطة عند القوس مثل افرع شجر واغصان او حجر





بس ما انصحك ترسمين رسم ثقيل على كامل الغرفة لان هالتصاميم تناسب غرف الاطفال اكثر

لا انا أريد شي لافت ألوان فلاش شي غير اعتيادي

RoOoOmy_M:
business_girl

اعذريني اختي على التأخير

اللون الماروني حلو واختيارك للبرتقالي والذهبي معاه روعة بس اهم شي ما تزيدين الوان ثانية

لون الجدار هو المشكلة ولو بامكانك تغيريه الى البيج الداكن يكون افضل ولو ماقدرتي امرك لله

لو حطيتي ستارة فاتحة راح يختل توازن الغرفة لانه مو حلو يكون
الجدار فاتح والستارة بعد ... اكسري بهتان اللون الابيض بستارة غامقة اللون تناسب الاثاث والفرش واكيد مابتصير الغرفة ضيقة

بالتوفيق عزيزتي

مسمووووحة الغاليه

اسمحي لي حشرتج عاد .. بس لأني مستعيله ..

طمنيتني من ناحية ألوان الستاره

لون الجدار مثل ما قلتي مشكله الصراحه.. انا كنت ابي البيج او اوف وايت ..
بس الوالد ناوي يوحد لون البيت كله .. وقال أنسب شي الأبيض..
بس أعتقد لفترة بسيطه وعقب كل واحد بيصبغ له اللون اللي يبيه ..

وتسلمين عزيزتي عالرد .. وان شاءالله تطلع الغرفه حلوه .. وبصورها لكم

بالعافية حبيبتي واكيد بتطلع الغرفة حلوة

ننتظر صورك

السهر:
ماشاء الله عليج قاعده أقرأ ردودج علشان أضيف معلومات على معلوماتي
مدرسه بالفن والديكور

بس تسمحلي مدرستي إني أضيف شي بسيط على إبداعاتها :o

ممكن تضيف اللون الزيتي (بشكل خفيف ببعض الإكسسوارات) أحس بيكون حلو شرايج :)

هلا أختي السهر

يالله ان شاءالله نشوفج جريب استاذه في الفن والديكور ..

ممم حلوه فكرة اللون الزيتي ..

لأن احس الوان الغرفه بتكون صارخه شوي حسب تخيلاتي.. والزيتي بيهدي لون الغرفه

ممم تدرين.. بخبرج النتيجه بعدين.. وبصور لكم الغرفه ان شاءالله

وتسلمين عالمرور

اختي بدون_عقل

مثل ما قلت لك مهندس الديكور هو اللي يقدر يصمم لك اللي انتي تبيه بالضبط

وبشكل عام الرسم بدأت تروح موضته خاصة الالوان الصارخة والتصاميم القوية وكل ما كان انعم كان افضل

بالتوفيق

مشكووورة عاى الموضوع المفيد000
بحطلك صور الصالة000 فرشتها بكنب وابغا احد يساعدني في ترتيبها00
واكسسوارتها000 يعني بخلي الصال تحفة وابغى مساعدتك




تم تعديل الصور بواسطة المشرفة

ويعطيك العافية0000

معلش الصور مساحتها كبيييييييييييييييييرة
بس ما عرف اصلحها وزي ما انتي شايفة الصالة فاضية
ناقصها حاجات كثيرة بس بمساعدتك ان شاالله بكملها

ولا يهمك اختي انا صغرت لك الصورة بس بقية الصور ما قدرت احملها عموما الصورة عندي واضحة الحين

اختي انتي الصالة ناقصها الكثير ... اذا عندك الوقت والمادة تقدري تغيري من شكلها

في البداية ترتيب الكنب لازم يتغير

* بشكل عام خلي الكنب الصغار ( مقعد واحد ) جنب بعض والكنبة الكبيرة في جدار والكنبة الثانية ( 3 مقاعد ) في جدار ثاني
مو باين عندي بالضبط الطقم كم قطعة كان رسمت لك رسم تقريبي لطريقة ترتيب الكنب

* ثاني شي لازم تحطين ستارة على النافذة لان شكلها مو حلو وهي بدون ستارة واختاري لون وخامة تناسب طقم الكنب وتصميم ناعم

* حاولي تشتري طقم طاولات ( 2 صغار وطاولة كبيرة للوسط ) بعد ترتيب الكنب بطريقة احلى من هالترتيب حطي الطاولات الصغيرة في الزوايا على جنب والطاولة الكبيرة في الوسط تنفعك لوضع بعض التحف ولوضع ضيافة الضيوف

* اكسسوارات عامة مثل الابجورات والتحف المنوعة من فازات وجرات ومفارش لتزيين الطاولات

* اذا فيه امكانية وضع اضاءة خافتة شوي ( انا ما اعرف نوع الاضاءة عندك ) بس لان الجدار ابيض يحتاج لون اصفر عشان يخليه يميل للبيج وراح يعطيك تأثير حلو للصالة

* قطعة سجاد متوسطة الحجم في وسط الصالة

اضافة لمساتك الخاصة اكيد راح تخلي للصالة ديكور خاص تفنني في اختيار قطع متناسقة مثل الاكسسوارات او الزرع سواء صناعي او طبيعي، صناديق خشبية قديمة .... اي شي يخطر على بالك

وبالتوفيق