طلبتكم طلبه... - منتديات عروس

م

منّوره

عروس نشيطة

30-12-2005 | 11:55 PM

بسم الله الرحمن الرحيم
السلام عليكم ورحمة الله وبركاته
كيفكم ؟؟؟شخباركم ؟؟
بنات أبغى مساعدتكم..
أبغى أسوي حفلة لأطفال العيله ...
و أبغى فيها حركات غريبة و حلوه..
بس مو مسابقات ..
ابي رأيكم ويش أسوي الله يخليكم ردجوا علي عشان
يمديني اجهز الأشياء...
و شكراً

د

دلوعة حبيبي

مشرفة سابقة

31-12-2005 | 12:59 AM

هلا حبيبتي..

طيب فهميني..
كيف يعني حركات غريبه.. وما تبين مسابقات..
يا ريت توضحين حتى نقدر نساعدك..

a

al7aboba

عروس مبدعة

31-12-2005 | 01:04 AM

[grade="00008B FF6347 FFA500 4B0082"]هلا اختي

يبي لليهال نطاطات ونفاخات الكبيره اللي يقدرون ينطون ويلعبون داخلها

تقدرين اتييبين لليهال بسكوت من الكبار واشياء اللي تنحط للتزين يعني يقدرون يرسمون على البسكوت وبعدين ياكلونه
واتييبين لهم اوراق والوان من انواع غريبه مثلا الالون اللي تنفخين فيها وتلون على الرسمه
طبعا هذا كله يكون على طاولات خاصه لهم هم بس كل طاوله لشي معين طاوله لللاوان طاوله للبسكوت طاوله لاي شي ثاني ممكن تفكرين فيه

ان شاء الله اكون ساعدتج[/grade]

م

منّوره

عروس نشيطة

31-12-2005 | 02:14 AM

أنا أقصد اني حأعمل إن شاء الله حفله لبنات و أولاد العائله
و ما أبغى الحفلى تكون ممله و روتينيه أكل و بس
أبغى أسوي حركات تبسطهم و شيء أعطيهم هو من شان يتذكروا
هذه الحفله يوم يكبروا ... و كلام موجه مني لهم ..
و بالنسبه لك أختي al7aboba فكرة مو بس حلوه إلا تجنن بس ما أقدر أسويها
و الله يعطيكم العافيه جميعاً...

ر

رماانه حمره

عروس جديدة

31-12-2005 | 02:37 AM

السلام عليكم ورحمة الله وبركاته

اولا اختي تقدرين تسوين مسابقات للاطفال .. بس اسئله تكون مناسبه لسنهم .. وتكون معاها

ايضا جوائز تقدم .. او اذا اولاد وبنات نفس الفكره .. بس اتقسمينهم فريقين .. فريق بنات

وفريق اولاد .. تسالين الاسئله يتشاورون المجمةعه الاولى بعدين يجاوبون .. هذي فكره

عندج اللي يرسمون على الويه اذا اعمارهم تسمح .. اييون للبيت .. ويتاجرون باليوم ..

عندج مثلا تطلبين منهم طلب .. وكل واحد يروح اييب شي من امه اذا كان متوفر عندها . مثلا

انا على عملة ديرتي الكويت .. مثلا تطلبين 5 فلووس يحضرها لج .. ويروح الطفل يدور عن امه

واللي اييبلج لفلوس .. يحصل جائزه ..

عندج لعبة الكراسي . اعتقد اتعرفينها ..

مممممم .. هذا اللي خطر على بالي حاليا .. انشاءالله بس اتذكر شي .. راح افيدج

:)

م

مشتاقة لقطر

تاجرة

31-12-2005 | 02:46 AM

اطلبي منهم من قبل يسوون حفلة تنكرية
وكل واحد يمثل دور

احس حلوة هالفكرة والا لا ؟

او انتي اشتري بعض الاشيا البسيطة للحفلة عشان تصير تنكرية

و كلهم مختلفين وكل واحد معجب بنفسه
جذيه مابينسون ..
حفلتج ..

موفقة
ولا تنسين تقولين لنا على الافكار اللي بتسوينها ..

عشان نستفيد .

تحياتي لج .

تحياتي

ع

عمري قطر

عروس رائعة

31-12-2005 | 04:04 AM

يبي لليهال نطاطات ونفاخات الكبيره اللي يقدرون ينطون ويلعبون داخلها

حبيت احذركم من النطاطيه لان مره انطفت الكهربا وانفشت واليهال يلعبون بوسطها زين الله ستر وانتبهنا وطلعناهم بسرعه والا كانوا بختنقون وبتصير ماساه

علشان جذيه لازم لما تجيبون النطاطيه الكبار يكونون منتبهين

م

منّوره

عروس نشيطة

31-12-2005 | 06:09 PM

هلا فيك أختي رمانه حمره...
أفكارك حلوه ... و الله يجزاك خير...

م

منّوره

عروس نشيطة

31-12-2005 | 06:14 PM

أسفرت و أنورت "مشتاقه لقطر""
أفكرك مررررررررررررررررررره غريبه و فيها متعه إن شاء الله أسوي التنكر..
شكرا جزيلاً

د

دلوعه قطريه

مشرفة سابقة

31-12-2005 | 06:14 PM

هلا اختي
انا بعد فكرت بالحفله التنكريه فكره حلوه وغريبه
وبالنسبه للاكل
سوي اشيا يحبونها اليهال
مثلا تشيكن ناجتس في الاعواد الخشب وسندويشات صغييره
فطاير وبسكويتات وكيكات ملونه وصغيره
وتقدرين تسوينها في البيت بنفسج

م

منّوره

عروس نشيطة

31-12-2005 | 06:17 PM

مشكوره أختي عمري قطر على تنبيهك الجميل

د

دلوعة حبيبي

مشرفة سابقة

01-01-2006 | 08:44 AM

شوفي هالرابط حبيبتي بالنسبه للترفيه والألعاب..
اضغطي هنا..

أما بالنسبه للهدايا والكلمات فقوليلنا كم أعمارهم وان شاء الله بنساعدك..

م

منّوره

عروس نشيطة

01-01-2006 | 10:51 AM

مشكوره أختي دلوعة حبيبي على مرورك العطر ...
و بالنسب لأعمارهم متفاوته يعني في 12هذا أكبر شيءو في 10 و ما تحت يعني
6,4,3,1
و مشكورو مررره أخرى

ن

نجمة الليل

مشرفة سابقة

01-01-2006 | 04:17 PM

البناات كفو ووفوو..

وتسلمين على الموضوع..

م

مشتاقة لقطر

تاجرة

02-01-2006 | 09:41 PM

منّوره:
أسفرت و أنورت "مشتاقه لقطر""
أفكرك مررررررررررررررررررره غريبه و فيها متعه إن شاء الله أسوي التنكر..
شكرا جزيلاً

هلا الغالية
الموضوع منور بصاحبته

الحمدلله اعجبتك الفكرة

انا ماصرت اعصر مخي واطلع افكار الا يوم اشتركت بهالمنتدى الراااائع

بانتظارج
ولازم تقولين لنا شوسويتي من .......................الى

تحياتي لج
وبانتظارج
يالحلوة