أبغي رد عاجل من بنات بوظبي .. لهن احترامي ،،

U

Um_SaRoOnA

عروس مشاركة

30-12-2005 | 09:28 PM

السلام عليكم ورحمة الله وبركاته ..

أنا قاعدة أجهز لأول ( بيبي ) ،، الله يقر أعيننا بالذرية الصالحة ..

أبغي أسوي طقم ( شنطة + كيس اللي ينحط فيه البيبي )

مادري اللي شافت حركات محل ( أنا وطفلي ) ،، يعني تقريبا نفسها

ممكن توصفوني على محلات أو أماكن في بوظبي تسوي هالسوالف وبأسعار مناسبة ،،

حتى لو كان في دبي بحاول أسير ..

دخيلكن ياريت ألقى رد سريع عشان ألحق ..

وجزاكن الله خير ..

s

star m

عروس جديدة

30-12-2005 | 10:25 PM

شوفي معرض أيوب عندهم أطقم ستارة السرير ولبسة البيبي والشنطة
الله يقومك بالسلامة ويسهل عليك الولادة

U

Um_SaRoOnA

عروس مشاركة

31-12-2005 | 12:37 AM

star m

تسلمين عالرد ،، ماقصرتي ..

والله يستجيب دعواتج ..

b

bj3a

عروس ماسية

31-12-2005 | 10:58 AM

انا عندي رقم وحده في دبي ... تسوي اشيا حلوة ..

4 قطع ــــــــــــــــــــــــــــ ب150 درهم

وعندها اشيا ثانية بس انا الس خذته عنها طقم واحد

ر

روضة بوظبي

عروس ماسية

31-12-2005 | 11:22 AM

هلا حبوبة الله يتمم لج على خير وتقر عينج بالمولود

بس بغيت اسألج

بلاها انا وطفلي انا كنت ناوية اخذ من عندهم !!!!

U

Um_SaRoOnA

عروس مشاركة

31-12-2005 | 01:49 PM

bj3a

ياليت اطرشيلي رقم هذي اللي بدبي ،،

وشو تقصدين بالأربع قطع اللي تسوينهن ! >> أي قطع ؟!

أنتظر ردج ..

ويعطيج العافية..

..

ღروضـة بـوظبيღ

مابلاها شي ( أنا وطفلي ) ،، حلو شغلها ،،

بس صراحة أسعارها مبالغ فيها واااااايد ،،

وسمعت إن في بنات من البلاد وفي محلات تسوي شرات ( الديزاينات ) اللي عندهم وبأسعار معقولة ..

قلنا خلنا نشوف ..

تسلمين عدواتج ..

m

mam_175

عروس جديدة

27-01-2006 | 11:28 AM

هلا الغالية

أنا مسوية عند أنا وطفلي حق ولادتي

وما شاء الله شغلها راقي و رصين

وأسعارها حلوة مقارنة في كمية الدانتيلات اللي اللي تحطهم ..

وتلاقين عندها جميع المستويات يعني إذا بغيتي بسعر متوسط أو غالي

وإهي دوم تسوي للشيخات

وعن تجربة سويت عندها الكفر مع اكسسواراته ( المخدات + الزبالة + الكلنكس + المفارش ) سرير البيبي و ال baby bag

والكل تخبل عليه

أما اللي قاموا يقلدونها يا إنهم ينقصون في كمية الدانتيلات يا انهم يحطون دانتيلات رخيصة عسب يرخصن في السعر

وفوق هذا تعاملهم حلو

ش

شماامي

عروس فضية

29-01-2006 | 10:40 AM

انا مسويه عند بيبي شوب

سرير +شنطه+كيس الياهل

وباسعار مناسبه