زوجي يضربني000000

مشكورين خواتي على مروركم شقولكم زوجي مايتقبل المناقشه يضربني على اتفه الاسباب والله حاولت اسايسه بس هو عصبي مرررررررررره وخايفه يطلقني بس مادري اقول لاهلي ولا اسكت خايفه لو قلت لاهلي يكبر الموضوع والله حايره

الله يعينك

ادعي ربي يصلح حاله

وناقشية وقت روقانه وافهمي مشكلته

السلام عليكم

اختي انتو توكم متزوجين يعني سنه ويضربج عيل لين كملتوا عشر سنين شبيسوي؟

مع احترامي لج سكوتج ضعف وهذا اللي خلاه يتمادى ويمكن بعد حاس انج وايد تحبينه وراح ترضين في اهاناته لج..

اتخذي موقف جاد.. وعصبيته مب مبرر للضرب وايد رياييل عصبيين ما يضربون حريمهم


الله يوفقج وييسر امورج ان شا الله

ماعليج منه ... اهم شي في الدنيا كرامتج و لا تخلين ريال ما يحترمج يكون سبب في خوفج ان يوم بتخبرين اهلج هو بيطلقج..

اذا بيطلق مع السلااامه انتي بنت ناس مب حيوانه ...

و توكلي على الله و ما عليج منه

المهم انتي و بس

[grade="00008B FF6347 FFA500 4B0082"]هلا اختي

انا مب مكاني انصح في هالمواضيع بس لاني شفت ناس صار لهم نفس الشي ومابي يصير لج

اختي لا تخلينه يضربج لانج بتصيرين جنج لعبه بيده يتحكم فيج ويضربج وعباله انج ملكه وله الحق يسوي اللي يسويه
انتي انسانه مثلج مثله ... واذا هو هذا تفاهمه لا تتفاهمين معاه علمي هلج عشان يتدخلون....... و اقولج شي حتى لو تطلقتي لا سمح الله ... كرامتج ومشاعرج اهم من كل شي..... حتى الطلاق
يعني تخليلي عمرج بعد كم سنه وعندج يهال وهو يعصب عليج ويضربج وانتي تحطين حرتج في اليهال ونفسيتج تعبانه ومالج بارظ لشي!! ما توقع انج تبين تعيشين كل حياتج في مهانه وتخربين نفسيات عيالج عشان خاطره .....

اختي اذا ما في احترام بين الزوج والزوجه تستحيل الحياه بينهم لان اكيد واحد منهم بيكون منهان وتعيس
بيني له انج ما بتخلينه يضربج وبتمين ساكته ولا بتدافعين عن نفسج ....... دافعي عن نفسج لا تسكتين ابد لا تسكتين ........ لا تدمرين حياتج بسكوتج لان الطلاق مب اسوء من الحياه بتعاسه [/grade]

السلام عليكم و رحمة الله و بركاته؛

كأني قد قرأت لك موضوع سابق عن رغبته في تكبيرك لحجم صدرك.. و على الرغم من أن مطلبه جمالي إلا أن الحب يذيب كل الرغبات كما أظن..

و في هذه الصفحة عبرةٌ أخرى فهو يضربك في أول سنة زواج..

و أتعجب من اسمك الحركي!

فتأملي.. ماذا سيحدث بعد خمسة أعوام أو عشرة.. و بوجود الأطفال .. فلا تجعلي حبك له عثرة في طريق التفكير السليم..

صحيح إن الرجل يتغير و بأن السنة الأولى قد تكون متوترة و لكن ليست لحد الضرب!!
و هذا قد يؤثر عليك اليوم و إن استمر سيؤثر على الأبناء غداً..

خيّه أهلك هم عزوتك، و لا بد أن يعرف زوجك بأنك لست وحيدة ليتلاعب بك كيفما شاء..

و من يتجرأ على ضرب زوجته فهو لا يحترم ذاته أصلاً..


- و لا تأخذي كلامي بمأخذ التخريب لا سمح الله - ..

السلام عليكم و رحمة الله و بركاته

هلا بيكي أختي...

إستغربت أختي لأني قرأت لك في موضوع ثاني هذا الكلام...

اموت في زوجي:
هلا بنات ادعو لي اني أحمل هالشهر صار لي 6 سنين ماحملت محتاجه دعئكم الله يخليكم

كيف أختي هنا تقولي ما كملت سنة زواج......و هناك تقولي صار لي 6 سنين ما حملت ؟؟؟؟؟؟؟؟؟

كنت برد بس بعد ما شفت تعليق مراقبتنا العزيزة ام مريم

انتظر اجابة معاها !!!!!!!!!

اختي الله يعينج

ما احب اكون محضر شر بس المفروض الوحده ما تقبل على نفسها الاهانه لانه شو فايدة الزواج اذا ما فيه احترام

باجر لا صار عندج عيال بيتطاول عليهم هم بعد

كلمي اهلج او اي حد عاقل و فاهم يموون عليه

بس لا تتجاوزين عن الموضوع

الله يفرج كربتج

اختي مرموم تعتقدين اني اكدب والله كنت متزوجه قبل 6 سنين بولد عمي لكن كان عندي ضعف في المبايض وانفصلنا بعد 4 سنين ونص زواج وبعدها ب5 شهور تزوجت والحين صار لي سنه مع زوجي الثاني وماحملت من كدا طلبت لكم تدعون لي اني احمل لان صار لي 6 سنين وماحملت فهمتو الحين

اخي اموت في زوجي

والله عورتي قلبي

حبيبتي حاولي تتفاهمين معاه باي طريقة

يعني طرشيله مسج كلميه بحنيه يوم تشوفينه لين وهادي

كلميه بهدوء وحنان

بس حبيت اسئلج هو يحبج؟ يعني انتي شايفة انه يحبج بغض النظر عن الطق الي تحصلينه

والله يرزقج بالذرية الصاااالحة يـــــــــــــــــارب

وانا بدعيلج ان شاء الله والله يفرج همج

واصبري حبيبتي "ان مع الصبر يسرا" لاتنسين هالشي يالغالية

ولاتنسين ان الله موجود وماراح يترك عباده الصالحين

اختج
#رومانسية#

حبيبتي الموضوع ماينسكت عنه

يعني توكم بداية زواجكم يسوي كذااااا

قولي لأهلك

ليه ساكته ؟؟

هلا اختى،،،،

طيب يا اختى اسمج اموت فى زوجى يعنى باين انج من النوع اللى كلش عشان الحب او التخيل يضحى بالكرامه ،،،،


يا اختى الاسلام كرم المراه فى كل المحافل ونجى احنه نهين نفسنه طيب لييه؟؟؟؟؟؟؟؟؟


عموما انا اشوف احد يدخل من اهلج يوفقه عند حده واذا فييه عقده يتعالج بدون ما يضرج بالله كيف ساكته؟؟

[QUOTE=العين الزرقاء]لازم تشوفين حل سريع

اليوم ضرب باجر شي اكبر

لازم لازم تشوفين حل للمشكله

نصيحه لتخلين اي انسان ولو كان زوجج يقلل من قيمتج هذا وانتو ماعندكم عيال باجر شو بتخلينه يضربج امام عيالج

لا لتسكتين وان صار عندج عيال وضربج امامهم شو بيقولون اكيد ماما مسويه شيء اتمنى اني افتج

انشالله مايصير طلاق بس لو صار لا اول اول امراه ولا اخر امراه وممكن يكون لج نصيب مع غيره

والسموووووووووووووووووووحه

يسلم ثمك نفس راي

الله يهديك ...لا تسكتين ... قولي لوالديك على الاقل ...لانهم هم حيكونو سند لك....

ما يسير هو يضربك بدون اسباب....وانت ساكتة ....والله ضلم ....

ما تسكتين حبيبتي ....على الموضوع .............

اول شي تقومين به هوانك تخبري والدك ...علشان يتتفاهم معاه ....ويمكن يخاف منه وما يعيدها مرى اخرى ...

الله يعينك

اختيه اموت ف زوجي .. اسمحيلي اقولج شي .. انا بعد شفت موضوعج اللي تكلمت عنه اخت مرموم وبعد شفت لج موضوع ثاني وثالث في ركن الحمل والولادة وكلها تدور ف محور واحد انج تتمنين الحمل .. وف هالركن شفت لج موضوع انه زوجج يبي يتزوج عليك .. والحين زوجج يضربج .. انا ماتهمج بشي لا والله .. بس الي بغيت اقوله اختيه الكريمة انج ترتبين افكارج عشان تقدرين تعرفين شو هي مشكلتج بالضبط ؟!! فأنتي تبين الحمل .. بس ريلج يضربج .. ويبغي يتزوج عليج .. طيب قبل لاتفكرين ف الحمل فكري كيف تتفاهمين مع ريلج ؟ كيف تخلينه مايضربج .. كيف تشيلين فكرة الزواج من راسه ..بعدين اختيه كونج متزوجة للمرة الثانيه هالشي مايخليج تتنازلين عن كرامتج .. مافي حرمة ف الدنيا كلها ترضى ريال يضربها .. الا اذا كنتي حاسة انج تستاهلين الضرب !!! اسمحيلي اختيه بس محد يضرب حد بدون سبب الا اذا كان انسان مب طبيعي !!اختيه قعدي مع ريلج وتفاهمي معاه بكل هدؤ وافهمي منه ليش يضربج ؟! وليش يبغي يتزوج عليج .. وعسى الله يهديه ويصلح من حاله ويسعدكم ويرزقكم الذرية الصالحة

يضربج وساكته عنه .. اسمحيلي صراحة انتي ما عندج شخصية و تخافين منه لازم تخبرين أهلج و تحطين له حد

ماقووووول الا الله يوفقج وينولج اللي تبينه من الذرية الصالحة

والله زوج يضرب
ماينجلس معه
الله يعينك ويصبرك

حمدالله و الشكر..
اشلووووون ساكته عنه؟؟؟