خائفه !!!!

[align=right]

أنا أيضا أبنتي لا تأكل الا بالغصب و بالترغيب و أكلها جدا جدا ضعييييييف و الله المعين

و لو أجبرتها بالقوه تقرغه من غير أرادتها و في نفس الوقت عنيده ما أقدر أسيطر عليها

اسأل ربي يعنني و يعنش

لااااااااااااااااااااااااا وألف لااااااااااااااااااااا


اللي تسونه غلط يا أخواتي ، لا تغصبون الأطفال على الأكل أبداً ، لأن بهالطريقة راح يعافون الأكل

أنصحكم تأكلون أولادكم في مكان ما ف يه شوشرة ولا إزعاج أو أي شي يلفت الأطفال لأن من الشي الطبيعي راح يصبون
جل إهتمامهم وتركيزهم باللي شاغل بالهم ..

حاولوا تنوعون في الأكل ولا تجبروهم على نوع معين والأفضل إن اللي هو يختاره ..

لازم تكوني مبتسمة وإنتي تأكلي الطفل لأن وجهك المتوتر والعصبي يزيد من توتره وعصبيته


أخواتي والله لو عملتوا بحث في هالموضوع وبالذات هنا في المنتدى راح تحصلون الشي الكثيير اللي راح يفيدكم ..

انا احب اقول للأختين العزيزتين

عنت جربتي
انا عندي ولدي كان بنفس العمر هو وبنت اختي وبنت اخوي

وهما الثنتين من النوع اللي عيونهم بعيالهم يتمون يحنون على بناتهم هاج هذا هاج هذيه واذا كلت الوحدة منهم تشوفينهم عيونهم تبي تطلع من الوناسة ان بناتهم كلو
ودايما يقولون اهما الثنتين بنتي ماتمتن ..
صرت اقول لهم والله من عينكم ..انا ولدي اتركه مع اهلي يوم كنت اداوم والتهي وهمي العبه صار من نفسه ياكل مع خواتي وامي او اي حد من اللي بالبيت يعزم نفسه وفرق بين صحتهم ..

يمكن عينج فيها خليها على راحتها جهزي الاكل وخليه قريب منها وهي بنفسها بتطل فيه وبتاكل ..
والا قولي لها مب حقنا هالأكل تحملي تأكلينه بينغزها الفضول وبتذوقه ..

جربي وقولي لي ..شو صار ..

تحياتي لج
مادري اذا طريقتي صح والا لا ؟؟

هلا اختي الكريمة شوفي ما احب اتفلسف بس من كثر ماقريت عن الاطفال ومن تجربتي مع بنتي الطفل كل شي بالتعود عنده وتغيير العادة معروف انه امر صعب بالنسبه لك انت يا كبير فما بالك بطفل صغير
كلام الاخت ام مهند صح وقت الاكل يعني وقت الاكل واي شي يشد انتباه الطفل ياثر في كمية الاكل
بنتي يوم اكون في بيتي نكون انا وياها والصحن وتاكل بس من اروح لاهلي ماشالله العايله كلها على السفره والتلفزيون فيالله تاخذ كم لقمه وتروح تلعب فحاولي تعلمينها المشاركه في الاكل معاج وبهرجي لها الصحن والاكل وحطي انواع محببه للاطفال واوعديها بالعصير بعد الاكل وان ما فاد حاولي ان الجلسة تكون لها بالكامل ييعني انتي في خدمتها لتأكل وانشالله انها بتتحسسن

اما بخصوص اللعب بحكم شغل ابوها نقعد اغلب اليوم لحالنا انا وياها واذا صار الويكند واجتمعت العايله كانت تلصق فيني ولا تفكك وماما وماما تخليني اكره الجمعه لين ربي هداني وصرت يوميا اخذها عند جدها وجدتها واعمامها وتغفل عني اتسحب واخليها معاهم شوي شوي لين صار متعوده انها تلعب بعيد عني
بس كل شي مع الطفل يباله صبر وانا انسانه ادعوا لها بالصبر
وترا الطفل يفهم ومن عمر السنه ونص يفهم كلميه لحالكم واشكيله شوي شوي بيتعلم هالشي
والله يحفظ قرة اعيانا يارب