انا وزوجي حاسين بالذنب

بقولكم سالفة استوتلنا وخلتنا نحس بالذنب ونتساءل اذا اللي سويناه غلط او صح .. ابغي منكم بنات تريحوني وتعطوني اراءكم بالموضوع دخيلكم لاتبخلون علي..
الله يسلمكم نحن دايما ايينا عامل هندي يغسل سيارة زوجي وينظف الحوش ساعات وينظف المجمع اللي ساكنين فيه وايي الضحى تقريبا ويتم لين العصر يوم يرد زوجي من الدوام .. وعادة هو يدخل حوشنا وياخذ الماي منه عشان ينظف السيايير ..

وفي اخر زاوية من الحوش من داخل بلكونة غرفة النوم .. وجامات البلكونة من النوع العاكس في الصبح والفاضح في الليل اكيد تعرفونها.. المهم ..اليوم العصر انا كنت يالسة عالكمبيوتر في غرفة النوم وطبعا ماخذة راحتي .. وستارة البلكونة مفتوحة . الا اشوف هالهندي ياي صوب البلكونة .. واول مرة يسويها .. واتعرفون شو سوا؟؟؟؟؟؟؟ !!!!!

تم يوايق من الجامة ( لصق ويهه وحط ايده على الجامة عشان يشوف اللي داخل الغرفة ) وطبعا العصر الجامة تكون عاكسة من بعيد لكن اللي بيلصق ويهه بيشوف كل شي خاصة والليت شغال في الغرفة.. شوو موقف كل وحدة لو كانت مكاني؟؟؟؟

انا اتنرفزت وارتبكت ومحد في البيت غيري انا وبنتي عمرها سنة ونص .. جان اير الستارة بسرعة قبل لايلحق يشوفني ...

وسيدا اربع اتصل بريلي واشتكيله .. عصب زوجي واتحلف له ويا البيت على طول وسار عنده ضربه كف وهزبه والجيران سمعوهم وطلع واحد يتخبر عن السالفة جان يقوله ريلي شو سوا ورد عليه قال هذا الهندي مرة شفناه شارب........... ..

وطبعا بعد ماضربه وهزبه وطرده وقال له ياويلك لو اشوفك هني مرة ثانية تم الهندي يصيح ويقول انا ماسويت شي..

وانتهت السالفة .. وعقب فترة بدينا نحس بالذنب انه قطعنا رزقه .. وفوق هذا خفنا لاايي ينتقم او يذبح حد منا او يسرقنا الله يحفظ.. اللي سويناه صح ولا غلط ؟؟؟؟؟؟ ياترى هالهندي يستاهل هالشي يستويبه؟؟؟؟ انا وايد حاسة بالذنب وقلبي يعورني عليه .. بس فوق هذا احاول اسكت عمري واقول لو انا كنت مفصخة او يالسة البس وهو تم يطالع شو بيكون موقفي؟؟

شو رايكم بنات شو بتسوون في هالموقف؟؟ قلبي يعورني وخاف الله يحاسبنا انه قطعنا رزقه.. وبعد اخاف هالهندي ينتقم منا ويسويبنا شي!! ..