مساعدة .....يا بنات الإمارات

صالون مشكبار صالون قديم وله سمعته
و صالون الشموس مب من زمان مثل مشكبار

و لكن الفرق أن مشكبار مزدحم و ما يسوون سالفه للزبومات المهم انهم ايسوون الشغل و يخلصون الزباين بأي طريقة
و الدليل على ذلك انهم ايحطون كريم الاساس و يخلونج تنتظريين فترة طيلة ( ملطوعة ) و في نفس الوقت علشان ما تطلعيين و اتودرينهم

و صالون فيه هذي الزحمه اكيد بيشتغلون بسرعة و اي كلام
و بالنسبة للنظافة فهي مب لين هناك
اتصدقين انهم ما يبدلون الاسفنجات من زبونه لاخرى
وحده من صديقات اختي صالر في وجهها حساسية و حبوب بسبب الاسفنجة القذرة؟!!!!!

و صديقتي يوم عرسها حبت تحجز عندهم تدرين شو قالو لها . انهم ما يقدرون يطلعون و الاحسن ان تجي هي عندهم الصالون . ( كيف بيركزون عليها في نص هالزحمة) و تحججت لها ان الاضائة احسن في الصالون و في الاحير قالت لها ان اذا جتها الفندق هذا بيكون خسارة للصالون لان فيه وايد زبونات



و صالون الشموس مستوى مكياجهم في نفس مشكبار .لا وبعد احسن من ناحية المعاملة و التركيز على الزبونة
و الي حبيته ان اسعارهم روعة

اتصدقين وايد عرايس يحجزون عندهم و اغلب شغلهم خارج الصالون

و عندهم عرض حلو مع كل عروس يزينون وحده مجانا


( مع احترامي لآراء الاخوات الاعضاء في مشكبار و لكن هذا راي الشخصي)

و بالتوفيق انشاء الله

شوفي حبيبتي بنت الكويتي أول شي ألف مبروك أنا بدلج على صالون روووعه في دبي كان عندنا عرس في العين من فتره ويتنا مال الصالون لين العين حق العروس ب4000 وحق اللي وياها ب 500 بس والله الشاهد على كلامي مكياجها روعه ويجنن وأسم الصالون ماريكال تتش واللي تسوي المكياج مواطنه وتسويلج المكياج مثل ما تبين وبعدين ما انصحج في صالون مشكبار لأنها تحط المكياج وايد ثقيل جنه محطيه قناع وإذا حبيتي تحجزين عندها احجزي من هذي الأيام لانه تكون زحمه ;)

مشكوووره أختي غزلالالالالان:)

مرحبا اختي بنت الكويتي اليوم سرت صحاري وشفت استديو تصوير ررررررررررروعة ومختلف عن الغير ويخلصون الالبوم في 10 ايام وشفت عندهم ما اعرف شو اوصف لج انصحج اتسؤين واتشوفين


انا اتصورت صورة فنية بس شو اقولج المهم اتمنيي انج اتسرين وهو فوق الدور الثاني اخر محل واذا اي شي انا حاضرة

هلا حبيبتي الحرمان
لو بس اتقوليلي شو اسمه عشان اطلبه من 181 وأسألهم ..؟؟
انتي متأكدة انهم عادي يصورون أعررررررررراس

مرحبا اختي بنت الكويتي انا شفت الالبومات مال اعراس عندهم اقولج انا وبنت خالتية اتخبلنا ررررررررررروعة والله واحسن عن ايواب عيسي وسنيورتا وغيرهم والله ان شي يديد وبعدين بنت خالتية يمكن اتحجز عندهم والله اللي شفتة شي يستاهل بعطيج الرقم بس مب كاتبين في الورقة الرقم بس اتصلي صحاري و اسئلي عن الاستديو اللي فوق وبيعطونج الاسم والرقم والسموحة يا بنت الكويتي

مشكوووره الحرمان:)

العفو يابنت الكويتي واذا تبن اي شي انا حاضر

شوفي حبوبتي انا ما اعرف شي عن اللي تبينة


بس عندي شي يمكن يفيدج في العرس


عندي رقم وحدة من العين تسوي هدايا للمعازيم في الاعراس و الحفلات المختلفة

اذا بغيتي رقمها خبريني وبطرشلك على الخاص

وترى اسعارها ارخص من السوق

راما العين :)
والله ياليت لو اطرشين لي الرقم بكون شاكره لج

مبروك بنت الكويتي وحبيت أخبرج عن صالون بافان إللي في الشارجة تعديلهم حلو صراحه أنا ما شفته على الحقيقه بس شفته في الألبوم بس الكل يمدحه وأنا إن شاء الله ناويه أتعدل عندهم في الملجه. و على فكره عندهم 3 فروع في الشارجه وأحسن تعديل لغادة ولبنى...... وفكري.
بالنسبه لاستيديو التصوير يقولون عن استيديو إسمه الصوره الحقيقيه بس ما أعرف مكانه يمكن في دبي وما يشتغلون فيه ريايل (الوحده منا لازم ما تجازف أول تتأكد).
وإنشاء الله أكون نفعتج ... وأنا حاضره

أختي بنت الكويتي

روحي صالون إيمان في دبي

أختي سوت عندها يوم عرسها

بتطلعج قمر

:)

مرحباااااااااااااااااااااا:D
أختيييي بنت الكويتي.... صدقيني العروس اللي تهتم في أدق التفاصيل لازم يستوي لها شي غلط في العرس أو مقلب و العلم عند الله :D
أبغي أقولج: ريلاااااااااااااااااكس ريلااااااااااااكس.... وكل شي انشالله بيكون (ترتوب)
بما أنج بنت منطقتيييييييي:eek:
بفيدج باللي أقدر عليييه( إذا حبيتي أكثر بضيفج عندي في المسنجر)
الحين أنصحج أنج تروحين تسوين بروفه عند صالون فيكتوريا في العين( منال)
مكياجها كل مره يصير أحلى عن اللي قبله... و عندها كتالوج للمكياج خاص فيها.... و ماله داعي صالون من برا العين اريح لج هنا مادام الشغل الزين متوفر... أنتي سوي بروفه عندها و بعدين قرري شو خسرانه ;)
صالون سيدتي بيسوي لج أحلى تنظيف للبشره.. و مكياجهم مال العرس حلو بعد...
بتافيا تسريحاتها حلوه بس...
صالون عبله للحمام المغربي..
الحنا: صالون ميثا، العروسه..
و أحسن ألبوم عرس و تصوير أنا أشوف عند الوسام، و جميرا بعد.. صدقيني العين شغلها تطور حالها حال الامارات الثانيه...
همسه:
أقلهن مهرا.... أكثرهن بركه..

:D :D :D

أوه موضوع قديم

دخلت بالغلط

.....شكرا منى الروووح للرد ......
:D

اختي
ممكن تشوفين ليله فرح لخدمات الافراح في عجمان
عندهم اشياء حلوه
و ممكن يسون لج زفه خاصه فيج
خاصه ان صاحب المحل ابوه الشاعر المعروف ربيع بن ياقوت

:D :D :D :D ملعومة حلوة عرررروس الشرق

عروس الشرق
شكرا للمعلوووومه الحلوة

;) ;)