ممكن مساعده ؟؟

اختي الكاسكو انتي كم لك ما سويتي فورمات للجهاز؟؟؟؟؟؟

أختي ممكن تقولين لي مواصفات جهازك مثل السرعة وغيرها ؟ وراح اعطيك أمر سريع تكتبيه ويطلع لك مواصفات جهازك بالكامل

أختي افتحي ابداء ( START ) بعدين تشغيل ( Run ) وبعدين اكتبي ( dxdiag ) بعدين زر انتر وراح يعطيك مواصفات جهازك بالكامل مثل نوع نظام التشغيل وسرعة المعالج وذاكرة النظام .. عطيني المواصفات وراح اساعدك بأذن الله ...

فمان الله ........

السلام عليكم ورحمة الله وبركاته

اشكرك اخوي ابرفشونال على مساعدتك لي وربي يجزيك الجنه آمين يارب العالمين 0


اسم الكمبيوتر :

نظام التشغيل : ( micrsoft windows xp professional (5,7 ,build2600

اللغه : english الاعدادات الاقليميه ( العربيه )

المعالج : 1.80ghz inter (r ) celeron (r) cup

الذاكره : 96mb ram

ملف الصفحه : يوجد 212 ميغابايت مستخدمه و 46 ميغابايت متوفره

اصداري Direct X DIRECT X 8.1 (4.01 .0810


وحبيبتي حصيصه ، اخر مره سويت فورمات قبل شهرين بالضبط 0



ومشكورين حبابيبي


الكاسكو

أختي الكاسكو .. واضح من مواصفات جهازك إن الذاكرة المؤقته ( RAM ) صغيره كثير وخاصه إن نظام التشغيل عندك هو WINDOWS XP PROFESSIONAL وأنتي محتاجه على الاقل ذاكرة بحجم 256 كحد ادنى للنظام علشان يشتغل بكل استقرارية وبدون اي تعليق ومشاكل بأذن الله ... ومشاكل عدم العثور على الملقم لها اسباب كثيرة منها .. ضعف الاتصال ويمكن يكون السبب من تمديدات اسلاك التليفون أو من مزود الخدمة للشركة نفسها .. أو من جهاز المودم لأن بعض الانواع رديئه وماتعطي نتائج كويسه مع الاتصال ... فلاازم تتأكدي اختي من كل الحاجات هذي ويارب تنتهي مشكلتك قريب ... وأي حاجة انا حاضر ..

فمان الله ......

اخوي اشكرك وماقصرت بس مافهمت يعني شسوي ؟.


ومافي حل لمشكلتي يعني ؟

ولمن ادش موقع ساعه يالله يبطل معاي ؟؟ وحتى الماسنجر بعد ؟


الكاسكو

هلا فيك أختي وأسف لتأخري بالرد ... أختي المطلوب منك إنك تروحي لأقرب مركز كمبيوتر وتطلبي زيادة ذاكرة الرام لجهازك وراح يركبون لك قطعه الكترونية صغيرة داخل جهازك وهذي تسمى ذاكرة ( RAM ) ...

والشي الثاني هو انك تشيكي على كيابل التليفون عندك يعني تتصلي على الشركة وتطلبي منهم فحص خط التليفون تبعك ..

وبعدين تفحصي جهاز المودم عندك عند اي مركز كمبيوتر وتتأكدي هو كويس أو لا لأنه يمكن نوعيته تكون مش جيدة وضعيفه ..

وإن شاء الله تنحل مشكلتك ....

فمان الله .......

شوفي اختي الكاسكو تاخذين نصيحتي وانا انسانه مجربه ومهندسة كمبيوتر انصحك لا يمر اكثر من اسبوعين بدون ماتفرمتين جهازك وفيه حركة انصحك فيها الا وهي برنامج الباك اب الي هي تفرمت الجهاز في اقل من 10 دقايق وترجعه زي ماكان جديد بكل التعاريف والدرايفرات .
ليش انصحك كذا عشان اي مشاكل بالجهاز تنحل واي فايروسات تروح
وهذا انا الي اسويه من زمان والحمد لله جهازي ماشي معي تمام التمام

حصيصه كيف يعملون فورمات ؟وشو هو برنامج الباك اب ؟اسمحيلي اختج مبتدا في الكمبيوتر:o

أختي حصيصه تسلمين على الرد لاكن عندي تعليق بسيط على كلامك إذا سمحتي لي ...

أختي بالنسبة للفورمات فهو يضر بالهارديسك وهذا شي معروف .. صحيح إنه حل نهائي لمشاكل كثيرة لاكن بعد كل عملية فورمات لاازم يتلف جزء من الـ SECTOR للهارديسك وهذا شي اساسي ويحصل لأي هارديسك يعني بعد فترة راح يصيب الهارديسك BAD SECTOR ويبداء الهارديسك بأظهار اصوات ويبداء يعلق ويفصل الكهرباء تبعه لحظات ثم يشتغل من جديد وبهذي الحركة يصيب الكمبيوتر تعليق واضح .. ومع الوقت راح تشوفي كلامي هذا على جهازك .. ...

ونصيحه من اخوك حاولي دايماً انك تحلي اي مشكلة بعيد عن الفورمات لأن اي مشكلة لها حل من دون فورمات وبكذا تكوني طورتي مهاراتك كمهندسة كمبيوتر وتكتسبي خبرة اكبر في حل المشاكل .. لأن الفورمات هو الحل الوحيد للمبتدئين .... وبالتوفيق لك يارب

فمان الله ..........

أختي mewo بالنسبة للبرنامج اللي تتكلم عنه أختي حصيصه فهو برنامج يقوم بأخذ صوؤرة كاملة للهارديسك بالكامل أو بارتيشن محدد .. ويقوم بحفظه على شكل ملف مضغوط .. واي مشكلة تحصل لجهازك وأضطريتي للفورمات فهذي البرامج تسوي لك استرجاع من نفس الملف اللي انشأتيه بواسطتها وبكذا يرجع جهازك لحالته الجيدة وبكامل البرامج والتعريف .. وأنا بصراحه افضل استخدام برنامج شركة SYMANTEC وأسمه Ghost وأفضل الاصدار 9.0 لأنه سريع جداً ويسوي ضغط كبير لملف الـ Image ولأنه يعطيك امكانية عمل Edit أو تعديل لملف الـ Image لجهازك ...

فمان الله ........

شكرا لك يا unprofessional على هذي المعلومات لكن انا صار لي مفرمته هاردسكي تقريبا 400 مره وماشي معي تمام التمام واصلا مايطلع صوت الا هاردسك واحد الي هو وسترن دجتال لانه هاردسك مايتحمل شي ابد وحساس لكن انت جرب هاردسك Seagate وفرمته الى ما تتعب وتشوف ان كلامي صح وعلى العموم كل شي له عمر حتى الانسان له عمر ويخلص يعني انا اعتبر ان الكمبيوتر ككل من وجهة نظري ان اقصى عمر له من سنتين الى ثلاث سنوات بالكثير


اختي mewo شوفي انا مشغوله شوي هذي الايام لكن خلي يكون عندي وقت ومن عيوني اعلمك الي تبغين

تسلمين على الرد اختي حصيصه لاكن بالنسبة للشركات المنتجه للهارديسك فلحد هذي الساعة ماظهر شركة اقوى من ناحيت التحمل أو السرعة مثل شركو ويسترن ديجتال ولاتنسي السرعات الخيالية اللي تتميز بها اجهزة الهارديسك من نفس الشركة .. وبالنسبة للصوت يمكن انتي جربتي نوع مضروب أو قديم شوي أو من نوع EB الرخيص ومن نفس الشركة .. لاكن ممكن انك تجربي هاديسك ويسترن ديجتال من نوع BB أو ALTRA وراح تلاحظين الفرق .. وفيه نوع نزل الان في السوق وبلا منافس وأسمه SATA وسرعته خيالية تصل لـ 10000 دورة في الدقيقة وهو من انتاج نفس الشركة ...

اما بالنسبة للفورمات فأنا مثل ماقلت لك إنه يضر بالهارديسك سواء كان من نوع ويسترن أو سيجيت أو ماكستور او اي نوع ثاني .. والفورمات اللي انتي تعمليه لجهازك مو هو نفس الفورمات اللي انا اقصده لأن للفورمات اكثر من نوع مثلاً ..

إذا كنتي تستخدمي طريقة الـ Image مثل ماشرحتي للأخت وببرامج تعمل لك Backup للبيانات فهذي ماتسمى فورمات لأن البرنامج يعمل نسخه للملفات فوق الملفات الموجوده يعني يكتب عليها فقط .. وفيه نوع من الفورمات سريع وطريقة الامر كالتالي : e:\format /q وهذا الامر يعمل فورمات سريع جداً وهو عملية مسح عادية للملفات يعني مهما سويتيها ماراح تأثر بالهارديسك ونتائجها انها تسبب بطأ في الويندوز حتى لو كان لساته متفرمت وفي كل مره يصير ابطء من قبل وهذا شي طبيعي لأن البيانات القديمة مازالت موجودة لدرجة انك تقدري تسترجعي بياناتك القديمة بأي برنامج من برامج استرجاع الملفات مثل Easy Recovry وغيره ..

نجي للنوع الخطير من الفورمات اللي هو فورمات Low Lavel أو الثقيل .. وهذا يقوم بمسح قطاعات الهارديسك بقوة شديدة وبسرعة بطيئه جداً وبكذا يتلف بعض أجزاء الهارديسك لاكنه يمسح جميع البيانات بشكل نهائي .. وفيه منه امر يمسح جميع البيانات ماعدا ملفات النظام المهمه ... وهذا اللي اقصده من الفورمات ... واسف جداً على الاطالة لاكن حبيت اوضح بعض النقاط المهمه لاأكثر .. وأشكرك اختي حصيصه لهذا النقاش المفيد للجميع ...

فمان الله ........

Unprofessional
حصيصه
لا عدمنا مناقشاتكم المفيده والجاده.
اختي الكاسكو
اتوقع ان هالمشكله صارت معج اكثر من مرة لاني لاحظت انج نزلتي نفس هالموضوع من قبل فنصيحيت لج نفس النصيحه اللي وجهها لج الاخ Unprofessional

بارك الله فيكم جميعا.