بنات البحرين دلوني على صالون روعه في المكياج

ن

نور القمرر

عروس مبدعة

23-12-2005 | 04:53 PM

السلام عليكم ورحمة الله وبركاته

شخباركم بنات عرووس

بغيت اسأل بنات البحرين ولاتخيبون ظني فيكم

عندنه عرس قريب وحابه استشيركم في صالون يسوون مكياج حلوو وزين

يعني ابي تجاربكم في الصالونات ياريت تفيدوني وتقولولي على الاسعار مره وحده اذا تعرفونها

يلا انتظر ردودكم بفااارغ الصبر

ش

شموخ البحرين

عروس رائعة

23-12-2005 | 05:03 PM

هلا حبيبتي

انا عن نفسي جربت نورة الكعبي ومكياج العفراء وفاطمة شويطر

وبصراحه مكياجهم كلهم حلو بس فاطمة لايعلى عليه انا اسوي عندها مكياج 35 اما نورة 15 والعفراء 10 بس حلو وشفت خواتي مسوين مكياج عرايس في عرسي عند العفراء بـ20 بدون الشعر طبعا

بس بصراحه مكياج فاطمة شويطر القمه شفت بنات واااااايد يتمكيجون عند كذا وحده بس للامانه مثل فاطمة شويطر للحين ماشفت

وعندها في صالونها خواتها وبنت اختها اللي هم لمياء وصفيه ومنيره بعد مكياجهم رووووووعه بس لمياءاحلى شي بس المشكله مكياجها مايصلح لكل بنت

اما منيرة مكياجها ناااااااااااعم ويبرز جمال الوجه وصفيه شاااااااطرة

يعني عندج صالون فاطمة شويطر روحي واقعدي جدام اي وحدة تشتغل هنال

واذا حبيتي تتأكدين روحي يوم خميس عندهم زحمة وشوفي البنات

انشاءالله افدتج يالغالية

ولج التحية

ن

نور القمرر

عروس مبدعة

23-12-2005 | 06:41 PM

تسلمييييين والله شمووخ
وصج بت خالتي سوت مكياجها عند فاطمة شويطر في عرسها وكان كللش حلوو ويتهيألي احلى من العفراء بس يمكن راح اجرب العفراء

يلا يا بنات محد له خبره في هالسوالف بعد
مو تفشلوني عااد

د

دمع الليل

عروس ماسية

23-12-2005 | 11:14 PM

السلام عليكم ورحمة الله وبركاته

مكياج فاطمة شويطر وبالاخص لميا وايد حلو مكياجها ..وتقريبا يبتدي ب 18 دينار واكثر والعرايس 70 دينار

مكياج سلوى والحلو يكون ب 15 واللي تسويه لازم سلوووى لان احلى شي

ومكياج العفراء ...خصوصا للعرايس وايد حلو ...

في أمان الله

ن

نورة المزيونة

عروس برونزية

24-12-2005 | 12:06 PM

أختي عايشة البلوشي مررةه حلو تخليج جنج صورة

ا

الامـــارات

عروس مبدعة

24-12-2005 | 12:14 PM

عايشه مكياااااااجها رهيب ..

ع

عذب القوافي

مطرودة

24-12-2005 | 12:17 PM

انه الصراحة يعجبني مكياج آمال في صالون مناير

تخيلي تنظف لك البشرة وتحط لك كريمات حماية وسيرم + الماكياج هذا كلة بـــ 20دينار

وفوق هذا ماركات مو موجودة بالبحرين كلة من ألمانيا وفرنسا

والحلو الخصوصية والهدوء والنظافة ...............

ن

نور القمرر

عروس مبدعة

24-12-2005 | 01:15 PM

مشكوووووورين تسلموو

أ

أنا الشوق

عروس ماسية

24-12-2005 | 05:45 PM

أنا عني جربت عند فاطمة شويطر وكان وايد حلو وايد عجبني مزج الالوان، انا تمكيجت عند اختها صفيه واختي بعد حق عرسها وكان مكياجها ب18 بدون رموش و20 مع الرموش أما بالنسبه للعروس 40
وشفت مكياج صالون العفراء بس الصراحه كلش ماعجبني يعني وايد قديم أنا امكيج أحلى منه :shy:
أما مكياج نوره الكعبي مو ذاك الزود أنا اللي شفتهه متمكيجين عندها ويوههم كانت ملحه ووايد حاطه لهم أسود
اذا تبين نصيحتي روحي صالون فاطمه شويطر وشوفي مكياجهم شلون