الله يخليكم ساعدوني ولو في الخاص

اسال الله العظيم ان يزيل همك وغمك ......... شوفي عزيزتي روحي الشيخ يقرا عليك يمكن لاسمح الله فيكي عين
اكثري من الاستغفار وقراءة سورة البقرة يوميا وقومي صلي قيام اليل وادعي انالله يزيل همك.................

حبيبتي اقري سورة البقره كامله وادعي من الله ان يقرب بينكم وانشالله الله بيسهل عليج ويودي عنج هالشي ........يمكن عين والعين حق

مشكورات خواتي يومي بسنة و خطيبة الغالي على الرد والله إرتحت لما لاقيت أحد فتح رسالتي

المهم أنا كل يوم أسمع سور ة البقرة في الراديو يفيد ولا لازم أقرأها من المصحف

اسال الله العظيم ان يزيل همك وغمك

عزيزتي...مشكلتج غير طبيعيه..يمكن حد حاسدكم..مثل ما قالوا الاخوات...اقري قرآن وخلي مطوع يقرا عليكم الاثنين لعل وعسى ينفرج همج

الله يهون عليج الغاليه وماعليج عليج بكتاب الله وبالدعاء
بس انا من رايي لازم اصارحين ريلج وصدقيني راح يتفهم الوضع وبالعكس راح يساعدج واتعدين الأزمه بإذن واحد احد........
ولاتحاتين وخلي يقينج بربنا قوي
وعليج
بسورة البقرة
آية الكرس3مرات
سورة الصافات من 1إلى25.......3مرات
سورة الإنشراح3مرات
المعوذات3مرات

ورددي......
اللهم إحفظ زوجي من كيد الأعداء ومن شر الأعداء ومن كل حاسد وكل شيطان ومن شر الإنس والجن يارب العالمين برحمتك نستغيث وصل الله على سيدنا آمين.....

والله يفرج عليج ان شاءالله

السلام عليكم ورحمة الله وبركاته



أختي الكريمة (Arnobat_ALfreej)

كلام الأخوات صح ، قد يكون حسد أو مس والعياذ بالله.. فالأمر بينكم مو طبيعي

والأطبة النفسيين ما راح يفيدونج، ما راح يفيدج غير التقرب من الله عز وجل..

وشيوخ الدين وقراءة سورة البقرة كل يوم كاملة .. وقومي الليل وصلي الحاجة إن ربي

يألف بينج وبينه.. وبلغي زوجج إن إللي بينكم يمكن يكون حسد فلا يستعجل بالزواج

وحاولوا بشيوخ الدين قبل التسرع..

الله يجمعج مع زوجج بالخير وإن شاء الله دوم ربي يقربكم..



و السلام عليكم ورحمة الله وبركاته

الغاليه لاااازم تخبرين زوجج عشان ما يظلمج وهو ما يدري
وصدقيني انتي ما بتستفيدين شي لو تزوج عليج خااصه انج محتاجه له الحين واااايد على الاقل يوقف معاج وتلاقون حل لهالمشكله واكيد هو بيتفهم وبيحاول كثر ما يقدر عشان يساعدج لانه يحبج واختارج انتي عشان تعيشين معاه مب غيرج ..
الغاليه مثل ما قالن الخوات العلاج عند اطباء النفس احتمال يزيدج مب يخفف عنج وهنا مالج الا رب العالمين تدعينه ويستجيب لج
قومي الليل صلي واقري القران وادعيه .. كلما تييج هالحاله روحي توضي واقري لج لو صفحه وحده من القران
سبحان للوضوء فوايد عديده احتمال انه تكون فيه فايده لج من هالناحيه ..
روحي عند مشايخ الدين الموثوق فيهم وخليهم يقرون عليج احتمال تكون عين او مس صايبنج من ناس ما يحبونكم
الغاليه تقربي من الله اكثر وادعيه يفرج همج والله يبعد عنج كل سوء امين ويسعدج ويقربج من زوجج ويحببج في قلبه اكثر عن قبل امين
الله يحفظج الغاليه ويبعد عنج كل شر يا رب

الله يبعد عنج الشر والضرر يا اختي..مثل ما قالو الاخوات لازم تروحين لشيخ علم...

عزيزتي اللي فيج معروف عند الطب النفسي
شئ مو غريب
هو رهاب او برود يصير للنساء بسبب الحالة النفسية
مو سبب عضوي

واتوقع اللي فيج هو نتيجة المشاكل السابقة
وهذا اثارها تظهر عليج الحين

شوفي شنو داخل نفسج وحاولي تعرفين المشكلة اللي داخلج
واللي للحين تاعبتج ومو قادر قلبج ينساها
اتمنى زوجج يساعدج وتصارحينه او تروحين طبيب نفسي اذا تقدرين


والله يوفقج بحياتج


اختج مجبوورة

البنات كفو ووفو
لكن دوم افتحي القران ببيتك مو عشان بس العين والحسد عشان كل شئ
القران يريح النفس ويبعد الشياطين كذلك تجنبي الاغاني وحاولي الابتعاد عنها اذا كنتي تسمعينها لانها جالبه للشياطين والهم وقسوة القلوب

الله يفرج لك

اختي لازم تروحين لشيخ عشان يقرا عليج الرقية الشرعية والله يبعد عنا وعنج الشرور بإذنه

نصيحه تلقيتها من شيخ .. .
يقول عليك بقراءة سورة البقرة كاملة كل يوم و لمدة ثلاث أيام
مع قراءة المعوذات الثلاث و آية الكرسي ....في ماء و الاغتسال به
و ثقي في باطن نفسك ان لا مخلوق غير الله قادر على تخليصك مما انت فيه

فتوكلي على الله و اتبعي نصيحة الشيخ و اذا تعبتي صارحي زوجك

انا صارلي هالكلام بس مختلف لما توحمت على زوجي و صرت ما اطيق اقعد معاه
كل يوم لا اراديا اجي من الدوام اقوله زهقانه قوم ودني بيت امي
مره مرتين ثلاثه قالي وش سالفتج ما تبين تقعدين معاي دوام بيت امج و بعدين ترجعين تنامين
سكتت سكتت بس بعدين صارت مشاكل و اضطريت اصارحه و اقوله و الحين لما اقوله طلعني يضحك يقول جاتك الحاله ... :)

الله يزيل همك و يبدله فرح

اتبعي النصايح و صارحي زوجك ... ترى الصراحه تعتبر نصف الحل

[grade="DC143C DC143C DC143C DC143C"]
السلام عليكم ورحمة الله وبركاته

الله يحفظج لزوجج يارب، ورأيي من رأي البنات ،أول شي صارحي زوجج

الغريبة إنج ماتكلمتي معاه عن الموضوع لحد الحين،،،،هذا زوجج لازم يدور بينكم

نقاش في كل مشكلة تواجهكم،،،قوليله بضرورة الذهاب الى شيخ ثقة يرقى عليكم..

ماأعتقد اللي فيج نفسي،لأن البرود يخليج تنظرين لزوجج نظرة عادية مش نظرة

الزوجة لزوجها،واللي صاير معاج إنج ترغبين بزوجج وتريدين تكونين قربه يعني

ماشي برود لكن فيه شي موطبيعي يمنعج...لذلك توكلي على الله وروحي مع زوجج للشيخ،

إحتمال كبير يكون مس عاشق،مابخوفج لكن قريت حالات قريبة من حالتج،وهالمس

ماأعتقد صايبج إنتي،الله أعلم يمكن صايب زوجج،فكل ماتحاولين تقربين منه،المس العاشق

يأذيج ويخليج تحسين بالضيق والتكهرب عشان تبتعدين عن زوجج،وهدفه والعياذ بالله

إنّ زوجج ينفر منج.. نصيحة قبل فوات الأوان،صارحي زوجج وبعدها توجهي معاه

عند الراقي الثقة وبإذن الله بتنحل المشكلة...الله يوفقج ويسعدج مع زوجج،آمين

ملاحظة (أعلم بأن ليس كل الحالات والمشاكل مردّها للحسد والعين والمس ولكن خصوصا في

هذا الزمن،كثرت الابتلاءات والأمراض التي منبتها من الحسد والعين والمس،لذلك يجب

الحذر من ذلك والتحصين بالأذكار والرقية).


في أمان الله[/grade]

حبيبتي انتي اكيد فيج عيين ولا احد مسويلج سوا اقري سورة البقرة وروحي عند مطاوعة معروفين انتبهي اتروحيييين عند مشعوذين واذا انتي في دبي راح ادلج على ناس زييينين

نصيحة مني اختي تسمعين شريط اسباب منسية لخالد الجبير

والله يزاكن الله عني كل خير مشكورات خواتي

لب الفؤاد - الحلم الهادئ - شامة العز - همس القلوب - أمل مفقود - الجميلة 78 - مجبورة - عاشقة الجوري - طلوع الفجر - سحايب دبي -

oqpah - غلا دبي على ردودكن والتفاعل في مشكلتي والله ريحتوني لأني فعلاً سرت مركز إجتماعي قالولي ليش مستمرة معاه وعند إخصائية نفسية ودكتور نفسي قالولي أشياء عجيبة غريبة وآخر شيء فكرت أشتري **سيالس** قلت يمكن يفيد بس بعد ردودكن غيرت رايي وقلت خليني متعلقة بالله هو الوحيد الشافي

أميرة البجع والله خوفتيني قمت أرتجف :eek2: بس شو شيء الله يخلي أحد يجسني؟؟؟؟؟

عاشقة الجوري و oqpah مشكورين على النصيحة بس الحمدالله أنا ملتزمة وما أحب أسمع أغاني وما أحب أطالع أفلام جنسية أحس الحرام وساخة ومو لازم أطالع شيء وسخ وأعرف إني مشاهدة مثل ها الأشياء يثير الشهوة زيادة وهو بالتالي بيزيد مشكلتي يزاكن الله ألف خير على النصيحة مرة ثانية والله يسعدكن في حياتكن الزوجية و الإجتماعية

الله يوفقج

[grade="DC143C DC143C DC143C DC143C"]
السلام عليكم ورحمة الله وبركاته

الغالية ماقلت لج هالشي عسب تخافين،خلي إيمانج بالله قوي وتوكلي عليه..

اللي قلته يمكن مايكون صحيح لكن هو رأي يحتمل الخطأ..

ونصيحة تروحين للراقي أنتي وزوجج،تأكدي واقطعي الشك باليقين،ولاتخافين

لما أقول لج المس العاشق مو يعني تجزعين وتخافين،لكن اللي أعرفه إنه المس العاشق

يبعد الزوج عن زوجته والعكس صحيح،لأن المس العاشق لما يعشق أحد الزوجين يحاول

يبعد الزوجين عن بعض،ويمكن اللي صاير لج نتيجة لذلك...الليلة بالسلامة كلمي ريلج

وفهميه الموضوع،حتى لو مااقتنع قوليله إنته جرب وخلينا نروح للراقي،وبإذن الله مايصير إلا الخير..

إسئلي قرايبج عن راقي ثقة عندكم،والله ييسر لج يارب،ويحفظكم لبعض ..آمين



في أمان الله[/grade]