حلم مزعج كابوووووووس حد يحكيلي شو معناه

مرحبا
بدي احكيلكم اليوم عن حلم كتير سيء حلمت فيه الليلة لدرجة اني صحيت وانا ببكي
حلمت انو اجى يوم عرسي كانت الدنيا غيوم ومطر وكمان كان العرس بقاعة سيئة جدا ومزرية .
انا كنت بين المعازيم ولابسة لبس عادي بس خطيبي كان جاهز عادي ولابس البدلة بس كان وضعو مش طبيعي .
انا كنت مستغربة من حالي كتير انو مش محضرة حالي نهائيا للعرس مش لابسة ولا عاملة تسريحة بشعري ولا اشي
فجاة اجو علي النسوان بيحكولي بسرعة روحي غيري وجهزي حالك وفعلا رحت بدي اغير بس وانا بخلع ملابسي كنت في مكان فيه رجال وكانو بيطلعو علي وانا كنت كتير محرجة وبستنى باي حدا يعطيني ملابس بعدين اجت علي وحدة بعرفها غطتني بشغلة مش متزكرة شو هي واخدوني عند وحدة ترتبلي شعري بس الغريب انو هي كانت بتسشورلي اياه بس بدل ما ينعم ويصير سهل تمشيطو كان ينفش ويصير مجعد اكتر وانا طول الوقت مدايقة بس ما حدا حاسس فيي بعدين شفت خالتي كانت كانها بتسكر سحاب بضهري بس كان بوجع وفجاة ورجتني علامة على ايدي كانها ضربة حامية وحكتلي انها عمالها بتفكلي السحر وبعدين تركتني
بعد هيك حكولي البسي البدلة وطبعا انا ما كنت بعرف كيف شكلها كانت مش حلوة من مرة ولونها مش ابيض ناصع كانها وسخة وغطوني بعدها بعباية ممزعة وبعدها اخدوني عالقاعة وكان وضعي متل الزفت وانا اسال بحالي انو ليش مش محضرة لعرسي وليش ولا اشي متل ما بدي لا شعري ولا لبسي ولا نفسيتي كل شي متل الزفت .

يمكن هدا الحلم ما بعني شي ويمكن بعني
ما بعرف
بس اللي متاكدة منو انو نكد علي كتير بهاليوم
بس بدي احكي انو انا قبل ما نمت صليت العشاء والسنة والوتر وقرات قران وبعدا نمت

انا بدي حدا يحكيلي شو ممكن يكون اله تفسير هدا الحلم وياريت تفيدوني