انا صغيره على الحمل و خايفه و ابا حد يساعدني

بس حبيبتي ... ما كتبتي سؤالك ؟

اذا عندك أي استفسار اكتبيه

هههههههه...حاولي تتصفحين الغاليه قسم الحمل وبتحصلين كل شي تبغينه..

حاولي ترتاحين لانج بعدج باول الحمل..

اكلي الخضروات والفواكه..اكلي الاكل الصحي...كل يوم بيضه وحليب طازج..

لا تشلين الثجيل...لا تخلين شي ف خاطرج من الاكل كل اللي في خاطرج اكليه..خاصه اول فتره..

راجعي كل شهر المستشفى وااكلي الفوليك..والفيتامينات...

الله يتمملج حملج ع خير..

بس الغاليه قولي شو المصطلحات اللي ماتعرفينها وان شاء لله اذا اعرف بجاوبج..

مشكووووره العهد و ما تقصرين

انا الصراحه ماعرف شو الاشيا الي ابتعد عنها مثلا
الكولا
الحلاوه
التباسكو
المشروم
الجبس


هالخرابيط يعني

و متى الحامل تمشى و تسوي رياضه الحمل و هالخرابيط و الله العظيم اني ماعرف في هالسوالف ساعدوووووني

انا صراحه ما جربت الحمل توني عروووس

بس باقولج عن تجارب الغير.... وانشالله تستفيدين....

اول 3 شهور من حملج لازم تريحين نفسج علي الاخر .... ورح تييج حاله الوحم ,,, يعني تحسين نفسج تشتهين اكلات معينه وتشمين ريحتها وهذي الاكلات او الفواكه لازم تاكلينهاا... ما تحسين انه جسمج يطلبها علي طول اشتريها واكليها ...

لا تشيلين ثقيل... لا تسوين رياضه متعبه لانه مو زين عليج اول 3 شهور يبيلج راحه تامه .....

اشربي الفوليك والفيتامينات لازم للبيبي لازم تاكلينهم عدل وبوقتهم ....

الحليب زين لج .... اذا تحسين نفسج الصبح لايعه جبدج فا هذا طبيعي كل يوم الصبح اول ما تقعدين من النوم وقبل ما تقومين من الفراش حطي يمج بسكوت ماصخ واكلي منه شويه الصبح فجي ريجج عليه....

وتابعي الدكتوره كل شهر هذي الزياره ضروريه .....

بعد الشهور الاولى خلاص بتحسين انه كل شي صار طبيعي ... وبترجعين لحالتج الطبيعيه بس بطنج رح يكبر شوي ....

ياغاليه الرياضه او المشي المرأه الحامل تبتدي فيها من الثامن عشان يسهل الولاده ومفيده جدا للولاده.....

باقي الاشهر عزيزتي بيشرحونها لج باقي البنات ...

هذا الي اعرفه من تجارب البنات هني بهالمنتدى الرائع...

الله يسهل عليج حبوبه ولا تنسيني من الدعاء

نسيت اقولج شي مهم جدا .... ابتعدي عن البيبسي والكولا والجبس والسكريات بانواعها وابتعدي عن الشاي والقهوه والكبتشينوو

واهم شي اكلي اكل طازج فواكه خضراوات.... وصج ابتعدي عن الادويه الي من غير وصفه طبيب هذا الي اعرفه ...


تحياتي

مشكووووووووووووره و ما تقصرين و انا ما خليت كولا ما شربته و لا رياضه و ما سويتها بس الله ستر

بس مشكلتي اني ماعرف هل الفاست فود زين و لا ؟

و الكورن فلكس زين و لا ؟ لاني سمعت انه ييب السرطان

و البرد هل عادي اني افتح المكيف و خصوصا اني انسانه مثل الدب القطبي احب البرد !!؟؟

و قالولي عادي اخذ بندول العادي ما يضر ؟ هل هذا الكلام صحيح ؟


و السمووووووووووووحه على الازعاج

[grade="DEB887 D2691E A0522D"]مرحبا ......الغاليه
...الف مبروووك ....ع الحمل ...والله يتمم لج ع خير انشاء الله
من ناحيه العمر لاتخاافين انا حملت ف بنتي وكنت ادرس ف صف ثاني ثانوي ....وما صار لي اي شي
يعني ابدا لا تخاافين وثقي بان لو الله شافج مب قد مسؤلييه ما كنتي بتحملييييين ........................
ثانيا ....عشان الدراسه انتي بتعبين بس اول شي عشان الوحااام يعني اول ثلاث الشهور بس ..وبعدين عادي تقدرييين
تدرسين ,,,عااااااااااااااااااااااااااااااااااااااااااااااااااادي
وبالنسبه للاكل حاولي تكثرييين من الفواكه ...الخضروااات .....ولاتنسييين الحبوب الفوليك ..(الصفرا) وابتعدي عن الميااااه الغازيه
لاني سمعت انها مضره ......
وحاولي خصوووصا اول ثلاث شهوور ما تجهدييين نفسج ولا تشييلين شي ثقييل ....وأخر ثلاث شهوووور ناااااااااااااااامي
بما فيه الكفااااااايه انا كنت اناااام (16) ساعه يعني ارتااااحي لان بعديييييييين يوم بتولدييين لا راح اترفعيين شعااااااار
لا للنووووووووووووووم .............بي لا تخافين اول ما تخلصيين الاربعيين بيتعدل النووووم ............
اذا فيه اي استفسااااااااار انا جاااااااااااااااااااهزه ....................................[/grade]

[grade="DEB887 D2691E A0522D"]اوووه نسيييت اقووولج ...لا تاخذييين اي دواااااااء بدوووون استشاااااااااره الدكتوووور
....بالنسبه للبندوووووول ....لازم ما تستعميييلينه تاخذين بداااله (تينينول ) وفاست فووود اعتقد انه عادي انا كل يوووم اكل منه
وبالنسبه للبرد ...ما عندي فكره [/grade]

Flower World

مشكوررررره الغاليه و ما تقصرين و الله يوفقج يارب

و الصراحه خايفه و احين انتي كبرتي في عيني لانج مثلي و يوم حملتي كنتي صغيره ...

و اذا ما عندج مانع انا كل ما بغيت استفسر عن شي اطرشلج على الخاااص اذا مافي ازعاااااج !!

و طبعا ابا كل حد يساعدني و رووووفو بحالي الله يخليكم و جاوبوني ع اسالتي لاني مثل ما قلت قبل !! زي الاطرش في الزفه

[grade="DEB887 D2691E A0522D"]هلا ..اختي
جاهزه لاي استفساااااااااار ف الخاص ..واعتبريني مثل اختج .....................................[/grade]

الف مبروك
يارب حملك يكمل على خير
انا ام بقالى 3 سنين
اهم حاجة انك لازم تشوفى دكتور كويس تتابعى معاه الحمل ولازم تعرفى ان البيبى ده امانة معاكى لازم تحافظى عليها
بالنسبة لللادوية والفيتامينات لازم تاخديها بانتظام بس بعد ما الدكتور يقولك عليها ( يعنى ماتخديش اى حاجة من نفسك او لان واحدة صاحبتك بتاخدها)
وبالنسبة للفاست فود لا انصحك باكلة لانه مش مفيد وكمان حيزود وزنك اللى حيزيد طبيعى مع الحمل
وممكن تخلى والدتك تجهز للك مجموعة من الاكل المفيد تحطيهم فى الفريزر وتطلعى منهم علشان ما تتعبيش نفسك

ويا رب تقومى بالسلامة
على فكرة الحمل بيختلف من واحدة اللتانية يعنى ممكن يبقى متعب لواحدة وسهل جدا على التانية

مشكووووووره اختي دودو و ما تقصرين

و نصايحج وايد مفيده ... الله يوفقج يارب

يا بنتي عندي الحمل في مرحلة الدراسة بما أنج قررت من قبل الحمل

نصيحتي لج لأني مثلج حملت ببنتي الأولى وأنا في الجامعة لا والمشكلة إني ما أحد من أخواتي كانت متزوجة يعني صج مثل الأطرش في الزفة بس والله ما خليت الدكتورة في حالها كل شيء وأي سؤال كان في بالي كنت أسألها وما قصر منتدى عروس لأني كنت أفتح قسم الحمل والولادة وكنت أقرأ كل موضوع ها غير أمي المسكينة كل يوم وأنا رايحة عندها ومن هني وهني إكتسبت خبرة

:clap::smile:

المشكله الدكتوره ما اجوفها الا حسب الموعد و يوم اتصل ما احصلها !!!

و انا اسالتي الصراحه ما تخلص هههههه امس كنت اصيح عشان الحمل و زوجي اضطر يطلعني الساعه 11 و نص فليل يوديني السينما و ويحوطني بس عشان اغير جو البيت ...

شكلي بصيييح كل يوم ههههههههه

بس و الله اني خايفه و كل ماافكر انه بعد 8 شهور بكون في غرفه و اولد اصيح زياده

انا مب ويهه يهال .. انا احس نفسي ما بقدر اكون ام و الصراحه كنت افكر اول الايام اني اعق الجنين من كثر الخوووف

استغفر الله بس الانسان يقول الصدق و اناااا خااااااااااااااااااااااااااايفه صدق

حتى قمت احلام كوابيس كل يوم... كل يووووووم

تلوووموني !! و على فكره انا 17 سنه

انت فعلا صغيرة قوى
انا لما اتجوزت كان عندى 24 سنة, وعموما هو ده سن الجواز فى مصر
لكن انتى برضة ممكن بقليل من الترتيب والنظام والقراءة تعوضى سنك الصغير
ولازم تبقى عارفة ان الانثى تولد لتصبح ام, واحساس الامومة احساس جميل جدا .
ان شاء الله تعيشيه مع البيبى بتاعك
وخلى بالك هو بيحس بيكى من اول يوم فى رحمك
يعنى لازم تكلمية وتسمعيه موسيقى هادية وقرأن لو كنت مسلمة لان الحاجات دى بتفرق فى الحالة النفسية للجنين وبتأثر على المولود
اى حاجة تحبى تسألى عليها انا تحت امرك

مرحبا

الغاليه لاتخافين أنا عندي خواتي عرسن يوم أعمارهن 15 سنه وحملوا على طول وربوا عيالهم عادي الغاليه مافيها شي

قبل أمهاتنا كانوا يعرسون أصغر عن جي والحمدلله في أحسن حال

ليش تحاتين وان شاءالله أهلج وأهل ريلج والوالده بيساعدونج ، اشرحي موقفج حق ريلج وان شاءالله بيساندج معنويا

والله يتمم حملج على خير ان شاءالله

اول شي في كتب تساعدج انج تاخذين فكرة
و في مواقع بعد تساعدج

في اشياء لازم تحطين تحتها خط احمر

-ممنوع ادويه من غير استشارة حتى لو كانت مرهم و كريم
-ممنوع تشلين اي شي في فترة الحمل الاولى خاصه .. يمكن في نظرج خفيف بس ظهرج ما يستحمل
ا-بتعدي عن الفكس
-اذا شفتي افرازات ملونه وردي او بني استشيري طبيبه ممكن في شي ...
-ابتعدي عن المشي وايد و خاصه خاصه ابتعدي عن رمله البحر ... او اي رمله ناعمه
ابتعدي عن الاعشاب الحارة ... مثل زعتر و غيره لان في منهم يسبب السقوط الجنين
اذا تذكرت موانع ثانيه بخبرج

-----------
اهتمي في اكلج ... حاولي تاكلين اشياء فرش .. طبيعيه الحليب القواطي و البودره مافيها اي فوايد .. خذيلج في اليوم كوبين على الاقل حليب طبيعي ...
ابتعدي عن الكاتشب و الدقوس ... و الببسي و الجبس ( بس نحن كلنا الصراحه بس لا تكثرين )

انتي ما خبرتينا انتي في اي شهر ... عسب انتابع وياج ...

و اذا عندج اي سؤال نحن حاضرين

حبيبتي لاتكبرين الموضوع
عادي في كثير بنات تزوجوا وهم صغار وانجبوا البنين والبنات
ومردك بتعرفين كل شي عن الحمل والولادة
ولاتخافين من أي شي اذا عندج اي سؤال يدور في ذهنك قوليه ولاتسكتين علشان ترتاحين
اوكي
والله يتمم لك حملك وتفرحين بشوفة البيبي

انا احينه كملت 7 اسابيع و انا حامل

الله يستر و مشكورين على النصايح لانها صدق فادتني و انا من النوع الي ما استغني عن التباسكو !! ماعرف كيف ببتعد عنه ؟

جيمي مشكوره الغاليه و على نصايحج المفيده و ما تقصرين

و الاخوات الثنيات مشكورات على النصايح المفيده ....