استفسار : أفضل علاج للسعله ( للكحة ) الله يخليكم

الله يساعدج اختي.. حاسة فيج،
ولدي من 3ايام والسعلة مب مفارقته وحارمته حتى النوم مسكيين..

انا للحين مااستعلمت له شيء غير الادوية والاكلات الدافية..
ماقلتي لنا كم عمر ولدج,, اذا بديتي تأكليه سويله مهلبية شوربة شاي حليب يعني جذي سوائل دافية..

وانتبهي ممكن السعال يكون مصدره البلاعيم ( اللوز) مب شرط صدره
بالنسبة للأدوية اقري شنو مكتوب على دوا السعلة، هل هو مذيب للبلغم او طارد للبلغم؟
اذا طارد روحي بدليه واخذي مذيب للبلغم
لأن الطفل يا عمري بعده صغيرما يعرف يطلع البلغم من بوزه، فاذا ارتفع له في حلجه يرد يبلعه،
بعكس المذيب يفتك منه..

الله يشافي يهالنا.. آمين

حبيبتي يعتمد على نوع الكحة

فيه كحة ببلغم وفي كحة جافة

إذا كحة ببلغم عندك دوا إسمه سولان Solan
وإذا كحة جافة دوا إسمه زيت Zeet

بس أنصحك تستغنين عن الأدوية وممكن تعالجينه بالعسل تخففينه مع عصير برتقال أو ليمون مقدار فنجان

حطي له فكس + كركم على صدره مرتين باليوم الصباح والليل قبل لا ينام

كمدي له صدره بكمادة ساخنة شوي عشان تذويب البلغم اللي يخليه يكح ( وهاي عن تجربة ممتازة )

إمتنعي عن إعطائه السوائل الباردة بتاتا

إعطيه حليب دافي فيه ذرات من الزنجبيل ( مو وايد لأنه يلسع في اللسان شوي وإحتمال ما يتقبله )


هاي من تجاربي الخاصة والمفيدة ولله الحمد وبدون ما أروح لطبيب أو غيره

أم المهند... سولان :down:

ما انصح فيه.. يزيد السعلة بشكل لا يتصور..

بس بعد نصائحج وايد حلوة.. افدتيني انا بعد.. :)

جربت مع بنتي البابونج وفاد معاها .. جربي وانشالله يشفى ولدج ..

عن تجربه اقولك الاخت ام مهند كلامها صح بس اذا ولدك ماكمل سنه بلاش الفكس
دفى زيت زيتون واعمليله مساج فى صدره وظهره وغطيه تمام زي ماقالت ام مهند

الغالية جمانة

سولان لا يزيد من السعلة ولكن مفعوله يقوم على طرد الكحة نهائيا من الصدر ، لذلك تلاحظين زيادة وكثافة السعلة ولكنها لا تدوم سوى يومين ..

ومثله دواء الفينتولين ، وعموما دواء الكحة بالذات يله أسبوع لين تطلع النتائج عشان كذا عليك بالطبيعة

عن تجربه اقولك الاخت ام مهند كلامها صح بس اذا ولدك ماكمل سنه بلاش الفكس
دفى زيت زيتون واعمليله مساج فى صدره وظهره وغطيه تمام زي ماقالت ام مهند
ماعليه شر ان شا ء االله

أشكرك الغالية فاتن م على مداخلتك بالموضوع وإبداء رأيك

وإسمحيلي أعقب على موضوع الفكس ، حيث أنه توجد حاليا أنواع من الفكس بالصيدليات مخصصة للأطفال الرضع
وما ذكرتيه بخصوص زيت الزيتون .. فهو بالفعل ممتاز جدا وبإمكانها أيضا خلطه مع الكركم

عندك دواء Muscoslovan مادري إذا البنات هذا الي يقصدونه او يقصدون نوع ثاني، هذا وايد زين وآنه آستخدك دواء آشتريه من لندن من Boots على lemon & honey او Black current بس هذا لفوق السنة، باحاول أحصل صورته وأحطها لك إذا تحصلين حد يشتريه من لندن...

مو محصله الصور على الموقع الخاص بهم مادري out of stock يمكن بس هاذي صورة من قوقل وايد صغيرة,,,،، باشوف الأسم في البيت كامل وأدزه لك، لأن بصراحة وايد زين وأحنه نستخدمه من سنين....

الصورة الي طالعة عندي حجمها 5 كيلو بايت يمكن لهالسبب مو ظاهرة...

السلام عليكم ورحمة الله وبركاته
نصايح العرايس مفيدة
بس أنا أفضل تاخذين الصغير
لدكتور أطفال متخصص في الصدر
يمكن أيكون مثل ولدي عنده حساسية
يعني مش كل دواء ايناسبه

انا بعد انصحج تودينه دكتور الاطفال...انا ولدي يعاني من الكحه من ثلاث اسابيع بيكمل شهر وماراحت كنت ادوديه المستشفيات الخاصه ومافي فايده...وديته عند دكتور الاطفال وقال صدره فيه بللغم واااايد وعطاني دواء يوسع الشعب الهوائيه ودواء ثاني يطلع البلغم...كنت استخدم له mucosolvan وهو اللي ذكرته الاخت رانيا البحرينيه متوفر في الصيدليات عندنا بس مانفعه... الحين بجرب الدواء الجديد وان شاء الله يجيب نتيجه...

اختي اذا انتي من دبي وديه عند الدكتوور احمد حسن دكتور اطفال ..وااايد شاطر

الكحه بطبيعتها تاخذ وقت..
انا بنتي شهرين لين ما خازت عنها الكحه ..
جربت معاها كل شئ مع بعض .. الحمدلله كانت تتحسن شوي شوي
اهم شئ لا تأكلينها الحلويات لأنها تسبب البلغم على طول و الماي البارد بعد ..
الصبح اعطيها العسل..و بين الفطور و الغدا اسوي لها بابونج او المراميه و احليها بالنبات..

أنا بالنسبة لي أعطي بنتي الحلبه المنقوعه ويه شوية عسل و يكون دافئ كم مره في اليوم و أذا ما نفع وياها أعطيها مضاد و تحت أشراف طبي طبعا و يسمي زيتروماكس أزثرومايسين و هذا المضاد فعلا ممتاز و يستخدم فقط ثلاثة أيام و في كل يوم مرة وحده بسسسسسسسسسس

عندي شوية علاجات طبيعيه عبارة عن أعشاب لعلاج الزكام و الكحة

الكحة
يذوبين ملعقة كركم في فنجان ماء دافي و تسقينا للطفل قبل النوم ... ينهي الكحه تماما و للعلم ترى ما فيه لا طعم و لا حراره .. و مفيد جدا و جربته شخصيا للأطفال و الكبار


و بعد للزكام اللي يصاحبه كحه و بلغم خذي هالمكونات
لبان + الحبوب السودا اللي داخل الهال و شوية كركم وسكر نبات و ماي
اغليهم لحد ما يذوب اللبان و السكر و يصير المحلول شوي غليظ
صفيه في زجاجه و خليه بالثلاجه و اسقي منه الطفل ثلاث مرات باليوم .. بس لازم يتدفى قبل لا تعطينه الطفل
مفيد جدا في اخراج البلغم من صدر الطفل بدل بخار المستشفيات و ادويتهم و مضاداتهم الحيويه اللي ما منها فايده

الوصفه الأخيره ممكن تخلي الطفل يرجع بس ما في خوف ترى اللي بيرجعه يكون البلغم اللي محتبس في صدره


و الله يشفي الجميع

ورق الجوافة اغليه وشربيه منه
وتلاقيه عند العطار
ولاباس عليه

اختي انا انصحج بزيت الحبه السوداء وايد مفيد تدهنين صدره وظهره ورقبته وسويله البابونج وايد زين والله يعافيه

انا مع الاختلليان الحلوه زيت الحبه السوداء رائع
وما يشوف شر الصغير