بنات قطر .. تعالوا شوي .. ابيكم في سالفة :)

حد جرب اللولو الي في الدائري الرابع ممكن فيه

خطيبة الغالي
البيتادين ذي مار علي اسمه وحدة تبيعه هنيه
امممم بس شسالفته ؟؟



ام الحلوين
على كلام راعية الموضوع تقول ان صار لها عشرين سنه تستخدمه وما ضرها ووايد بنات قالوا انه معجون قديم
ما اعتقد له ضرر

ام حمد القطرية ..
اممممم مدري ما اعتقد حد مر هناك



عموما انا رحت الدكان مال الفلبينين اللي مجابل سوق العسيري وبعد ما لقيته بس لقيته
اكسترا ديرم وبيبي فيس اذكر اني قريت عنهم قبل حق خلطات تفتيح
اي ولقيت كريم ماعطتني اياه نعيمة اللي في صالون حلا وتقول يفتح وايد عاد انا ما جربته
اسمه ماجيك قشطة :) ب 27 ريال

كلاسيك البتادين لتفتيح المناطق وايد يمدحوووووووونه بس طبعا مب موجووووووووود ..........تعالي انا قاريه عن كريم ماجيك من قبل بس مادري هو نفسه ولا لا.....متى بتجربينه :)

تفتيح المناطق امممممم امبلى تراه موجودة في وحدة تبيعه


السؤال المهم متى باجربه .. من كثر الاغراض اللي عندي مدري احترت صراحة
بس نعيمة مدحت فيه وايد وقالت انه فتح رقبتها ب3 ايام عاد انا رقبتي عادي بس المشكلة عندي الكوع والركب غامجين شوي
بس انا اللحين ماشية على نظام سميرة وموقفة كل شي ثاني

بنات انا بعد بدور معاكم بس لازم اخذ اللي لونه اصفر

واللونين اللي بااقين مالهم نفعه لو حصلتهم؟؟؟

هم يمدحون الاصفر والفضي
بس ما اشوف حد مدح الباقي

بنااااااااااااااااااات والله بصيح :(

مابتصدقون اللي بقول لكم اياه الحين ..

اهي قصه طويله عاد انتوا استحملوا ... :)

المهم انا قلت حق اختي اللي بالكويت عن المعجون هذا وقالت لي اوكي بشوف في الجمعيه .. راحت جمعيه من الجمعيات قالو لها انه مخلص ومايدرون متى بيوصل لهم !! وراحت جمعيه ثانيه جان تحصل والحمد لله .. المهم اهي دزت لي بالدي اج ال بس للاسف الدي اج إل رجعوه قالو لها هذا يعتبر نوع من الادويه وما يقدورن يدزونه لي :( :( شوفوا القهر الحين انتوا اختي جربته اليوم الصبح بس ودازة لي مسج تقول لي ان الاصفرار خف والشي اللي صج واضح ان اسنانها صارت تلمع :) هذا من اول استعماااااال عيل شلون لو استعملته اسبوع !!!!!

بس السؤاااااااال ليييييييييش مو موجود عندنااااااااا لييييييييييييييش اوفففففف والله صج قهررررررر.. على فكره ترى اهي استخدمت الاصفر مو الفضي واهي مابتيي قطر الا 20 من هالشهر يعني مابيكون باقي شي على عرسي :(

باااااااااااااااجر بروح اشتكي في في في ويييين !!!!!! اايه في وزارة الصحه واللي بتيي تنطرني على الدوار :)

تريدن الصدق .. للحين اشووف ان ماله تأثير ..

يمكن لاني ماشوووف ضروسي عدل بسبب التقويم لوووول ..

بخلي اختي الصغيره تستخدمه وبشوووف النتايج عليها :)

بنااات انا امس رحت الصيدليات الكبيره الموجوده عندنا مثل الباكر وبهزاد وابن سينا قالو ماعندهم بس ابن سينا قال لي ان كان عندهم ووقفوا ما صاروا اييبون :( ورحت اللولو بعد هم ماعندهم :( يالله عااااااد خل نساعد بعض

انا دورته في الخازن الكبرى ما لقيته

اهو ثرا حق المدخنين ممكن اي نوع للمدخنين يسد بداله
ميزته ان فيه بيكربونات

والله فكره بروح الصيدليه وبقولهم انا ادخن ابي معجون اسنان لوووووووول
عادي اسويها

صوت الخليج

تدرين الوالد المفروض يروح الكويت وكنت مستانسة لانه بيجيبلي وياه هل المعجون .. وحمام الزيت اللي بالخلطة السرية جربتيه ولا لا ؟؟
بس صدمتيني اللحين
ما عندي امل الا اي حد رايح الحساء
بس يعطيج واختج العافية :)



الامارات ..
انا بعد اتوقع عشانج مركبة تقويم
عموما خلي الاخت تجربه وشوفي عليها النتايج



ام حمد ..
ما اعتقد انه بس للمدخنين بس فكرتج حلوة ..

والله فكره بروح الصيدليه وبقولهم انا ادخن ابي معجون اسنان لوووووووول
عادي اسويها

:)

اختي كلاسيك في شنو صدمتج؟؟؟؟ اقري موضوعي عدل اهو موجود بالكويت عاد مادري من وين بالضبط شرته اختي

ههههههههههه
معليش اختي صوت الخليج العتب على النظر ..كنت احسب انه مو موجود بعد بالكويت
اذا جي سهالات ان شاء الله اني باقدر اجيبه :)

يعطيكم العافيه ....
ليش امعقدين السالفه معجوون ومبيضات ....
روحوا اي عيادة اسنان موثوق فيها ونظفوا فيها اسنانكم ورتبوها وعالجوها اذا يبي لها علاج وبيضووها بالبلازما والله احسن شي
واضمن شي ... علشان ابتسامتج في العرس تطلع تهبل ...:dd:

اختي نقدر نروح العيادات بس الخوف انه يرجع مثل ما كان قبل بس المعجون مضمون ومامنه خوووف

شجعتوني اخذه ابيه

عرسي بعد اقل من اسبوعين :cry::cry:

ولحين ما بيضت اسناني يقولون التبيض بالبلازما مضر وبعد فتره تضعف الاسنان وخفت

انشاء الله انلاقيه

والله لا يأثر ولاشي بالعكس وااايد نااس مسووينه وعاااادي وانا بعد بسوي .... لامخاطر ولاشي ... ولا يضعف الاسنان ولاتحتاجين تسووين الا عقب كم سنه ...

امممممممم اختي يور انجل انا مسويه تبيض حق يوم الخطوبة بالليزر بس نحاسة .. قبل اسناني عادية بس انا ابيهم يصيرون بيض اللحين اللحين احسهم اغمق من قبل
وين احسن مكان يسوي تبيض بالبلازما وشكثر يطول وكم جلسة يبيله ؟

بخبركن بنات ..

اذا في مجال انا ممكن اطرشلكن ياه قطر ..

يبيعونه عندنا في الامارات بـ 9.25 درهم .. بصراحه واااااااااااااايد رخيص ..

بس يستوي اطرشه ولا لاااااااااااء ؟! ..

السموحه :)