بصراحه ... ما عليكم كلام .. (طمنوني) ؟؟

طبعا شي عادي لانها مهارات تختلف من طفل لثاني ....

وفي اطفال ماتحبي وتقعد مثلا او تمشي على طول فهي تختلف من طفل لاخر

وان شاء الله مافيه الا العافيه ....

انا بقولج عن بنتي
ما عندها اسنان و من كثر ما يسألوني و احاتيها امس حلمت اني شفت ضرس صغيروني مستانسه في الحلم خخخخ

تقعد بروحها بس احط حوالينها مخدات عسب ما طيح و تتعور لانها دوم اطيح و تصيح

تزحف و تنقلب
تحاول تسوي حركه الحبو بس ما تعرف

تمشي في المشايه بس ريوس ( على ورا)

تقول بابا .. ما تتنزل تقول ماما ... و اذا ياعت حدها قالت داداااااااااااااا

و بس

اذا كان ولدج مثل ماتقولين يزحف على السرير هاي بدايه طيبه.. وبالنسبه للحبي ترا مب كل طفل يحبي في منهم يتعلقون ويوقفون على طول...يعني يمكن ولدج جذي..انتي ليش مستعيله عليه عطيه يعني شهر زياده وبتتطور حركاته عندج الحين هالشهر والشهر الياي شوفي شو التطور اللي صار بتلاحظين فرق وااايد

jami

الله يخليلج بنوتج ...

الله يفرحج باسنانها ان شاء الله ... (( بس مب فالحلم .. عالطبيعه :bigsmile: ))

ما شاء الله 6 شهور وتيلس بروحها انا هالهيزه الي عندي تمسكينه وما يرضى ويطيح

وعن المشاية انا بعد ولدي بداية رجع ريوس والحين ما شاء الله عليه يسير وين ما يبا ويكسر وما مخلي شي فالبيت

وعن الكلام اول شي قال بابا ويوم تعلم ماما نسا البابا ويوم تعلم دادا نسا بابا وماما ويوم تعلم دادا نسا الكل ..


alfajer _alb3ed

المشكلة يوم ارقده على الارض شوي ويصيح .. اما عالسرير يستانس ..

ويجلب عمرة على ظهرة وبطنه وظهرة وبطنه الين يوصل للي يبا ..

بجعه يوم بتحطينه على الارض حطي تحته فراش يكون مب غليظ وايد يعني مريح حق ظهره وبعدين بتشوفينه يتحرك على كيفه

alfajer _alb3ed

والله احطله .. المشكله يوم ارقده على ظهرة ما يصيح .. يوم يجلب عمرة على بطنه يتعب ويصيح

ههههههه مشكله اليهال
حبيبتي ما في شي من غير ثمن خخخخخخخ
ياما طاحت على خشمها و ما طاعت تسكت لين ما اتيي عمتي تقول بتذبحونها

و ياما طاحت على راسها و ورم راسها و صارت مناحا

الحينه اقعدها بس اول ما تحاول تمسك شي جدامها ما تلاقين الا الويه يبوس الارض و يبدا الصريخ خخخخخخخخ


ترى كل طفل يختلف عن الثاني ..

اول شيء صليت عالنبي ، ماشاء الله بجوعة محبوبة الكل من تحط موضوع الكل يركض يحجز له رد عندها :D


مثل ما قالت جامي والبنات ، الاطفال يختلفون من واحد للثاني في اكتساب المهارات،
وفيه ملاحظة صحيحة معروفة هي ان البنات انشط واشطر من الصبيان في اكتساب المهارات ...

عاد خبرج كل ام تبي ولدها او بنتها فوووووق ومحد احسن منه..
شتسوين اذا ولدج طبيعته جذي..

بالنسبة لحالتي الخاصة:
فولدي تأخر في كل شيء!
ما عدا الوقفة وقف في بداية الشهر الثامن.. استانست قلت يمكن يمشي مباشرة ولا يحبي !
لكن خيب ظنوني موووت! ما حبا الا بنهاية التاسع 1 ولا مشى الا ولد سنة وشهرين، يعني توه من اسبوعين بس ماشي..

ولا عاد سالفة الضروس سالفة!
انا بروحي ضجرانة واللي يشوف ولدي بلا ضروس وهو كمل العشرة شهور يخرعني زيادة،
روحي وديه المشتسفى واللي تشلخ علي انا الفقيرة وتقوللي انها تعرف ناس ما طلع لهم ضروس بالمرة ولما سووا اشعة طلع مافيه بذرة السن اصلا..
وعاد تعالي بعدين سكتيني من الصياح !


اييه . الخلاصة من الكلام هذا كله ، لا تتضجرين على ولدج لأنه ما مشى بمثل عمر ولد صديقتج او بنت الجيران،
خلهم براحتهم، اصلا الحين يوم مشى اقول يا ريت بعده!!

مو مخلي شيء في الشقة مكانه !

لا تحاتين حبيبتي،،، آنه ولدى ماحبه وكنت باموت كل الناس الي ولدوا معاي عيالهم يحبون وآنه ولدي لا،،، بشهره الحادي عشر حبى خطوتين بس وبعدها بكم يوم بدا يحبي أكثر ماخذ إسبوعين من الحبي الا هو ماشي مع أن بنت خالي حبت من خمس شهور، وكان بنها وبين عبودي 7 شهور ولكن كانت تسوي أشياء أسرع منه... بس الحين ماشاء الله عليه مايقععد مافي شي بشقتي ما ركب عليه وينط فوقه.... عذبني الله يحفظه...

لا تحاتين حبيبتي،،، آنه ولدى ماحبه وكنت باموت كل الناس الي ولدوا معاي عيالهم يحبون وآنه ولدي لا،،، بشهره الحادي عشر حبى خطوتين بس وبعدها بكم يوم بدا يحبي أكثر ماخذ إسبوعين من الحبي الا هو ماشي مع أن بنت خالي حبت من خمس شهور، وكان بنها وبين عبودي 7 شهور ولكن كانت تسوي أشياء أسرع منه... بس الحين ماشاء الله عليه مايقععد مافي شي بشقتي ما ركب عليه وينط فوقه.... عذبني الله يحفظه...

ياربي ...... ما شاء الله عليهم عيالكم والله يخليهم ويتربون في عزكم ...

بس تعرفووون حمودي يوم ايلسه فالمشاية يالله ما يخلي شي مكانه والحين يوم قلتولي قصصكم .. اشوف الولد واقووول يعني حمود لو مشى بيكسر وبيعق كل شي

بس بعد غير يوم الياهل يسوي كل هاي الفوضى تحسين انه بريئ ... بالعكس انا استانس ..

ابووووه (بابا) يقرا الردود ويقولي انتي كل قطعه اكسسوارة تاخذينها ب 500 وفوق اذا كسرة شو بتسويين ... قلتله فدى راسه وراسي بتاخذ غيره ولا اغلة عنه .... :dd: .... بطل عيونه :eek: خخخخخخخخخخخخ

انا بنتي الحين عمرها 3 شهور ونص

بسم الله عليها الحين بدت تمسك الالعاب......

ماتحب تنام على الارض تحب تجلس وتناظر الناس....

طبعا صارت بنتي تعرفني.. اذا جلست اسولف معها تضحك.....

ماعندي خبره عنودتي بعدها شهرين ونص...

بس الامهات ما قصرواا..

الله يعطيهم العافيه..

انا مثلكم تعقدت من زود ما الامهات يتكلمون على عيالهم (بمبالغة) وانا اصدقهم اللي تقول بنتها قعدت في الرابع واللي تقول ولدها مشى في الثامن، بس بعدين صار عندي اعتقاد انا اللي علي اعلمها في الوقت المناسب واتركها على راحتها، وقعدت في نهاية الخامس، وحبت في الثامن، ومشت يوم عيد ميلادها. واسنانها في السابع