اربيعتي بتربي جريب ساعدوني

هلا حبيبتي..
انصحي ربيعتج بشرب ماي جوز الهند.. يقولون يسهل الولاده .. وخلها يوم بيكون فيها ويع الولاده تتدخن بعود .. تحطه تحت ثيابها وتكون عاقه (الهاف) يقولون انه وايد زين..

انا بصراحه سويت هالشين.. والحمد لله ماطولت بسرعه ربيت:smile:

مشكورة حبيبتي على ها المعلومه الحلوه

عندج الحلبه تاخذها الحرمه من نص التاسع او بدايته...تلين الرحم وتساعد على توسعه وقت الولاده بشكل اسرع..

وعند الطلق تاخذ الزعتر المنقوع او المفور في الماء فله نفس المفعول بس يفضل في نفس اليوم اللي بييها فيه الطلق...

خليها تداوم على أكل التمر كما اشار الله سبحانة وتعالى في القرآن الكريم .

المشي اليومي يسرع في الولادة

وعندما تقرب الولادة وجيها الوجع اعملي لها شراب ساخن مكون من الهيل والزعفران وماء الورد وسكر للتحلية

وقليل من المره فأن المرة تسهل الولادة ويمكن ايضاً تتبخر بالمرة .

كل هذا مجرب

ولا تنسي التوكل على الله والدعاء لها بتسهيل الولادة

وان شاء الله يقومها بالسلامة .

الله يسهل علينا جميعا ان شاء الله