^_^ دليل المكياااااااااااج لبنات الامارات ^_^

انا دقيت لها وقالت لي نفس الشي مكياج روحه 4000
واايد الصراحه لو مع التسريحه اوكي بس مكياج روحه مادري قلت بروح لمادونا احسن 4000 مكياج مع تسريحه ولو اني كنت ابغي اجرب عايشه بس وايد غاليه الصراحه

هلا بالعضوات الكريمات ....

ومشكوووره اختي الامارات على هالموضوع الغاوي ..اللي طلع في وقته ..

أول شيء .. انا كتبت في رد سابق انه هستي تشتغل في صالون قنطااار .. وهذا خطأ ...

في عضوه جزاها الله الف خير صلحت المعلومه .. وقالت انه هستي تشتغل في صالون رووعه ... وهذا صح ..

اتصلت فيهم.. وسألت عن هستي حق عروس خارج الصالون يعني تييج للفندق (سعرها 3500) = مكياج + تسريحه

بس انا سمعت انه تسرحاتهم للعرايس مش ولا بد ...فقلتلها اني اباها بس حق مكياج .. قالت لي ::

لا مش ممكن .. دي هستي ما بنترداش تخرج بس مكياج (يعني ما رضت) ...!!!

.....................................

انزين .. اتصلت في هيفا صفر .. بصراحه انا ما جربتها .. وكان خاطري اجربها ..

بس الله ما كتب .. لأنها انشالله .. بيكون موعد ولادتها على شهر 6 ..

فما تاخذ عرايس شهر 6 .. وعرايس شهر 7 ما تروحلهم للفندق لازم أيونها الصالون..

الله يسهل عليها ويقومها بالسلامه ... مب من نصيبي انها تمكيجني فعرسي ...

....................

اتصلت فمنيره اللي فبوظبي .. وانا وايد سمعت عندها .. ومدحولي مكياجها ..

بس بيني وبينكم انا من دبي وأخاف أييب وحده من بوظبي (أخاف تتأخر في الدرب) ..

وأنا من النوع اللي يتوتر بسرررررررررررررعه ..

وقالتلي انها تي ب(5000) مكياج _منيره + تسريحه_منى

.......................................

عندكم .. زرينه (صاحبه صالون إيمان )

أي حد أساله عنها يقولي .. شغلها 100% .. بس الأمانه اقولكم أنا ما جربتها..

تمكيج عادي 1000 .... وعرايس بس مكياج 5000 برع ولا داخل الصالون كله بنفس السعر ..(وما تداوم يوم الجمعه )


........................................
انزين .. وشو بعد ..
...
ومثل ما قتلكم ... انا تمكيجت عند ندى (اللي طلعت من مورا) .. وشغلها فنان .. وهي واااايد طيووووبه (عندي رقمها جان تبون)

وتمكيجت عند ريحانه .. فنانه حق الليالي الثانيه غير يوم العرس .. انا جيه أحس .. فنانه للمكياج الهادي مب الثجيل (مال العرايس)

-----------------------------------

..: قنبله الموسم :.. <<<<<<نيدو


نيدو الله يسلمكم .. كانت تشتغل في صالون إيمان .. وأنا بنفسي تمكيجت عندها حق عرس اختي صيف 2004

كل من شافني مدح المكياج .. حتى أنا انخطبت في هذاك العرس ( أونه من فعل هالمكياج) .. لالا صدق .. انا شافوني في هذاك

العرس وعقبها بشهر خطبوني .. عل العموم ما با اطلع عن الموضوع الاساسي ..

يقولكم نيديو (فليبينيه الاصل) سافرت الفلبين وصارلها 6 شهور .. والحين رجعت .. وفتحت لها صالون يديد ..

وأسعارها مناسبه جدا .. لأنها توها فاتحه .. فقلت بخبر بنات المنتدى عنها .. (اللي تبا رقمها اطرشلي عالخاص )

...................

والسموحه عالاطاله

بنات اتعرفون وحدة اتسوي الشعر اوكية

بنت جميرا 6:


وقالتلي انها تي ب(5000) مكياج _منيره + تسريحه_منى

الحينه منيره تي من بوظبي لدبي بـ 5000 .. وعايشه تي بنفس السعر من البحرين للتسريحه والمكيااااااااااج ..

بصراحه مب غاااااااااااليه ..طالعن الفرق بين المسافات ..

وفوق ها نفس السعر :) ..

السموحه ولي رد وتعقيب باجر اذا الله راد :)

اختي ممكن رقم نيدو

هلا اختي الغالية جربي فاطمة شويطر من البحرين بعد مكياجها الصراحة رهيب بمعنب الكلمة
سوت حق اختي 3500 بس المكياج للعروس

بنات عندكم حق الشعر ..


متلدا ...

خواتي الي جربوا فاطمه البحرينيه مافي اي صور ممكن نشوفها ؟

الغاليه بنت البنات

عندج
ايمي للشعر
يمنى صالون يمنى
باتشي الوتشي وبالاخص رنا
جميله صالون الاصابع السحريه
اتمنى اكون افدتج

اختي الامارات مشكورة على الموضوع الحلو

في وحدة جربت او شافت مكياج هند الأميري؟؟

هااااى مرسيه للى طرت على بالها هل الفكره


انا بالنسبه لى فى الملجه تمكيجت فى الصالون اللبانى فى ابوظبي رووووووعه ما توقعت جذا بيسون لى عند رنده واذا اهى محد وحده اسمها احلام طبق الاصل هن الثنتين والكل عيبه والكل تم يسالنى بالنسبه لأسعارها

انا سوت لى مكياج عروس لملجه ب 1000 درهم والعروس تسزى لها بالصالون 2000 اما اذا بتروح لها فى حدود 5000 مع التسريحه انا لان من العين طلبت هل السعر ما اعرف بالنسبه لباقى المناطق وبصراحه حابه اغير فى العرس فايريت للى يعرف رقم هند الاميري يخبرنى عنها وعايشه البحرينيه ؟

واذا فيه حد سمع عن شذى من بوظبي؟ يقزلزن مكياجها رووووعه عن نفسى ما شفت والا جربت بس سمعت من ناس وبصر احه ذوقهم راقى

والله انا بنات خالتي كلهم في اعراسهم يسوون الشعر عن وحده اسمها ايمان.. تشتغل في نادي الفتيات الي في الشارجه
وعن مكياج هند الاميري بصراااااااااااااااااحه حلو مب حلو.... يعني مب لين هناك...

وها العدد من مجله زهرة الخليج حاطين مكياج هند الاميري شوفيه وحكمي بنفسج... والمكياج موجود في المجله مب في مجله المكياج الي موجوده معاها

ممكن لو سمحتي رقم نيدو

ممكن ترسلين لي عنوان عايشة و كم أسعارها
و بالنسبة للأخوات ممكن تخبرونا أسم الصالون لأني ما أعرف الأسماء

انا بصراحه ماعندي وحده او صالون معين اتمكيج عندهم دووم في المناااسبااات احب اغير واجدد والحمد لله وجهي وبشرتي تتاقلم مع اي مكياااج اهم شي اللووون يعجبني.................يسلموووووووووو

بنات الصراحة انا اسوي مكياجي عند وحدة اسمها "مهرة بيوتي " والصراحة مكياجها فضيع غيرت شكلي بشكل فضيع وكل حد سألني وين سويته وفي اي صالون
والمكياج ماساح خير شر وتم من اول السهرة الى اخرها حتى يوم رديت البيت ما تغير شي منه حتى الروج
وتستخدم مكياج ماركات وتتفنن في شغلها من الخاطر
وكريم الاساس عندها فضيع ويخبل يغطى العيوب بشكل كبير و يخلي البشرة صافية وطبيعية وخفيف على البشرة ولا تحسين انك حاطة طبقة في وجهك.
واسعارها حلوة ومعقوله ارخص عن الصالونات وصراحة فرصة ما تعوض
وصراحة انا اقول هذا الكلام عن اقتناع وكم وحدة من هلي وربيعاتي جربوا عندها ومدحوها
والي تبي رقمها تراسلني على الخاص

مرحباااااااااااا ..

بنات يبت لكن مجموعة ردود عن آراء البنات في مكياج عايشه البحرينيه ..

وافيه_البحرين:
هلا بنت البنات بنسبه لي انا مجربه عايشه البلوشي و نوره الكعبي و في رايي البلوشي عجبني اكثر لانها تمشي على خطى الاء دشتي ...
انشالله تحصلين لج حجز عندها

loosa:
سمعت ان عايشه افضل لكن ماشفته

ba7renya:
شفت مكياج عايشه على صديقتي في عرسها رووووووعه بس كانت عروس يمكن عشان جذيه تفننت لها من قلب

الحلــــ* قمر*ــــوة:
انا ما اتعامل الا مع عايشة..
مايعجبني مكياج نورة الكعبي وفاطمه شويطر..
عايشه البلوشي روووعه واهي وايد يطلبونها الامارات بعد..

الغنادير:
جربت عائشة البلوشي مكياجها أكثر من رائع وناعم

وأنتي قبل لتمكيجين تخبرينها بالشي الي تبينه بعد احسن

والاحلى ان كريم الأساس الي تجربه محد عنده غيرها يجنن يخلي بشرتك خياليه وخبريها تعمل لك الانف تخليه أكثر من رائع

أنا وخواتي دوم نتعامل معاها

والله يوفقك بس خذي موعد من ألحين مافي حجوزات عندها دايما زحمه

نوردبي:
بصراحة انا اي من ربعي جربها يشكرن عليها ..........بس ما جربيتها ان شاء الله جريب ل استوت عنا مناسبة خاصة بجربها...........قولو امين

الغنادير:
أستايلها نفس دشتي تقريبا وهي بعد لها لمسات حلوة وتحط لك رمووش ، بخصوص العدسات ماقط جربت بسأل خواتي
بس انتي خذي العدسه الي تناسبك ولبسيها أو خليها تلبسك أياها قبل المكياج

فطومه الحلوه:
الميكاب صراحه عائشه البحرينيه سوت لاختي في عرسها شئ يجنن

همممممممممممممم وبالنسبه للأسعار غير عن اللي ذكرته .. في وحده من العضوات والله ماذكر شو اسمها .. هيه من بوظبي ..كانت تبا تحجز خبيرة تجميل من الشارجه ( بدون ذكر اسامي ) .. قالت لها بييج بوظبي ميك اب و شعر بـ 10000 .. والله العظيم قالت لها هالسعر .. انا استغربت بصراحه ..حتى ان العضوه قالت لي انا أجرت فستان عرسي بـ 10000 .. كيف بعد اتمكيج بنفس السعر ؟! .. تخيلن ؟! ..

المهم .. بس حبيت اوضح :) ..

والسموحه :)

موفقين

تسلمين :)

الغالية الامـــارات تسلمين على هالموضوع..مفيد من الخاااااااااااااااااااااطر :)
ماعليج أمر بغيت رقم عايشة البحرينية.. احتياط لين عرس اختي ....
واللي عندها رقم منيرة الاماراتية ياليت تعطيني اياه... مكياجها روعة حسب ماشفت في المجلات..

و بغيت اسأل بنات العين اذا يعرفون حد شاطر في الماكياج في العين غير حنان شقير.. انا شفت مكياجها على بنت عمي و ربيعتي في عرسهن.. واااااايد مرتب و حلو و ترسم العيون بشكل حلو.. حتى احلى من مكياجها اللي تحطه في المجلات... بس ما أضمن احصلها لأنها يوم عندها عرايس ماتاخذ حد الا من اهل العروس..

و ياليت لو تعرفون وحده شاطرة في التسريحات ممكن تيني البيت .. ياليت ماتقصرون..
أنا بصراحة أغلب الأوقات اسوي تسريحاتي عند سلفينا اللي في صالون الريم و اسوي مكياجي بروحي.. بس لو ألقى وحده تيني البيت عشان التسريحة برتاااح ..

و نسيت أقول اني يوم عرسي سويت المكياج و التسريحة عند أم ريم.. هاي خبيرة مكياج في العين.. بس عادي تروح أي امارة.. و مكياجها جدا راقي و حلو..

و السمووووووحة منكن.. وايد أهذرب لوول

طرشت لج الرقم ..

ونبا نسمع تجاااااااااااارب ثانيه منج :) ..

مشكوره ع المرور الحلو ..