بنات انا اتصلت حق عايشة البحرينية والحرمة فعلا اخلاق وما عليها كلام في التعامل
بس طلبت مني 5000 حق عرسي
صراحة وايد 5000 غالية والله عنبوه راتب هذا حتى لو كان حلو
وفاطمة آل علي حرمة اخوي شافت ماكياجها في عرس ربيعتها تقول الصراحة موووووول موب شي رسمة العين ما كانت راقية ومكثرتلها ماكياج حتى العروس وحليلها تمت مظايجة جدام الناس
وهيستى الصراحة تضبط الماكياج على احد واحد ما تضبطه يعني الوحدة تخاف انتي وحظج ممكن هيه وممكن لا
وفي وحدة اسمها هالة في بوظبي كانت في صالون بيوتي بالاس وظهرت عنه والحين تشتغل بروحها هيه وسونيا وجوجو طبعا هذيل على حسب ما سمعت توب في التسريحات وووايدين مدحوا هالة
بس يوم شفت ماكياجها صراحة ما يسوى الرموش ما تعرف تركبهن صح إنه ألوان الظل وايد حلوة بس الأساس مووول موب شي والرموش وتصغر العين
والله احترنا >>> المشكلة انا ذوقي صعب وأتعب لي أرتاح لوحدة من جميع الجهات
احب الستايل اللبناني الرايق ما اداني الدفاشة والرسمات الي توصل لين الشعر
في وحدة ذكرت عن وحدة لبنانية في دبي بس هيه تكون في كندا طول السنة وما تيي الا شهر يناير وفبراير نسيت اسمها فيستي ولا ستيفيا شي جي
بليز بنات الي تعرفها تخبرني عنها واطرشلي رقمها عالخاص
انا شايفه مكياج فاطمة آل علي ومجربتنه بعد .. على بنات وعلى عرايس
والله ماشالله عليها مكياجها خيااااااااااااااااااااااااااال وفوق الروعه .. يمكن العروس هيه اللي طالبه مكياج ثقيل
وبعدين لاتنسين العروس لازم مكياجها يكون بارز لأنه في معازيم يشوفونها من بعيد .. وفيه تصوير والبوم
وفي النهايه الناس اذواق ..