مشكلتي خواتي ........بتوصل لطلاق ولجاتلكم

السلام عليكم و رحمة الله و بركاته

حقوق الولد على والده ثلاثة هي :

1- ان يختار امه

2- ان يختار اسمه

3- ان يعلمه القرآن

فزوجك ابتغى رضاك بتسمية بكره باسم والدك الا تبتغين رضاه بتسمية الثاني بابيه

هذا الشيطان نزغ بينكما فاستعيذي بالله منه

وتفضلوا بقبول الاحترام من شوّيب

عزيزتي لا يوسوس لج الشيطان عيل انا شقول

سالفتج مقاربه لي بس بعيد عن الطلاق الحمدلله

ولدي سماه ريلي وابوه الله يرحمه قبل لا يتوفى بشهور مصبح تخيلي .. مصبح مب محسن

وانا طول فترة الحمل سميته في بطني منصور .. شوفي الفرق والكل يزقرني ام منصور ووايد حابة الاسم

ولين ياتني الصاعقة .. كل يوم اصيح ولا قادرة انطق واقول شي .. ويكفيني ضغط الناس كل الي ايي ويسألني شو سميتي ولدج من اقول مصبح كل علامات الاستفهام تظهر على ويوههم .. من غير الاسئلة ليش وكيف وحرام اسم كبير وكل انواع الكلام سمعته .. وانا مب نااقصة

واصيح كل يوم وللحين حاز في خاطري بس ما اقدر انطق واقول شي لأني بخسر ريلي .. غير جي الولد تعود على الاسم مع انه عمره 6 شهور ونص .. وانتي ولدج ما شالله عود والموضوع تأخر انه تفكرين في هالشي ..

حبيبتي خلاص ارضي بالامر الواقع.. الولد هو اللي بيحلي الاسم.. وبيكبر وبيصير ريال ان شالله

اطردي فكرة انج تطلبين الطلاق لأن ريلج بيعند وياج ما بيرضى يجرح ابوه عشانج

بصراحه وماتزعلين محسن احسن من سعيد بواااايد ...

والبنات كفو ووفواا والله يهدي يسركم ويريح بالكم يارب ..

اسم محسن حلو

ويكفي انه من اسماء الله الحسنى

والأخوات ما قصروا وياج

وانا متأكده انج أعقل من جذي .. ونظرتج تغيرت الحين

وبالتوفيق ان شاءالله

الصراحه ان انتي ما عندج مشكله

في احد يخرب بيته على اسم؟؟؟؟

من صجج؟؟

اصلا اسم محسن احلى من اسم حمدان و سعيد لان محسن اسمه راقي و مو قديم


لا تسوين سالفه من لا شيء

و بعدين اهو طاعج بالولد الاول اشحقه تعاندينه خليه يسمي اللي يبيه ليش الانانية؟؟

و تحمدي ربج ان ما عندج مشاكل زوجيه مثل باجي البنات

وشكرا

الله يهداج بس :mad2:
اظن البنات كفو وفووووووووووووووووووووووووووو
(r)

ومحسن أحلى من سعيد بواااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااجد

بصراحه وبدون زعل ........
ترى المشكله جدا تافهه ..
اسم محسن يجنن .. واحلى بكثيييير من حمدان وسعيد وغيره وارقى
وبعدين مو معقوله تخربين بيتك عشان اسم لا جاب ولا ودى !!!

الصراحه أختي ماودي أزعلك بس ودي أكون صريحه معاج عشان مشكلتك مع إني أنا ماشوفها شي لكن أختي قدري مثل ماسمى على أبوج مافيها شي إذا سماه على أبوه بعدلاومشاءالله أسم أبوج على ولدج الكبير يعني ينقالج أم سعيد ومافيها شي إذا سما على أسم أبوه وبصرررررررررررررراحه ماشوف فيه فرق بين سعيد ومحسن كلهن مأقولج حلوين بس زينه هالأسماء عاديه وكلهن مستواهن واحد وأحمدي ربج أنهم اولاد موبنات البنات بصراحه أهم وبصراحه ثانيه أحس إن الموضوع فبه عناد فلاتخسري زوجك وهو يحبك عشانمشكله بسيطه وتافه مثل هاذي ترا أسعد ماعلى الشيطان أنه يفرق بين زوجين تراالمرأه مالها إلازوجها ونظر عيونها عيالها فحرام عليكي تشتتين هالأطفال عشان موضوع تافه تعوذي من الشيطان وأستخيري الله ولا وش رايكم ياخواتي والله يكتب اللي فيه الخير يارب

اختى الفاضلة السيدة ملعقة شىء ثانى ما تعرفينة عن الرجل ايش فيها اذا عرف انك خايفة من الطلاق ليش احنا نطلب منهم شىء واحنا ما نسوية احنا نحب الرجل الى ما يستحى و يعترف بغلطة ودة ما بيقلل ابدا من رجولتة و كمان اذا خفتى من الطلاق ماهو معناة انك ضعيفة بالعكس انتى بتبينى لة قد ايش شارياة و ترى الرجل يحب يحس ان المراة متمسكة فية بالعكس تمسكك فية بيزيد من تمسكة فيكى والله حرام اللعب بالطلاق فى مشاكل هيفا مش هيفا وهبى طبعا :dd: بس نفسى افهم اذا واجهتك مشكلة حقيقية و كبيرة ايش بتسوى احمدى ربك على المشكلة التافهة اذا كانت مشكلة اصلا وسوى الى يبغاة زوجك مادام فى نطاق المعقول

لا تفكرين في الطلاق على شان اسم
وادا مو عاجبنج الاسم
سمي ولدج في البيت بالاسم اللي يعجبج
انا صاحبتي اسمها في اللاوراق الرسميه سهى سماها ابوها وعماتها
امها وخالاتها سموها انهار واللحين الكل يعرفها باسم انهار
ليش تتكبرين السالفه الله يهديج

ان شاء الله تكوني اقتنعتي وغيرتي رائيك عن الطلاق


انا ما راح اقول شئ لان البنات ما قصرو وكلامهم 100% صحيح



بس الى احب اقوله ان ابليس اتمكن منك بشكل رهيب معليش اختي اسمحيلي اقول الكلام هذا ولا تزعلي


بس هو قدر يتمكن منك وكل ما حاولتي تقتنعي بالكلام يرجع يوسوس في عقلك ويخليكي تفكري ان تراجعك عن الطلاق في مذلة لكي امام زوجك

اتعوذي من ابليس ولا تهدمي حياتك بنفسك

والله اني اول ما قرأت الموضوع على بالي انك تمزحين


حتى لو ان شاء الله فكر يسمي شداد

انتي لازم تناقشي بهدوء واذا ما اقتنع خير يا طير ايش بيصير مو الاسم هو الى يحدد شخصية او حياة الشخص




فكري زي الناس قبل لا تخطي اي خطوة



واتمنى لكي حياة سعيدة

مشكورين يابنات ........ماقصرتو والله اني ما امزح انكم انقذتوني من مشكله
والله اني قمت الجديه وانا اقولكم انكم انقذتوني من مشكله
فعلن انه المنتدى مب تسالي لا.....فيه حلول وماقصرتو يابنات
وانا احب اطمنكم اني انتهيت من هذي المشكله خلاص
وتحياتي

السيده ملعقه:
مشكورين يابنات ........ماقصرتو والله اني ما امزح انكم انقذتوني من مشكله
والله اني قمت الجديه وانا اقولكم انكم انقذتوني من مشكله
فعلن انه المنتدى مب تسالي لا.....فيه حلول وماقصرتو يابنات
وانا احب اطمنكم اني انتهيت من هذي المشكله خلاص
وتحياتي

الحمدلله أختى الغالية ..

الله يسعدك ويبعد عنك الشيطان ويحفظ لك أولادك

الحمد لله انها عدت على خير وفكري اختي قبل لا تندمين مرة ثانية والله يخليلج محسن وأبوه

انتي تمزحين صح ؟؟؟

اجل فيه واحده تتطلق علشان اسم

اقول احمدي ربك سمى الولد الاولي على ابوك حنا عندنا اول شيء ابو الزوج وبعدين غيره

والله اختي مسكينه مابقى اسم حد من اهه ماسماه وياليتهم حلوين الا كل اسم يفشل اكثر من الثاني حتى اعيالها تعقدوا من اساميهم

وبعدين محسن بالعكس مو شين فيه اسامي اشين من كذا

ويمكن هالاسم يرجع علاقته بابوه احسن من الاول ترى مافيه اعز من الولد الا ولد الولد

خلك عاقله وكبري بنظر زوجك

والله يوفقكم يارب

كبري عقلك هو مسمي بابوك المفروض هالمره منك انتي قوليله سمي بابوك

أختي من جدك تطلبين الطلاق عشان اسم

حبيتي وش بتقولين حق الناااااس تطلقت عشان مارضى يغير الأسم

لا مو هذاالصح

فكررري زين

مو كل يوم الوحده تتزوج
وعياااااااالك مافكرتي فيهم

السلام عليكم

الحمدلله انتهت المشكلة على خير

وان شاء الله تكونين اقتنعتي بالآراء

والله انه الاسم غاوي ولا فيه شي

الله يسعدج ويحفظ لج عيالج

يا ام سعيد ومحسن

^_^

حبيبتي الناس مو باساميها
انا لو مكانك اخيه على اسمه احترام لحماكي
وبكره مع الايام يحلو الاسم في عينك لانه اسم ابنك حبيب قلبك
استهدي بالله وخلي الاسم
طالما ان الطفل الاول اجا على اسم ابوكي ليش الزعل
وهي اصلا عادة ان الرجال يحب يسمي احد اولاده على اسم ابوه
ترى جوزك شايف الاسم وايد حلو لانه اكيد يحب ابوه
وبكره انت رح تحبي الاسم بس انتي طولي بالك

اختك سيدة أعمال

الله يهديكي