بنات ادخلوا واخبركم عن سر من اسرار دريم الخاصه من ضمن تجاربى واحدث اكتشافاتي

مرحبا الغاليات .
انا بدخل فى صلب الموضوع لانى ما احب اتفلسف واحرق اعصاب غيرى واشوقكم باساس الموضوع واضيعكم بصفحات مالها اى داعى وفى النهايه الموضوع والطريقه تكون سايحه على بعضها ..انا بروحى اتنرفز من هذا الاسلوب وان قريت موضوع وحصلته ضيعنى انتقل لموضوع يكون ارتب واوضح
... المهم .....جهزوا ورقه وقلم لان اليوم بنزل لكم برنامج دريم اليومى +الاسبوعى .... بعطيكم طريقتين للعنايه الفائقه (اللوجه + الجسم ) لجميع انواع البشره :


1-exfoliac cleansing foaming gel
احدث غسول اكتشفته الفتره الاخيره ونتايج مفعوله كأنه كريم رتن ايه يجدد طبقات البشره اول باول وتخلصها من البلاوي وانتوا ولا تدرون شو السر صارت بشرتكم صاااااااااااافيه والاهم ان ابدا ابدا ابدا ما يقشر ولا يحمر البشره وهو غسول اكسفولياااااااااااك


ارجوكم يكون هذاالغسول المطهر اليومى للوجه والجسم لان بيمنع البكتيريا ويجفف البثور ويخفى اثارها تماما وتتخلصين من طبقه البشره الميته اول باول ... وانصح الجمييييييييييييييييييييييييييييييع بهذا بغسول الطبى ممتاز لان من احماض الفواكه وطبعا انا اول وحده فى المنتدى ادلكم عليه لان توه من فتره بسيطه نازل البلاد ...واستخدمته صارلى شهرين وممتاز فوق ما تتخيلون
ان كان لبنات حواء او للرجال (ازواجكم وخوانكم ) لبعد الحلاقه ودائما ....

بصراحه انا دايما حريصه اتابع بشره اخوانى الشباب الله يحفظهم واموت قهر يوم اشوف واحد منهم طالعتله حبه وحده فى ويه وهم رجال فما بالكم انتوا يا الخوات اللى من نفس جنسى وصدق احب افيدكم ..

2-المقشر اليومي الخفيف من استي إفز اليديد لون ابيض مب القديم البرتقالى بخلاصة المشمش . للبشرات الحساسه والبثور بتحصلينه يا فى الجمعيه او الصيدليه
3- مقشر لوريال الاخضر (الوحيد هذا المقشر الموجود من ماركه لوريال بتحصلينه يا فى الجمعيه او الصيدليه
4- - القفازات من البودى شوب او الليفه المغربيه
5- دلوصغير بداخله ماى حار على دافى .



الحين ركزى معاى خطوه خطوه ...
الطريقه الاولى كل يومين استخدمها فى الاسبوع
تغلقون نوافذ الحمام ولما يتصاعد البخار ترشين على جسمج الماى الدافى وتوزعين :-




1- المقشر المشمى للبشره الحساسه او اللى تعانى من الحبوب لكامل الوجه والرقبه لان فيه نعناع ومن توزعين على البشره بتحسين مسامات البشره تتطهر من الداخل وتشيل كل الرواسب العالقه فى منطقه الزيوان( الجبهه والانف والذقن ) اثناء ما تتفتح المسامات البشره من جو البخار ومن توزعين سوى مساج ودلكى البشره والرقبه بحركان دائريه خفيفه وبيس الدعك الى ان تشربه طبقه بشرتج و( خليه لا تغسلينه الحين )

2- انتقلى للجسم ووزعى مقشر لوريال لكامل الجسم طبعا نفس الشى من تصاعد بخار الحمام بتتفتح عندج مسامات الجلد البسى قفازات البودى شوب او القفاز المغربى وجهزى دلو صغير بداخله ماى دافى بللى الليفه بالماى دافى على حار وافركى جسمج بحركات دائريه وافركى جسمج عند الاكواع والركبه وقدم ريلج وصوابع ايدج وريولج ورقبتج وتحت الباط وبطنج.......الخ وركزوا يا بنات المنطقه اللى دوم تهملونها منطقه ورا الاذن وارجعى بللى الليفه من ماى الدلو وافركى وركزى عند منطقه الفخوذ والمنطقه الحساسه يعنى تكون الطريقه كأنج تركعين مثل ركعوج عند الصلاه وتمى افركى منطقه الارداف ومدى ايدج لورا وافركى ظهرج انتظرى 5 دقايق الين يجف عليج المقشر ويشربه جلده جسمج لانه حبيباته بتكون خشنه كل مت تجف من رغوه الجل بسبب البخار.


3-الحين افتحى الماى البارد عشان تغلقين المسامات اللى طهرها المقشر للوجه والجسم من الداخل وخلصى من حمامج وتنشفى بالمنشفه.

اما الطريقه اليوميه .....

تغلقون نوافذ الحمام ولما يتصاعد البخار ترشين على جسمج الماى الدافى وتوزعين الغسول لكامل الوجه والجسم والبسى القفازات ..... وافركى جسمج بحركات دائريه بيصير عندج رغوه وفقاعات مب تستانسون بهم وتدخل فقاعه داخل عيونج ترا وايد الغسول مطهر قوى وبيسبب لعينج احمرار لا تقولون ما خبرتكم

وخلى رغوه الغسول بجسمج والبخار يتصاعد لمده 5 دقايق عشان يمتصه مسامات البشره قولى ليش ؟؟؟؟ عشان اى وحده منكم تشتكى من المسامات الواسعه فى بشره وجهها او البقع والبثور فى وجسمها ... اثنا تصاعد البخار بتتفتح المسامات الوجه والجسم ويدخل الغسول ويعقم طبقه البشره من الداخل والخارج من جميع الرواسب وتزيلها نهائيا ...فهمتوا خواتى ..الحين من تمر 15 دقيقه اكيد جسمج صار لونه وردى من البخار والفرك عشان اتحركت الدوره الدمويه ....... افتحى على طول الماى البارد واتشطفى عدل من الغسول .....


شو النتيجه؟؟؟؟؟؟؟؟؟



صار جسمج معقم 100\100 من داخل البشره وخارجها وشوفى ملمس جسمج صار جااااااااااااااااااااااااااااااف ... تعرفون ليش ؟؟؟ لان الغسول من احماض الفواكه وعلى كل استحمام تتخلصين من الطبقه الميته للى مسببه الاسوداد والبثور .... اما اللى مسامات بشراتهم واسعه بتصير بشرتهم خاليه من الدهون ومعتدله والمسامات تدريجيا بتضيق والنتيجه يصير عندج بشره نظيفه ونضره ومساماتها ضيقه ....

خواتى هذا الغسول نتايجه رهيبه ... واتمنى اللى بشرتها دائما جاافه تستحمل لو اسبوع واحد بعد الاستحمام ما توزع اى لوشن او مرطب للبشره جسمها عشان كل اثار البقع والحبوب تختفى وابتدا من اسبوع الثانى تقدر تستخدم اللوشن اللى متعوده عليه .

اما بشره الوجه حاولوا يوميا سواء كانت الطريقه بعد المقشر اليومى الخفيف للوجه او بعد الغسول ترطبونها فقط بواقى روك 60% وتجددون الواقى كل 3 ساعات بس عند النوم ارجوكم تغسلون البشره بالغسول فقط وما توزعين ولا شى خلوا البشره دائما تاخذ راحتها وتتنفس بالليل وانت نائمه ... وشوفوا بشراتكم لو استمريتوا على هذا الغسول ...

نعيما مقدما خواتى ....ولاى استفسار انا حااااااااضره للجميع