بغيت كريم أساس و بودرة للسهرات

وعليكم السلام ورحمة الله وبركاته ,,

يا هلا أختي :) ,,

بالنسبة لكريمات أساس السهرة تختلف إختلاف كلي عن كريمات الطلعة العادية أو الإستخدام العادي ,,

المهم ,,

تختلف من حيث اللون والتغطية ,,

أحلى كريمات تنفع للسهرة ,, هي كريمات أساس ديفينورا من جيرلان لأن تغطيته حلوة ومخملية ,,

أو كريم أساس مكسيمم كوفر من إستي لودر بس هذا تغطيته من إسمه روعة ,,

بس إختاري لون أفتح من لون بشترج بدرجة وحدة بس :) ,,

أما بالنسبة لسؤالج هذا :

و سؤال الثاني هل درجة البودرة نفس درجة كريم الأساس؟؟؟؟؟؟؟؟؟؟؟؟

لا مو نفس الدرجة ,,

لازم تكون البودرة أفتح من كريم الأساس بدرجة وحدة بس :) ,,

ولو تلاحظين أختي إن معظم الماركات الكريم الأساس والبودرة اللي يحملون نفس الرقم بس مو نفس الدرجة ,,

لو لاحظي البودرة تكون أفتح بشوي من لون الأساس ,,

أتمنى إني أفدتج :) ,

كريم اساس كلينك روووووووووووووووعة شفتي شلون بشرة النجماااات هو نفس طريقته رووووووووعة رووووووووووعة يخلي البشرة خياليه يقلب 180 درجة

مشكورة خواتي وأتمنى أسمع أراء اللي يدخلون وما يبخلون علي أو على أمثالنا المبتدئات

هلا اختي

عندج كريم اساس وبودره ديفنورا من جيرلاين

بوده كانيبو تغطيتها حلوه حق اعراس

واذا بشرتج صافيه ومافيها وايد عيوب اخذي كريم اساس كلينك مع البودره المظغوطه

وعندج ماكس فاكتر 3 في 1 والله جد لونها رهيب ((طبعا اختاري اللون اللي يناسبك))
وحطي فوقها لوس باورد بس وشوفي شلون بيطلع ويهج


وانا اشوف ان الكونسيلر يلعب دور
يعني احس انه يخفي العيوب ويوحد لون البشره


وانشالله نكون عطيناك اللي تبينه

اسيرة قلبه;1894629:
كريم اساس كلينك روووووووووووووووعة شفتي شلون بشرة النجماااات هو نفس طريقته رووووووووعة رووووووووووعة يخلي البشرة خياليه يقلب 180 درجة

طيب اختي وش اسم كريم الاساس الي يناسب لسهره والي يناسب البشره الحنطيه كم رقمه وشاكره لك مساعدتك

عندك أساس دبل وير من إستى لودر

اختي حق الحفلات بدون مبالغه احلى واروع كريم اساس من كريولاين

اعجز وانا اقول روعه ، هو يستخدم مع ماي

انا احط قبله بيس من فورايفر وبعدين احطه واحط عليه من جيرلاين بودره عاديه وتطلع البشره خيال مع العلم بشرتي فيها نوع من البثور مو صافيه مره


موفقه : )

الله يجزااك خير
المشكله اني في منطقه ماتنبااع فيها هالمااركه لازم اطلبها من احد يروح لدمام يجيبها لي


ياترى تعرفون وين تنباع بالدمام