لو تقدم لك احد وكان شرطة ؟

السلام عليكم
يعني هو مالي ايده من اختك جاي يشترط، وليش متاكد من ان شرطه مقبول
المفروض اختك هي اللي تشرط
المهم اختك لازم تستخير الله وبعدين كلام الناس زين ولا عاطل ما ينفع ، هل جلست اختك معاه؟
عشان تعرف القصة تعاون ولا طمع والقرار الاول والاخير الها

ماادري اختي اولا خليها تستخير

وبعدين حلو ان وحده تساعد زوجها و لكن مهب يكون شرط

لو اختج جابت اطفال وتعبت وماتبي تشتغل ويش بيكون ردة فعله ؟

كيف بيفتحلها البيت ؟كيف بيتصرف ؟

من اولتها ديون صعبه اشوي

هذا من اولها مديون ، انا لو من اختج ما أفكر استقبله بعد مو استخير عشانه ، مو ناقص الا يقول لها ايجار الشقة عليج ومعاش الخدامة علي ...

:mad2::mad2::mad2::mad2: شنو هالمستوى اللي من اولها يبي يتقاسم معاشها افرض انها ما تشتغل اشراح يسوي ...:think::think::think:


بصراحة انا ماعندي تعليق حق هالرياييل اعوذ بالله وين قاعدين ....خليها ترفسه والله راح يرزقها اللي احسن منه الف مرة على الاقل ما يفتح موضوع

الفلوس من البداية ..........:yes::yes::yes::yes::yes:

اسمعي يا اختي

احسن شي تستخيري

وبعدين من ناحية ان المرأة لازم تساعد زوجها

فهي بتساعده بعد الزواج وبرضاه من غير هو ما يطلب

يعني مو قبل الزواج

خليه يسدد ديونه اول وبعديتن يجي يخطبها مرة تانية

هلا

البنات ماقصروا

بس الأستخارة احسن شيء

يمكن اذا فتحت الشقة راح تكبر بعينة اكبر واكبر

انا مع اختي زمان الصمت و اختي مرموم

صحيح مافيها شي تساعده ،، من نفسها ،، و مو من البداية عاد ..
حتى لو ،، في اسلوب افضل

يعني هذه بدايته ،، يشترط عليها ..
كأنه هو اللي بينخطب ،، او انه البنت ما بتحصل غيره ؟؟

وضعه مافيه شي غلط .. لكن كان المفروض لما يتقدم للبنت ..
يفهمها كل ظروفه ،، ويقول لها نسكن عند اهلي ..
و يحسسها انه متمسك فيها ..

بالعربي كلامه يحسس بأن : يا تساعديني ولا ما اتزوجج


لا تزعلون بس عصبني اسلوبه

شرعا ..
المرأه مو من واجبها تصرف على زوجها ولا تعطيه ولا فلس الا إذا كانت بموافقتها حتى لو كانت هي غنيه وهو فقير ..
والمفروض هو اللي يصرف عليها حتى لو كان عندها راتبها وهو حالته الماديه ضعيفه ..
وبعدين ترى مو حلوه يجي يقول انا ابي اتزوجك وابي الشقه تكون من فلوسك !!
يا رجال إذا كنت منت قادر .. ليييييش تتزوج !! انتظر لين ما تجمع فلوس (( الرجال مطالب ان يعيش زوجته مثل عيشتها في بيت ابوها ))
ومن طبع الرجال إذا عطيتيهم وجه يتمادون فما بالك بهالامر !!
واختك ليش مستعجله ؟؟ يجيها اللي احسن منه البق منه في التفكير (( كيف يسمح لنفسه انه يفكر كذا اصلا ))
اختك إذا فكرت انها توافق بتكون متهوره وما حسبت حساب باقي حياتها ومستقبلها ...............

واسفه اختي على كلامي الـ (( جارح )) لكني من جد مستغربه !

تزوخها علشان مصلحة اكييييييييييييييييييييييييييييييييييد

بصراحه مادري شقول
استخيري افضل لك وربي بسهل عليك امورك ان شالله

أنا رأي من رأي الأخوات خلها تستخير وأن شاء الله خير

خلها تستخير

احس انه طمعان فيهااااا

والله اعلم

افضل تستخير

انا رايي و لحد يزعل ...
شو هو رايح يخطب سيلانيه ؟؟؟ شو رايه بعد هيه تدفع مهره ؟؟؟

هو متزوجنها عشان تدفع ديونه .. لا و يتشرط .. كانه يمن عليها يعني .. تبغيني اصرفي علي ؟؟؟

اختي لو كان صادق .. قالها انا ما اقدر اسويلك عرس فخم ولا اقدر اتكفل بمصاريف لان عندي ديون و ابا اسددها و ان شاء الله اول ما اخلص اعوضج عن كل شي

مب يقولها شرطي ساعديني ولا عطيني .. ولا شلي ديوني ...


و الزوجه اللي تحب تساعد تحب التساعد الزوج اللي يستاهل و مع احترامي مب طرار عن طريق الزواج

اختي ارناق الي هذا اوله ينعاف تاليه