بنات البحرين ( احسن صالون يسوي ....)؟؟

سلام

الي جربتها تنباع حتى في جيان مكتوب عليها حنا اميري مادري امير في عليها صوره وحده هنديه وشعرها اسود=======خوش وصف

بتلاقين مكتوب حنه طبيعي اسود او بني

وانا بيني وبينج اشك ان فيها صبغه سودا لان شعري مادري بدا يحت يوم حطيتها


انزين فيه محل الايروفيد بالبحرين حق مساج وعنايه بجسم من فيكم جربته او تعرف شي عنه؟؟؟

مشكوره اختي على الرد
وصج اذكر اني شايفتها "تنفعين في الوصف"

هلا بنات البحرين

حمستوني اشارك نتبادل الخبرات

انه سامع عن مركز تجميلي اسمه اونسون متخصص في علاج البشرة وازالة الشعر بالضوء د
وبعد سمعت عن صالون غصون في المحرق عندهم استشارة تجميل

اخت غدير
صالون نادرة اللي تحف بحرينية وهي نفسها نادرة
كم سعر علاج الشعر بالزيوت؟

عادة انا احف في صالون شانزلزيه في مدينة عيسى عند وحده اسمها جيتا

وتحياتي لبنات البحرين

السلام عليكم ورحمة الله وبركاته ،،

هلا هلا بنات ديرتي

هلا بيج اختي مرمر معانا

حمستوني اشارك نتبادل الخبرات
انه سامع عن مركز تجميلي اسمه اونسون متخصص في علاج البشرة وازالة الشعر بالضوء د
وبعد سمعت عن صالون غصون في المحرق عندهم استشارة تجميل

اكيد آنا ما نزلت الموضوع إلا لتبادل الخبرات ونقدر نفيد ونستفيد ...
مركز اونسون اول مره اسمع فيه اما غصون ما كنت اعرف ان عندهم استشارات تجميليه، اصلا المحرق بعيده عني :qaq:

اخت غدير
صالون نادرة اللي تحف بحرينية وهي نفسها نادرة
كم سعر علاج الشعر بالزيوت؟

في صالون نادره الباكستانيه بعد تحف بس آنا بصراحه ما جربت الحفاف عندهم
أما سعر علاج الشعر بالزيوت مثل ما قلت لج قالت لي ان 4 جلسات مع وحده فري كلهم ب20 دينار وانا ناوية اروح اسوي شعري لأنه كلش تعبان.

عادة انا احف في صالون شانزلزيه في مدينة عيسى عند وحده اسمها جيتا

اي هالصالون قديم يعني اكيد عندهم خبره شلون حفهم زين يعني

وتحياتي

في صالون نادره الباكستانيه بعد تحف بس آنا بصراحه ما جربت الحفاف عندهم

انا رحت حفيت عندهم

تنظف الويه الباكستانيه والحواجب نادره نفسها وهي بحرينيه

طيبه وايد

ان شاء الله اروح اسوي عندها علاج الشعر بالزيوت

سلام

طبعا انا عن نفسي جربت ازالت الشعر بالضوء ماعجبني احسن شي الليزر وبالبحرين تسوينه عند الدكتور طارق طبعا شغله وايد حلو ثاني شي انه رخيص يعني الويه يسوييه 300ريال يعني عندكم 30دينار

احسن ماتروحين صالونات انا كنت اجرب الضوء بصالون واحس اني قطيت فلوسي بشي مايسوا

سلام بنات ،، شلونكم ؟

بالنسبة لليزر آنا سويت قبل وجهي وافتكيت بس تطلب مني تقريبا سنتين بين كل كم شهر اروح بس ما واصلت .... يعني العلاج بالليزر فاد والحمدلله بس الحين احفه عادي بالخيط بس مو مؤذني مب نفس قبل يطلع متين....

اما رجلي فقالت لي الدكتورة (اول مره تشيلينه راح يطلع لج خفيف وبعد شهرين اما ثاني مره راح يطلع اخف واخف وما بتصدقين والثالثه ان شاء الله راح يختفي) وشقول لكم يا بنات وبدون مبالغه والله يشهد على كلامي وآنا بروح الحج يعني آنا سويت مرتين ونفس كلام الدكتوره وما بالغت لما قالت الحين صار لي من شلت الليزر من المره الثانيه صار لي 8 شهور ولا يبين حتى في رجلي وايد وايد خفيف الحمدلله وناوية اروح لها بعد ما ارجع من الحج ، لا وبتكون الدكتوره معاي في الحمله بعد :dd: في احسن من جذي.

اي استفسار آنا مستعده اجاوب عليه وياريت اقدر اصور واحط لكم صور رجلي :bigsmile:

تحياتي

غدير انتي وين سويتي ريولج عند اي طبيبه او اي مستشفى

انا دكتور طارق وايد زين ...الكل يمدح فيه ...

بالنسبه حق الويه يعني عقب الييزر يوم يخف الشعر عادي تشيلينه بخيط؟؟؟؟لان قالت لي مره دكتورت جلديه لا تشيلين لان بيصير نفس اول وانا خفت صرت كله جلسات ليزر بس صاجه مثل ماقلتي يطلع وايد خفيف بالويه

بالنسبه حق الريول طبعا يطلع اخف من اول بس يحتاج جلسات وايد وايد وايد وانا احس ان سيقاني تحتاج سنوات من الجهد الجهيد ههههههههههههه ومااقدر اشيل بحلاوه ساقي عشان الي قالت لي انه يصير نفس اول واحس اني وصلت مرحله بالعلاج ونتيجه حلوه مابي اخرب وابتدي من جديد


بالنسبه حق يدي مثل ماقلت لج اشيل بحلاوه عادي بس عقب مااستخدمت كريم زين اتان بدت الشعره تصير اخف مب نفس اول الي تحفني تلوع جبدها وهي تشيل مره بحلاوه مره بملقط مره بخيط هههههههههه تحس ان الشعره تعاندها او تحت الجلد


طبعا بنات كلن يدلو بدلوه في هالموضوع الي ابتدى من اختي الغدير :)

سلام
أخت غدير
شكرا على ردك بس خسارة الحين نادرة ما تحف لانها حامل تقول الباكستانية تحف زين بس ما جازفت اللي احف عندها وايد حلو بس زحمة عليها. ولا تنسين تخبرينا عن شعرش بعد العلاج اذا استفدتي لان شعري يتساقط وايد.

انه جريت الليزر حق ريلي صارلي جلستين استفدت وايد لكن من فوق الركبة ما صار في تغير وايد. افكر اجرب الضوء لان الم اقل. وخبرينا سويتي الليزر عند سميرة المتروك؟

أخت دانه اعتقد انك من السعودية خبريني اكثر عن تجربتك مع الضوء بليز؟ وبعد سمعت عن كريم 3s لمخترع من السعودية يقولون وايد زين ؟

وسلامي للجميع

سلام عليكم

يا هلا بيكم بنات معانا،،،

اختي دانه :

غدير انتي وين سويتي ريولج عند اي طبيبه او اي مستشفى

عزيزتي دانه آنا سويت عن دكتورة سميره المتروك والحين هي غيرة مقر العياده وراحت في فيلا في الزنج اذا تحبين بدز لج رقمها بالخاص عشان تتصلين فيهم وتحدد لج المكان.

انا دكتور طارق وايد زين ...الكل يمدح فيه ...

ما ادري احس انه وايد غالي وعلى الأقل سميره المتروك مرأة نفسنا ونقدر نستفيد منها بأشياء وايد ونبوح لها باللي في خاطرنا.

بالنسبه حق الويه يعني عقب الييزر يوم يخف الشعر عادي تشيلينه بخيط؟؟؟؟لان قالت لي مره دكتورت جلديه لا تشيلين لان بيصير نفس اول وانا خفت صرت كله جلسات ليزر بس صاجه مثل ماقلتي يطلع وايد خفيف بالويه

اي يخف وايد ويظل بالأشهر ما يطلع بس آنا خلاص صار لي فتره يعني يمكن سنه ما اشيل وجهي بليزر فتعودت على الخيط ...

بالنسبه حق الريول طبعا يطلع اخف من اول بس يحتاج جلسات وايد وايد وايد وانا احس ان سيقاني تحتاج سنوات من الجهد الجهيد ههههههههههههه ومااقدر اشيل بحلاوه ساقي عشان الي قالت لي انه يصير نفس اول واحس اني وصلت مرحله بالعلاج ونتيجه حلوه مابي اخرب وابتدي من جديد

بالعكس عزيزتي دانه آنا اللي صار معاي ان الريول ما احتاجت جلسات وايد مثل الوجه مثل ما قلت لج تراني سويت جلستين ومن الجلسه الثانيه صار لي 8 شهور ويا دوب تقدرين تشوفين الشعر في ريولي والدكتورة قالت لي ان شاء الله المره الثالثه خلاص ما يطلع .. وبعدين كل وحده على حسب بشرتها يمكن.. يعني انتي اختي دانه ما لاحظتي تغيير في ريولج ؟ وكم جلسه رحتي؟

بالنسبه حق يدي مثل ماقلت لج اشيل بحلاوه عادي بس عقب مااستخدمت كريم زين اتان بدت الشعره تصير اخف مب نفس اول الي تحفني تلوع جبدها وهي تشيل مره بحلاوه مره بملقط مره بخيط هههههههههه تحس ان الشعره تعاندها او تحت الجلد

بالنسبه ليدي آنا سويت مره وحده بس يدي بليزر وظل شهرين وبعدين طلع لي ورحت آنا الغبيه سويته بحلاوة ومنها ما سويت يدي بليزر بس ان شاء الله ناويه اسويها مع ريولي بعد ما ارجع من الحج ان شاء الله.
اختي دانه ممكن تقولين لي وين ينباع كريم زين اتان في البحرين اذا عندج معلومه ...

طبعا بنات كلن يدلو بدلوه في هالموضوع الي ابتدى من اختي الغدير

أكيد أكيد هالموضوع حق كل البنات ولتبادل الخبرات وان شاء الله نستفيد يا رب

تحياتي للغاليات ،،،

سلام عليكم

أخت غدير
شكرا على ردك بس خسارة الحين نادرة ما تحف لانها حامل تقول الباكستانية تحف زين بس ما جازفت اللي احف عندها وايد حلو بس زحمة عليها. ولا تنسين تخبرينا عن شعرش بعد العلاج اذا استفدتي لان شعري يتساقط وايد.

هلا هلا اختي مرمر
اي صح نادره خبرتني انها حامل ولازم شوي تهتم بالحمل وما توقف وايد، ان شاء الله راح اخبركم اذا رحت جلسات علاج الشعر ، توني اقول لزوجي اني ابغي اروح ابتدي بعد ما اخلص سبوع من تمليس شعري :shy:

انه جريت الليزر حق ريلي صارلي جلستين استفدت وايد لكن من فوق الركبة ما صار في تغير وايد. افكر اجرب الضوء لان الم اقل. وخبرينا سويتي الليزر عند سميرة المتروك؟

انا فوق الركبه عجز معاي زوجي روحي سوي رحي سوي عشان تفتكين من الحلاوة بس خبرج الألم يذبح صراحه قلت لا زين تحملت اروح اسوي فوق مستحيل وايد يألم ..... صح كلامج اروح اروح سميره ....بعدين شدراج اني اروح لها (r)

أخت دانه اعتقد انك من السعودية خبريني اكثر عن تجربتك مع الضوء بليز؟ وبعد سمعت عن كريم 3s لمخترع من السعودية يقولون وايد زين ؟

يا ريت اخت دانه تخبرنا عنه

تحياتي
باي

السلام عليكم ورحمة الله وبركاته

مادري احد ناداني بالموضوه جني سمعت اسمي خخخخخخخخخخخ

ايه من السعوديه بس مافي فرق لاني كل اسبوع مطيحه عندكم:) اعرف البحرين اكثر من السعوديه واحبها واحب اهلها وايد وايد.ادري هذرتي وايد

طبعا زين اتان بتلاقين محله اعتقد بمجمع التامينات ...وفي وحده بعد من البنات وصفته بالرفاع بس اذا بتاخذين منه لا تكثرين لانه ترا شوي غاليه اغراضه يعني خذي زهورات عشان تضعفين اذا انتي دبدوبه وخذي كريم اللولو طبعا بشرتج بتصير واو وخذي هذا الي يخفف الشعر ,,,انا عن نفسي شريت الكريم الي يعالج التشققات بس مانفع وياي مع اني اشوف وايد ناس يتصلون يمدخونه بالتلفزيون ويوم كلمته قال اذا انتي وزنج مب ثابت يعني تضعفين او تمتنين ماراح ينفعج اللوشن استخدمي لوشن بذور العنب( احسه كنه يقولي لبن العصفور):( طبعا وقفت ماصرت استخدمه حق الخطوط

بالنسبه حق العلاج بالضوء انا جربته في بريمادونا طبعا اول شي تحطلج نفس الماده الهلاميه شي زي الجل فوق المنطقه الي تبين تسوين لها ضؤ بعدين تعط الجهاز مايعور بس انا مااستفدت الليزر صج يعور ويحرق شوي بس وايد انظف ونتيجه احسن يعني دامي بقط فلوسي خل اقطها بشي عدل


اختي غدير بالنسبه حق جلسات الليزر حق ريولي سويت 5 جلسات بس الشعر يطلع يعني خف مثلكم الي بالساق صار خفيف بس فوق الركبه مثل ماهو...وبيني وبينج فكرت اني اوقف واروح اشيك يمكن فيه خلل بهرموناتي او شي؟؟ مادري

بالنسبه حق الكريم مال المخترع السعودي مادري عنه اول مره اسمع فيه منكم بس بسئل بالصيدليات يمكن عندهم معلومات عنه او يبيعونه وبرد لج:)


مشكورين بنوتات والله استانست عشانكم ماشالله عليكم تتكلمون كنكم تعرفون بعض من زمان :)
انزين سؤالي========ياكثر اسئلتج

احد جرب مركز الايروفيد الي يعالج السليوليت واشيا وايد ؟؟دايم اشوف اعلانهم بس مادري زين او مب زين...

هلا وغلا بالخوات غدير ودانه

صج كانه قاعدين على الشات وناسه كل وحده ترد على الثانية وهلا بالاخت دانه بالبحرين

بس حبيت اجاوب على مركز الاوريفيد هو كله علاج بالزوت ومساجات لرحت عندهم بعد سنة من ولادتي قالت لي الدكتورة لو جيتي بعد الولادة كان افضل علشان السولوليت يروح والدبه بعد. عاد اختي توها والدة وقلت لها عنه انشاء الله اذا راحت واستفادت اخبرش يالغالية. وبليز اسالي لي عن الكريم

أخت غدير شكرا على ردش كنت افكر اشتري امبولات نفس اللي عند نادرة حق الشعر واحطه بالبيت احسن سمعت عن امبولات لوريال. شرايش؟

باي

على سالفت الدبه

تبون الصج عاد احنا مانعرف حق روحنا يعني شوفو قبل بعد الولاده يربطون بطونهم عشان ماتطلع دبه وياكلون اشياء
مب نفس الحين تولد وماتدري شتسوي

قبل يمرخونهم ويشربون حسو ومادري شنهو........

بس المشكله الكبرى هي الخطوط البيضا :(

سلام عليكم

والله خواتي دانه ومرمر سويتو الموضوع ولا احلى يا رب يعطيكم الف الف عافيه ويحقق امانيكم يارب والله مستانسه بكم ...

اختي مرمر

بس حبيت اجاوب على مركز الاوريفيد هو كله علاج بالزوت ومساجات لرحت عندهم بعد سنة من ولادتي قالت لي الدكتورة لو جيتي بعد الولادة كان افضل علشان السولوليت يروح والدبه بعد. عاد اختي توها والدة وقلت لها عنه انشاء الله اذا راحت واستفادت اخبرش يالغالية. وبليز اسالي لي عن الكريم

عزيزتي ممكن تقولين لي وين يكون هالمركز واللي فيه شنو جنسياتهم والأسعار بعد ؟؟؟ لأني بصراحه زايده 18 كيلو من تزوجت الى الحين... وابغي حل ، صالات رياضه ما احب ولا احب امشي بعد وايد...

أخت غدير شكرا على ردش كنت افكر اشتري امبولات نفس اللي عند نادرة حق الشعر واحطه بالبيت احسن سمعت عن امبولات لوريال. شرايش؟

حاضرين اختي أفا ،، المهم آنا عن نفسي جربت قبل امبولات VO5 وشفت منهم نتيجه زينه بس ما واصلت ، اما امبولات لوريال سمعت من قبل انهم وايد زينين بس ما جربتهم .... على العموم آنا مثل ما قلت لكم ناويه اروح نادره وابدأ معاها العلاج بس مو عارفه متى قبل او بعد ما ارجع من الحج الله العالم...

اختي دانه

تبون الصج عاد احنا مانعرف حق روحنا يعني شوفو قبل بعد الولاده يربطون بطونهم عشان ماتطلع دبه وياكلون اشياء
مب نفس الحين تولد وماتدري شتسوي
قبل يمرخونهم ويشربون حسو ومادري شنهو........

صادقه اختي قبل اهم شي عندهم المراخ على سالفة المراخ كأني بفتح موضوع جديد هني عن المراخ هههه اللي تعرف اي مراخه زينه ابغيها تعلمني محتاجه مراخ...

تحياتي لحبيباتي مرمر و دانه وللجميع
باي

هلا اختي غدير
على فكرة انه بنتي اسمها غدير
عن جد صار وناسة نرد على بعض
انزين المكز هذا جمب ديري كوين اللي بالسلمانية وكلهم هنود والزيوت اللي يستخدموها من عندهم لكن بصاحة ما جربت واسعارهم بعد معقولة اعتقد 10 دينار.
وسلامتكم

اممممممممممممممم

اعرف وحده بس بالسعوديه مره عيوزه

بالبحرين اتذكر فيه واحد حتى سوو معاه مقابله رجال كبير بالسن يمرخ سو معاه مقابله بتلفزيون البحرين من زمان

ومره اتذكر بعد فيه القريه الشعبيه الي ساعات يسونها ينب المتحف كان فيه كورنر فيها نا ستمرخ وتسوي حجامه كلهم كبار سن بس شخص معين بالبحرين ماعرف للاسف:(

تصدقون انا كنت متحمسه ومجهزه نفسي اروح حق نادره حواجبي وصلو لين خشمي قلت عشان اروح وتسويهم الدزيان الي تبي وتاخذ راحتها فيهم بس تقولون حامل :( ولا لي خلق اروح المحرق عند صالون العروسه بنلطع زحمه عندهم .......اي صالون بالمنامه ومجربينه يحف حواجب عدل

وشكرا يا غدوووووووووووووووووووووري كلج ذوق

اهلين اختي مرمر ،،،،

صج اسم بنتج على اسمي ههههههههه ، كل احس انه محد يسمي على اسمي ، وعمتي كلما حملت تقول لي جابت بنت بتسميها غدير اقول لها بس ان شاء الله تجيبين ولد ومسكينه فعلا جابت ولدين ولا جابت بنت تقول خلاص ما بنسمي غدير :dd:

تشرفنا انج سميتي على اسمي اختي مرمر ...

هلا اختي غدووووووووور

اناه دايم ادلع بنتي كده

على فكرة حبيت اعلق على اللي صار بينك وبين ام سعيده بصراحة صدمني ردها لكن ولا تفتكرين طنش
وعن الشامبو انه اخدت ب4 دينار تقؤيبا بس ما وقف التساقط وخله شعري جاف بس يكمل ما باخذ غيره واذا عرفتي شامبو زين للتساقط لا تبخلي علينه.
ويش رايك نفتح موضوع جديد لتبادل الخبرات مثل شنو استفدنا من المنتدى وشو في منتيات بعد حلوه زي عروس.

وانتظر التواصل منك ومن دانة

باي

سلام

اناه دايم ادلع بنتي كده

هلا اختي مرمر77 ، شخبارج وشخبار غدور ؟؟ على فكره امي تدلعني غدور بعد

على فكرة حبيت اعلق على اللي صار بينك وبين ام سعيده بصراحة صدمني ردها لكن ولا تفتكرين طنش
وعن الشامبو انه اخدت ب4 دينار تقؤيبا بس ما وقف التساقط وخله شعري جاف بس يكمل ما باخذ غيره واذا عرفتي شامبو زين للتساقط لا تبخلي علينه.

لا لا عادي صار خير بس ما توقعت انها تتكلم عني بهالطريقة يعني لو حاطه نفسها مكاني شنو بتسوي ولا مشرفه يعني المفروض تكون قدوة للغير بس يلا صار خير واذا الله يسامح احنا ما نسامح والعياذ بالله وليش بيغمى علي آنا ما تهمني الفلوس الحمدلله الله ناعم علي بخير ونعمه وتوني متزوجه وعندي بيت كبير وبالنسبه للشامبو تراني اشتريته امس :smile: وهذي صورته في حمامي :shy:




ذبحت الغرشه من التصوير :bigsmile:

ويش رايك نفتح موضوع جديد لتبادل الخبرات مثل شنو استفدنا من المنتدى وشو في منتيات بعد حلوه زي عروس.

فكره وايد حلوة وآنا اوردي بديت معاج هناك في موضوعج ترا:up:

وانتظر التواصل منك ومن دانة

اكيد اكيد