خطيبي مايبي يلمسني !

من ناحية انك تسأليه



هذا اكبر غلط في حقك


انتبهي لا تسأليه ابدا لو حتى يصير ما يجي عندكم البيت


حتى لما قولتيله "ليش ما تلمسني كان فيني مرض معدي " كمان ما كانت حلوه



بس انتي الحين لا تسأليه ابدا وخليك اثقل من قبل عشان يعرف انه حتى انتي تقدري تتحكمي بمشاعرك

واذا جا عندك لا تجلسي جنبه ابدا وخليكي بعيده

واذا قدمتي له عصير او اي شئ خليه على صينيه وقدميه له واجلسي بعيد عنه


لكن من ناحية البس البسي احلى شئ عندك بس مو باستمرار عشان ما يمل منك

والدلع خليكي كمان عليه عشان يعرف ان هذا حركات طبيعيه منك




وكمان دائما البنت تكون اثقل من الرجال عشان كذا خليكي اثقل منه بشوية دلع وكلام حلو بس من بعيد لبعيد



والله انه بعدين راح تكون احلى ذكريات ليكم انتو الاثنين



وعلى فكرة صحيح ايام الخطوبة احلى ايام تمر على الزوجين لكن موشرط يكون فيها لمس وبعض الحركات

ممكن تكون احلى ايام بالبراءه الى فيها واحترامكم لبعض

وهج الشموع:
عش رجبا ترى عجبا؟؟؟؟؟؟؟؟

=========================================================

ليش مستعيله العمر قدامج

والله يا زين ريال إخترتي ونادر ها الأيام ما شاء الله عليه

أنا صراحة من رايه أنتوا بعدكم مالجين بس مب متزوجين رسمي يعني ما صارت حفلت عرس خليج ثجيلة وعن التلقف وها ريلج وبتلمسيني وبيلمسج لين ما تلوع جبدج بس بعد العرس

المهم خويتي خليج من ها السالفة وأركزي لا تحسسين الريال ولو كان مالج عليج إنج متلقفة عليه بعدين والله بينقص قدرج عنده أنسي السالفة وخلي الكلام بينكم تعارف بس لكن اللمس القبل الكلام الحلو القوي خليه بعد العرس لأنه حلاته بعد العرس وخصوصا في الأيام الأولى
وعندنا في عاداتنا إنه البنت كل ما كانت حييه مع الريال اللي مالج عليها كل ما نورت في عرسها أكثر لأنها بعدها بنوتة بريئة وفعلا لما كنت في فترة الملجة كان ريلي يضايج لما أكون مستحية ومتعدلة على الخفيف بس تعالي في العرس كل معارفنا وربيعاتي قالوا يا أرنوبة كان فيج نور غريب في العرس وكل الحريم كانوا يقولون لأمي شكله ما شافها و لا عقدت معاه بس الحمدلله بعد العرس وفي شهر العسل عوضت كل اللي كان في خاطري أتعدل أغريه ممممممم أيلس حذاله يحضني كلنا مستانسين لأنه ها شيء غريب ومو متعودين عليه من أيام الملجة
ومو مشكلة لو كنت تحبينه حييل أجلي الحمل عقب الزواج وتمتعوا مع بعض لمدة سنة وها اللي يصير لواايد بنات في مجتمعي اللي يحسون بنفس إحساسج أيام الملجة

صدقيني خليج من ها الموضوع وما بتندمين

عزيزتي
أنصحك بالتريث قليلا ولا تبيني له انزعاجك فخطيبك رجل شهم ونادر الوجود في هذا الزمن ..ومبين انه خجول شوي وهذا مايعيبه أكيد بالعكس
لازم يكبر في عيونك أكثر
واصبري

ان الله مع الصابرين

زواج مبارك ان شاءالله وعقبال الآنسات

" بيتكم له حرمة " << لازم تعرفين هالشي ..

و أكيد ريلج حاط في باله هالموضوع ..

آسفة رديت مرتين ..

دوحانيه حبيبتي
(((" بيتكم له حرمة " << لازم تعرفين هالشي ..)))

بس اللي هم يسوونه مش حرام خلاص هم كتبوا كتابهم ... يعني عباره زوجين و يقدر في اي وقت ياخذها لبيته لانها زوجته ... يعني الحفله اللي هو ينتظرها مو شرط ... اللي بينهم ملكه مو خطبه
انا من رايي مثل ما للبيت حرمه .... ترى للحرمه حق و من حقها يحسسها انها زوجته .. ما اعتقد الموضوع له دخل بحرمة البيت لانه الكل عالم انه زوجها و انه موجود معاها بالبيت يعني الكل راضي :)
انا ما اشوف له عذر ...
يعني حتى لو مثل ما قالوا الجماعه ما بيقدر يمسك نفسه ... ما اعتقد المجلس او غرفة الجلوس يتسمح له يسوي اكثر من لمسه و بوسه و اشيا عاديه ... و الباقي لبعد الزواج

انا اقولج يا عروس الأسياد و أشدد عليج شدي حيلج عليه و اذبحيه اغرااااااااء هههههههههههههههههههههه
و بشريني بالنتايج

سوري عالمقاطعه ... بس وجهة نظري و احترمها :)

للتوضيح فقط

تراه زوجها مو خطيبها
لو كان خطيبها كنت انا ذبحتها لو تطلب منه يقرب منها :)

أختي الغالية وجهة نظرج أحترمها : )

لكن يا عزيزتي هالمرحلة صعبة شلون أشرح لج .... اممممم شوفي ممكن أي حركة تسويها له و القصد تبيه يتقرب منها أو أي شي

ثاني لكن ترجع عليها بالعكس ممكن ياخذ عنها فكرة إنها جريئة حتى لو قلنا زوجها مب خطيبها ممكن تتكون عنده صورة ثانية ..

و إذا هي عندها مواهب فالأفضل لها تطلعها بعد العرس حتى طعمها يكون غير عقب .. أحسن من إنها تبين إنها ما صدقت و على طول

تعال المسني !!!! مع إحترامي للجميع و لكاتبة الموضوع شخصياً ..

حلو لو إنها تبين حياها في هالفترة تبين شكثر هي مستحية منه ساعتها بتكبر في عينه زيادة .. زوجها على عيني و على راسي

و من حقها و من حقه هو بعد .. الرياييل مب واحد .. ريلج أنتي غير ريلها غير و ريلي انا غير كل واحد له طبايعه .. و هالفترة أبداً

مش مضمونة يا ما بنات سمعنا إنهم تطلقوا الاسباب الله أعلم بها ,, لكن كثير منهم كانوا ماخذين راحتهم في الأشيا المشروعة .. هاذي

شتسوى عليها ؟!! " بعيد الشر عنكم كلكم "

كلنا نحب أزواجنا حتى في فترة الملجة و نبي نحافظ عليهم و ما نخليهم يشوفون غيرنا .. لكن هم مقتنعين من البداية .. كوني عامل

جذب بس بطريقة غير ..

و المفروض المفروض إنها تحترم رغبته هاذي لا تصير هي اللي تبي و بتسوي و بتفعل له بس عشان تحصل مطلبها في الأخير هي

راح تحصله بدون ما تسوي شي .. أحسن تبين له إنها صعبة و صدقوني هو من نفسه اللي بيحاول يوصل لها بأي شكل ..

ووالله إن الرياييل لهم نظرتهم لمثل هالمواضيع ,,, و الواجب علينا نحترمها مهما كانت معارضة لمتطلباتنا ولا حتى أمنياتنا ..



إلا صج عروس الأسياد وين هي ؟؟؟؟ ما ردت علينا ..

الله يساعدج اني لو مكانج جان اموت
بس حاولي تكلمي لان هالشى اللي بيصير بالحلال لان انتوا مخطوبين وما فيها شى اذا لمس يدج

أنا ايام ملكتي كان بيموت يلمسني وحتى ونحن نتكلم وكان مسافر وما يجيني الا كل شهر مرة كان يقولي انت متلهفه علي مثل ما انا متلهف عليك وانا احط نفسي مش فاهمه حاقه واقوله و كيف متلهفه عليك ؟؟؟ انا افرح يوم اشوفك واتضايق يوم تسافر وتتركني
ومرة صادني على قفله ببوسه والله طلعت من الغرفة وبغى قلبي يطير ترى مو سهلة هذي الحركات بس الرجال اذا ذاق مرة يبي كل شوي بس انا ثقلت عليه وما عطيته وجه ....

اختي من ذاق ما راق ؟؟؟؟؟

اعملي بنصيحة الخت سحايب دبي الله يجزاها خير

وترى هذي النصيحة تنفع حتى مع المتزوجات عن تجربه

عادي....سايريه باللي يبي ولا تلحي عليه.......الوقت يمر بسرعه

نصيحه لك يا اختي انا عندي خبره سابقه قبل الزواج كان ما ايدق ايدي بس انا كسرت هالحاجز و صارحته..... يبتله خاتم من عندي بس كان اصغير و ضيق و انا قاصده مشتريا خاتم ضيق ؟؟ وسألته حبيبي شو رايك في الخاتم صديقتي اهدتني اياه بمناسبة ملجتي قالي حلو طلعت منه الكلمه عادي بس انا احرجته وحطيته في امر محرج دخلت الخاتم في صبعي لاكن حاولت انى اطلعه من صبعي وما طلع طبعاُ اتعرفون السبب قلتله الحق الخاتم مش راضي يطلع ومسكين قعد يحاول فيه وانا مستانسه ونفس الوقت صبعي عورني واااااااايد بس سمعت منه الكلام الحلو وهوه يقولي ما عليه حبيبتي اتحملي اشوي وانا اصيح من الفرحه لانه كان خاطري يمسك ايدي ولو دقيقتين بس المقلب خلاه مش يمسك ايدي خلاه يضغط عليها نص ساعه كانت ايام حلوه السراحه ما تنسى .. وانا اقولج تراهم ما ينعطون ويه حطيه جدام الأمر الواقع ؟؟؟؟؟؟؟؟؟؟؟؟؟؟؟...........

دوحانيه الغاليه و الله مب قصدي ارد عليج انتي بالذات بس حبيت اقنعج
الفراق و الطلاق يحصل حتى بعد ما يتم الزواج
هذا ما يعني انه الحرمه تقعد و تحط ريل على ريل و تنطر هاللحظه من دون ما تحرك ساكن علشان اذا تطلقت لا قدر الله ما تندم على اي حركه سوتها لزوجها
لا حياتي دامه صار زوجها المفروض ياخذ اللي يبيه منها بالمشروع لهم في هالفتره ... يعني الملاطفات و المداعبات و اللمسات لابد منها حتى تصير قريبه منه و تصير امورهم في اول ليله سهله لانها تكون شوي تعودت عليه
لو ظل جذي اقص ايدي لو قدرت تاخذ عليه باول ليله ... احسن ينام بغرفه و هيه بغرفه هههههههه

ما ادري انا يمكن غير مثل ما قلتوا بس الزوج زوج و الزوجه زوجه و الطلاق لو الله مقدره لهم حتى بعد عشرين سنه مش لازم يحرمون عمارهم من اي شي بحجة لو صار طلاق ما تقول يا ريت ما سويتله شي بالعكس هيه بتقربها و إرضائها له ترضي الله عز و جل أولا و أخيرا

سوري طولت بس احس اني متحمسه للموضوع :)



-----------


صدق هيه عروس الأسياد وين
نحن نتناقش في موضوعها و هيه كتبته و طلعت و لا دارت لنا بال

خلاص نوقف الحوار لين توصل و تقول لنا وش صار معاها
انا اعتصم عن الرد لحين عودة عروس الأسياد

999 حركه قويه الصراحه :)
و حلوه منك و الله ما يجون الا بالحيله و المكر
يستاهلون ...

ذكرتيني بوحده من صديقاتي

تقول يوم ملجت ريلها ما مسك ايدها 6 شهور

وبعد 6 شهور كانوا سايرين مزرعة ويا الأهل.. ونسى عمره الريال ومسك ايدها

وخلاص بعدها تعود دايما..

والحين ماشاءالله متزوجين.. وينتظرون اول بيبي لهم

ما ادري انا يمكن غير مثل ما قلتوا بس الزوج زوج و الزوجه زوجه و الطلاق لو الله مقدره لهم حتى بعد عشرين سنه مش لازم يحرمون عمارهم من اي شي بحجة لو صار طلاق ما تقول يا ريت ما سويتله شي بالعكس هيه بتقربها و إرضائها له ترضي الله عز و جل أولا و أخيرا

لا ما فهمتيني الغالية ,, أنا أقصد في هالفترة بالذات لحساسيتها ما تحبذ الحركات ما أقصد يعني تقعد جامدة هي على كنبة

و هو على الكنبة ثانية بس انتوا ما تدرون بالريّال و لا وش فيه خاطره .. و بدال ما تلح عليه المفروض تخليه على راحته يعني أحسن

لها تخلي الشي يجي منه هو .. بس بعد طعم هذا كله يكون أحلى بعد الزواج .. ما يكون شي تعودوا عليه و صار روتين ما يحسون

به .. و بعدين في أزوواج ما يشوفون بعض في فترة الملجة لكن خذوا على بعض من أول ليلة .. لأنهم قراب من بعض بدون هالحركات

المبالغ فيها ..

للعلم أنا قرأت الردود بس ما برد لين تيي عروس الأسياد هاذي صاحبة المشكلة و تفك الحظر

بصراحة عجيبة

لانه اللي اعرفه ان الرجل بس يملك خلاص يحاول يقترب بجراءة شوي شوي ....

غريييبة

انت اعملي نفسك كانك مو مهتمة ....

انا صار معاي العكس ...في البداية كان عنده صعوبة ...كنا لما نطلع كان يحاول يمسك ايدي بس انا اشيلها
ومع مرور الايام ....لما تعودت عليه سمحتله يمسك ايدي.....

الله يسعدك دنيا واخرة

اختي عروس الاسياد
اسعدك الله وتمم عليكم بالهناء
لا تنزعجي من تحفظ زوجك فالرزين العاقل نعمة احسن من الطائش المتهور
انا حصل معي العكس تماما
خطيبي سابقا كان جريئا بزيادة
من ليلة الملكة اول ما صرنا بروحنا تجرأ بزيادة وحاول يسوي الي له والي مو له
المهم لو ما منعي له كان دخل بي اول يوم
واستمر في جرأته وأنا كنت مبسوطة بالشعور الجديد الذي تتمناه اي فتاةولكن أحاول منعه من الأمور الزايدة عن المعقول
وكنت اواجه صعوبة خاصة كنت صغيرة عمري 18 وما عندي اخوات ابد ينصحوني بس الحمد لربي
الحمدلله ما عطيته الي كان يبيه
لأن بعد فترة اكتشفت له علاقة بوحدة متزوجة وصلت للزنا المتكرر
وطلبت الطلاق قبل الدخول وحصل
والان احمد ربي الف مرة اني ما سلمته نفسي
ودي اقول الرجل مآله يضعف قدام المرأة خاصة عندما تتزين له وتقترب منه ولكن لا تلمسه
وشوي شوي بالتدريج بتشوفي انتي الي ودش توقفيه لأن الرجال من يتعودا غلى هالشغلات يدمنوها
لكن احذري من التجاوز للخط الاحمر
واحمدي الله على زوجك المحب المخلص الوقور
وادعي الله يعوضني خير

السلام عليكم ورحمة الله وبركاته
تسلمون يااحلى بنات ..
ردودكم حلوه وااايد
الحمدالله انا بعد بصراحه عقب ماسمعت ردودكم تغيرت وجهت نظري وحمة ربي على النعمه
والصبر زين ..
والله كريم
باصبر لين 8/8/2006 والله كريم

الله يحفظكم ويستر عليكم دنيا واخره