بعض أعمالي.. قولوا رايكم..

السلام عليكم يا بنات

اتمنى كلكم تكونوا بخير

اليوم جايبة لكم بعض اعمالي الي اسويها من فترة لأخرى اوقات الفراغ
وعندي اشياء كثيرة كل مرة بحط لكم شوي شوي

واتمنى تقولون رايكم:smile:

يالله نبدأ

1

هذي بالكروشيه على شكل فراولة

2

هذي شكل برتقالة طبعا تعلمتها من قناة هي بس ماضبطت معاي
وان شاء الله قاعدة افكر اسوي اكثر من شكل من الفواكه واسوي لي سلة ياريت الي عندها فكرة عن اي نوع تعلمني

3

هذا كيس بالكروشيه طبعا.. تقدر الوحدة تستخدمه لإهداء عطر مثلا فيه لشخص عزيز او تحط فيه اشياء صغيرة علشان تحفظها

4

هذي مجموعة مفارش صغيرة بأحجام وأشكال وطرق مختلفة عن بعضها..استخدمتها كقاعدة لأشياء صغيرة مثلا الاخضر حطيته على الطاولة جنب السرير علشان احط عليه تلفوني عن أي خدوش:clap:...... والدائري وضعت عليه كم غرشة عطر.. والازرق الكبير حطيت عليه دبدوب صغير عندي على طاولة..

5
الحين هذا اطار سويته من فترة شوي طويلة بطريقة الحين نسيت اسمها>>>هذا الشبك البلاستيك الي نسوي فيه اشكار وخياطة بالصوف او بأي خيوط نحبها.. وهذا من الامام


ومن الخلف


6
هذي بطاقة سويتها من ورق دفتر رسم ملون وورق مقوى خفيف مو مقوى وايد
وحطيت لها اطار بس تحت سويته بالكروشيه(الصوف) نفس اللون،، وسويت لها الباقة الصغيرة من قدام وحطيت لها ورى وقدام في المساحة الخالية قلم لماع (زري)
وهذي من الخارج


وهذي من داخل زينتها شوي بس علشان يظل مكان للكتابة وان شاء الله تستفيدون من الفكرة كبطاقة مسوينها بايدكم



والحين ان شاء الله عجبتكم الاعمال وتعطونا رايكم
واي سؤال انا حاضرة لكم


>>واي نقل يرجى نقل الاسم معه
تحياتي