السلام عليكم و رحمة الله و بركاته
بنات صارلي شي و مب عارفه شو اسوي بويهي... هو اكيد حساسيه لكن اول مره يصيرلي جي :(
اللي صار انه ربيعتي دلتني ع صالون قالتلي انهم يحفون الويه بالخيط زين ما زين و ما يترك اثر و بعدين تسويلج مساج للويه.. المهم رحت انا (احس بغباء!!) و سوييت... اول مره في حياتي احس انه يعور جي! استحملت و قلت حق عمري عن الدلع ناس سارولها و ما صار شي.. بعدين حسيت انه ويهي صارت فيه حريجه من كثر السخونه اللي فيه... قالتلي لحظه و سارت... ما وعيت الا و هي حاطتلي حلاوه ع ويهي!! عورني مووت و قلتلها مابا.. حنت عليه ربيعتي انه لا بيطلع زين عشان الشعرات الصغيره... سكت و خليتها... بعدين مادري شو سوت حطتلي شي ع ويهي.. هني خلاص مت! طلع تونك بس فيه نسبة سبيرتو عاليه!!! و انا ويهي حساس ما جذب خبر سيده احترق !!! حطتلي ماسك يبرد لكن كان خلاص .. الحين ويهي فيه شيين!
1- اماكن احترقت فيه الجلده السطحيه و قاعد يقشر بطريقه فضيعه...
2- حبوب او نقط صغيره مجروح و دم... هذي ما المسها عشان ما تترك اثر
اللي مضايجني هو التقشير!!! صاير على خدي و منطقة الذقن.... و اليوم صار ع خشمي من فوق! احط المرطب مالي لكن ماشي فايده يقشر وايد.. و المنطقه جافه (يعني تجف وايد جي و بعدين تقشر).... مب عارفه شو اسوي :( مضايجني وايد... حتى من كثر ما مضايجني ما سرت الدوام اليوم...
حد جد صارله حساسيه عقب الحف جي؟ و هل ترك اثر؟!
و اللي تعرف شي يساعد بليز تخبرني... وايد مأزمني نفسياً...
و اسمحولي طولت عليكم .. لكن ماعندي حد اسأله و قلت اكيد البنات هني ما بيقصرون
عندي مشكله بصييييح :(
s
07-12-2005 | 11:38 AM
س
07-12-2005 | 11:41 AM
هلا حبيبتي،،،
شهالخربطه اللي صارت لج،،، انا انصحج انج تحطين زبادي=روب،،، ولا تحطين اي كريم
حطي زبادي مرتين في اليوم على ويهج لانه يبرد وبيعالج لج الحساسيه بإذن الله،،،
وابتعدي عن اي كريم
سفيرة فوق العاده
s
07-12-2005 | 11:46 AM
مشكوره اختي سفيره فوق العاده.. لكن انا بشرتي جافه نسبيا و حساسه... الروب عادي ما ينشف؟!
ب
07-12-2005 | 06:44 PM
باستمراااااااار غسلي ويهج بماي بارد ولاتحطين اي مكياج ......... حطي فازلين عالاماكن المتقشره وشوي شوي بتروح الحبوب لانها حروق مؤقته واذا تبين نتايج سريعه استشيري دكتوره وبتوصفلج مرهم :)
أ
07-12-2005 | 07:09 PM
مـــــــــــرحبا الغاليه
لا تضايقين ولا شي.....
إمكن هذي أول مره بس الطريقه إالي إستخدمتها غلط وخص أنها بشرة الويه
حف وحلاوه....طبيعي الغاليه بتحسين بحروره ....ما عليج إالا بالروب......صبح ومساء
وبعد ما تحطين الروب فليل....غسلي ويهج بماي بارد....ودهني ويهج بفازلين......
والصبح إذا أنتي أداومين لا تحطين فازلين....حطي واقي شمس ضروري عشان ما تتأثر المناطق
إالي قاعده تتقشر وعقب إسويلج بقع......لازم تستخدمين واقي شمس ...
بس داومي على الروب
وإنشالله يومين وبيخف
لا تضايقين ولا شي.....
إمكن هذي أول مره بس الطريقه إالي إستخدمتها غلط وخص أنها بشرة الويه
حف وحلاوه....طبيعي الغاليه بتحسين بحروره ....ما عليج إالا بالروب......صبح ومساء
وبعد ما تحطين الروب فليل....غسلي ويهج بماي بارد....ودهني ويهج بفازلين......
والصبح إذا أنتي أداومين لا تحطين فازلين....حطي واقي شمس ضروري عشان ما تتأثر المناطق
إالي قاعده تتقشر وعقب إسويلج بقع......لازم تستخدمين واقي شمس ...
بس داومي على الروب
وإنشالله يومين وبيخف
b
07-12-2005 | 07:40 PM
هلا اختي
سلامتج ما تشوفين شر
بس انا بشرتي حساسه ودهنية ويوم استخدمت الروب ويهي وايد كان يحمر
ادري بتستغربون من كلامي .. بس هذا اللي صار معاي وجربته مرتين وكان يصيبني احمرار وودرته
فأنصج تحطين على منطقه صغيره في ويهج واذا ارتحتي عليه حطيه على كامل ويهج
وان شاءالله يتشافى ويهج بسرعه واداومين وويهج احلا عن اول
بس طمنينا عليج اول بأول
سلامتج ما تشوفين شر
بس انا بشرتي حساسه ودهنية ويوم استخدمت الروب ويهي وايد كان يحمر
ادري بتستغربون من كلامي .. بس هذا اللي صار معاي وجربته مرتين وكان يصيبني احمرار وودرته
فأنصج تحطين على منطقه صغيره في ويهج واذا ارتحتي عليه حطيه على كامل ويهج
وان شاءالله يتشافى ويهج بسرعه واداومين وويهج احلا عن اول
بس طمنينا عليج اول بأول
b
07-12-2005 | 11:43 PM
روحى لدكتورة جلدية تكون فاهمة لان ممكن يكون صار عندك حساسية في طبقة الحلد اللى تحت الطبقة الخارجية لا تستعملين اى شى لين تشوفين دكتورة خاصة الكريمات والخلطات حتى ما تترسب تحت الجلد عموما راح اسال لك الدكتورة حقتنا بالجامعة لانها فاهمة
ا
07-12-2005 | 11:57 PM
عزيزتي ما في حل الا انك تسوي حليب وايد زين للبشره خاصه كليوبترا كانت تستخدمه للبشره وعلى فكره الروب مش دايما ينفع لاني عن تجربه كان يزيد الحساسيه ما في غير الحليب لانه يبرد البشره
s
08-12-2005 | 05:53 PM
مشكوره ع النصايح خواتي... فديتكن والله :)
امس تميت طول اليوم اغسل ويهي بماي بارد بس و ما حطيت مكياج.. و قبل ما ارقد حطيت فازلين .. الحمدلله خف وااايد و خفت الحراره... بشوف لين يوم السبت... اذا ما خف كامل بسير للدكتوره
مشكوره خواتي يزاكن الله كل خير :flower:
امس تميت طول اليوم اغسل ويهي بماي بارد بس و ما حطيت مكياج.. و قبل ما ارقد حطيت فازلين .. الحمدلله خف وااايد و خفت الحراره... بشوف لين يوم السبت... اذا ما خف كامل بسير للدكتوره
مشكوره خواتي يزاكن الله كل خير :flower:
M
08-12-2005 | 08:09 PM
الله يعينج بشرتج حساسه وسووا فيج هذا كله ،، الحين خلي بشرتج ترتاح ،، بس حطي لها ماء ورد و روب مو اكثر عشان تبرد ..
و حاولي ما تتعرضين للشمس ..
عموماً الحف بالخيط لأول مره تحسين بحراره ..
المفروض لو هي شاطره حتى الشعر الصغير تشيله بالخيط ..
بس هي الظاهر قصت عليج .. لأن الحلاوه ما تشيل الشعر الصغير و تسبب حبوب للوجه ،، وتلين جلد وجهك حاسبي ..
والتونر اللي حطته لج غلط ،، كان المفروض بس تمسح بماء ورد ..
عموماً التونر المفروض يكون خالي من الكحول ،، شلون وانتي توج حافه
ربي يعافيج ويحميج من كل شر
و حاولي ما تتعرضين للشمس ..
عموماً الحف بالخيط لأول مره تحسين بحراره ..
المفروض لو هي شاطره حتى الشعر الصغير تشيله بالخيط ..
بس هي الظاهر قصت عليج .. لأن الحلاوه ما تشيل الشعر الصغير و تسبب حبوب للوجه ،، وتلين جلد وجهك حاسبي ..
والتونر اللي حطته لج غلط ،، كان المفروض بس تمسح بماء ورد ..
عموماً التونر المفروض يكون خالي من الكحول ،، شلون وانتي توج حافه
ربي يعافيج ويحميج من كل شر
T
11-12-2005 | 03:36 AM
سلامتك اختي ما تشوفي شر
بس حاولي تكثري من شرب الماء
واغسلي وجهك بماء بارد
وادهنيه بالفازلين الى مايروح الاحمرار والحروق
بس حاولي تكثري من شرب الماء
واغسلي وجهك بماء بارد
وادهنيه بالفازلين الى مايروح الاحمرار والحروق
s
13-12-2005 | 07:45 AM
مشكورين بنات ^_^
الحمدلله راح كل شي... بس آخر مره اسوي جي :(
بدورلي مكان احسن لهالسوالف.. والله معاناه
مشكورين حبيباتي... يزاكن الله كل خير ^_^
الحمدلله راح كل شي... بس آخر مره اسوي جي :(
بدورلي مكان احسن لهالسوالف.. والله معاناه
مشكورين حبيباتي... يزاكن الله كل خير ^_^