بنات الشرقيه تعالوا ابغاكم في مساعده

ما لش إلا ضوء القمر اللي في سيهات مرة يجنن وإنت على رايك إذا كنت تبي رسمة ولا لا


هــــــــــــــــــــــــــــذا رأيــــــــــــــــــــــــــــــــــــي

اهليييين ..
انا مو بذاك الزود بالكوافيرات ..
بس شعاع لازم تتشرطين لما تحط لك المكياج عشان يصير حلو .. بس لو تخلينها تسويه على كيفها صدقيني بيصير شكلك فلم رعب ..
وفيه عندك بروفايل (( قريب من شعاع )) يحطوا مكياج شي خيااااااال عند وحده سوريه اسمها سناء
دنيا المرأه يسوون لك المكياج نااااااعم وبسيط حسب ما تطلبين .. بنت عمتي حطت مكياجها هناك وطلع شكلها جنااااان
وفيه عندك دار نجد بالدمام .. حلو مره بس ثقيل بالنسبه لي لأني مثلك احب المكياج الناعم
ومبروك مقدما والله يساعدك على التجهيزات ..


اختك .. كحيلة العين

مولازم تتشرطين في شعاع المهم تحس انك فاهمه ومش اى شى يعجبك واى واحده تسوى مكياج و تبين مكياجك زين لازم تحس انك فاهمه ايش الى يصير

شوفي حبيبتي انا انصحك تروحين عند بروفايل لآنو انا اسوي مكياجي عندهم والصراحه مره يجنننننننننننننن
أنا عيوني من النوع الكبار والصراحه مو اي وحده قدرت ترسمهم لي بشكل حلووو.. مثل ما قالت لك الأخت عندهم سناء السوريه شغلها مره حلوووو ورايق
وعندك صاحبه المحل سعوديه نسيت اسمها شغلها خيالي.... كلمي المحل وسأليهم عن البروفه لو حابه تجربين
وشعاع الصراحه مو حلووو.. كل العرايس يطلعون من عندها نفس الشكل... مايعجبني شغلها أبد.... ما انصحك
وبالتوفيق ان شاء الله

مرحبا..

عندك ساس..مكياجهم حلو..

ودنيا المرآة..روعه..

وهيام مكياجها حلو..بس غالي شوي..

وعندك كليوبترا..

وفي محل غير ضوء القمر...

إسمه ظل القمر..

مكياجهم حلو..ومرتب..ويدوم..

وتسريحاتهم روعه..ودايم متجدده..وأسعارهم مره رخيصه..

أنا دايم أتعامل معاهم..ولا مره رحت وعادوا لي نفس المكياج..أو التسريحه..حتى لو كان الفستان لابسه قبل..

وبالنسبه للعرايس..أنا شفت تعديل زوجة ولد خالتي..في الجلوات..

بشرتها مايله للسمار..ومو أي مكياج يناسبها..

بس لما راحت عندهم..طلعت مثل القمر...

بس ما شفتها ليلة زواجها..

بس الكل قال إنها حلوه..وأحلى عروس في عايلتهم..

مع إن قريباتها حلوات..ما شاء الله عليهم..

ولك القرار..



وبالتوفيق..

ومبروك مقدماً...



في أمان الله..

شوفي حبيبتي .. في وحده لبنانية مكياجها روووووووووعة جداً ..

كانت تشتغل في MAC اللي كان مفتوح في مجمع الراشد بالخبر .. يوم كان مخصص للنساء فقط

اسمها ربكا ..

انا شايفه المكياج ومجربته صراحه رائع ..

وهي تجيك للبيت ..

اذا تبين رقمها قولي لي ..

دمتم

هلا أختي نبعة الريحان انا انصحك في 2

الأول مكياج رانيا ابو السعود وعندها محل في شارع القدس مقابل البنك البريطاني مكياجها رهيييييييب وماعليه كلام دارسه على يد اكبر اخبراء في لبنان ولو تدخلي محلها بتشوفي صور لعارضات لبنانيات هي اللي حاطة المكياج ،،ومكياجها جدا ناعم وابداااااااااااع فعلا ابداع ،،وقبل شهرين مسوين معاها مقابلة في مجلة سنوب
واسم صالونها (رانيا) واذا تبين رقمهم راسليني

والصالون الثاني صالون سيدتي على الكورنيش جنب مطعم غريب طوووس فيه عندك صاحبة المحل حنان والثانيه ايمان مكياجهم رووووووووووووعه روعه وماعليهم كلام الحف والسشوار والعروض للعرايس من صنفرة وغيره والصبغ يعني يعجبوونك ويضبطونك

هذي نصيحتي واذا تبين اي استفسار او اي خدمة انا جاهزة

SAFrOOta

مشكوووووووووووورين غناتي ....

وجراكم الله الف خير على ردودكم ....

بس بصراحه حيرتوني اكثرررر...

والى الان ماشفت اي تعليق على اللمسه الاخيره ....

بناااااااااااااات بليييييييييز لاتبخلون علي بمشاركاتكم......

هلا اختي

انا انصحك كمان برانيا ابو السعود

بالنسبة الى اللمسة الاخيرة مكياجهم على حسب المزاج يعني اذا رحتي بتكونين مغامرة ،،ياتصيب ياتخيب

انا حضرت تقريبا 5 اعراس في نفس الشهر ..طبعا الصيف تعرفي

يمكن بس كان فيه 2 اللي مكياجهم مضبوط في اللمسة وماكان مرررررة رهيب يعني اشوه من الباقي ،،الحين طلعوا أماكن في القطيف وسيهات وايد احسن من الخبر والدمام

هذاك اليوم كان فيه اخوان بيتزوجون في نفس المكان..المهم وحده من الزوجات راحت صالون سيدتي والثانية راحت اللمسة

صدقيني لما شفت اللي مكياجها في سيدتي انبهرررت وهذيك طالعه ولاشي جنبها ومن هاليوم صرت اهتم اني اشوف مكياج اللمسة واقارنه بغيره

عندك بعد في سيهات محل اسمه شذى ستايل هذا بعد الميك اب حلو بس غامق يعني اذا تحبين الناعم روحي سيدتي او رانيا واذا تحبين غامق نفس مثلات عديل الروح (من وحي الخيال) روحي شذى ستايل .هذي بعد شذى صاحبة المحل دارسة في لبنان وعدلت رزان المغربي مرة وصورت معاها

بس انا عطيتك الأفضل بالنسبه لي وفي الأخير الخيار لك وان شاء الله الله يبارك لك

SAFroota

ابي اقولك بعد شي ان السموك الحين المخلوط بأسود ماعاد موضه ،،يعني اقترح عليكي تختاري شي مافيه اسود غير الكحلة ومايحطوا لك شي اسوود ابدا الا الكحلة والماسكرا ...شفتي مكياج نانسي عجرم في (لون عيونك)؟؟ كذا مكياج رانيا تقريبا واحلى بعد مرررة نعووم ومافيه اسود كأنه بكس

ونفس الشي سيدتي يدمجوا الألوان بدون اسود
لكن اذا تبين سموك مع اسود بعد يضبطونك ،،لكن لو رحتي بدون ماتقولي ماراح يسووون لك اسود بيحطون لك الون متدرجه مع بعض واطلبي اللي يعجبك عزيزتي في النهاية اليد وحده والريشة وحده واي شي بيكون حلو على عيونك وفي النهاية على قولتهم العبرة في منو يحط ومنو ينحط له مو في الألوان

SAFRO0Ta

اللمسه مررررررررررررره يلطخوووك بالمكياج لو تحفرين باصبعك على وجهك ينحفر طبقات الاساس >>>تبالغ خخخخ

ومايضبط مررره يعني بالسنه حسنه...وعلشان ماظلمهم وحده من بنات عمي بزواجها كانو مسوين لها..كان اقل من عادي...

الخميس اللي فات كنت بزواج..وكانو في كثير حاطين من اللمسه..مرره كان كثير ومايعرفون يحطون لكل وحده اللي يناسبها


اما ربكا اللي قالو عنها فشفت شغلها على ثنتين عرايس واااااااااااااااااااو صراحه مو مبالغ فيه..وتبرز جمالك...عجبني مره مره مررررره

وبعد سمعت ناس كثير يمدحونها..


لكن مانصحك باللمسه...ابدددددن

بروفايل ياطويلة العمر مايصلح مكياج عروس..شفته مرتين على ثنتين وكان عادي..احس حق مناسبات عاديه..بس ماظن يصلح لعروس"هذا اللي شفته انا ماجربت"

ساس حلو مكياجهم..واللي يعجبني اكثر ان يستخدمون مكياج ماركات ..حتى لو خلطو معه من الرخيص بس عجبني صراحه

لكن ماقد شفته على عروس...

شعاع شفت شغلها على عروس..كان حلو مررره بس البنت كان لها هي اصلا طله..ولما تدققين بالمكاج حلو بس مو جديد

يعني بالحصيله النهائيه...شفت مكياج شعاع واللمسه وربكا على عرايس

وكان احلاهم بالترتيب...

1/ ربكا..
2/شعاع
3/اللمسه مع اني المفروض ماحطه في اي مرتبه مووو حلووو ابد

والله حتى انا مثلك ما ادري وين اسوي مكياجي

انا في الخبر وودي بالمشاغل الى في القطيف بس مشواااااااااار ودي بشئ في الخبر


اللمسه انا ماسمعت احد مدحه


شعاع على حسب المزاج والعرايس كلهم تسوي المكياج مثل بعض


بروفايل سويت فيه مره كان حلو وناااااعم بس سويته عند وحده لبنانيه بس قالو انه سناء السوريه شغلها احلى


وسويت مره عند مشغل حواء كان حلو وناعم بس مو حق عروس


بس في مشغل اسمه على ما اعتقد عروس الخليج كثير يمدحوه شكلي باروح واشوف مكياجهم


دنيا المرأه مكياجهم حلو

أنا أقول ضوء القمر لأن فيه وحدة أعرفها بتوسط لش عشان يسوونك جنننننننننننننننننننننننننننننننان

مشكووووووورين حبايبي على ردودكم ...
هلا والله حبيبتي احلى قمر على الواسطه...

وين با قي البنات...

هلا والله نبعة الريحان أنا انصحك بدار نجد بالدمام صراحه مكياج هاديه مره حلو لبناني وكله ماركات حتى الاساس حقها وراح تسوي بروفه على عينك وفي سيهات شذى ستايل متدربه عند بسام فتوح انا بصراحه ماشفته بس صديقتي قالت لي عنه وهي نفس ذوقي
بس انا بصراحه نجد يعجبني ماتحب هالرسمات والخرابيط اللي طايحين فيها هالايام
واذا على اللمسه الاخيره اقولك مليون لا لانهم بيحطون مكياج مليون طبقه مايبرز جمال الوجه
وشعاع مكياجها واحد ماعدا مع طبقه معينه اذا حست ان الوحده كشخه تغير مكياجها

مراحب خواتي بس اذا امكن تعطوني رقم ريكااا

حبيباتي اللي عندها رقم هيام وربيكا ترسلي اياه عالايميل لان الخاص مايفتح عندي وتسلموووووووووووو

انا ودي اخدمك بس الأخوات ما قصرو بس انا عندي
نصيحه اذا قررتي المشغل الي راح تسوين المكياج عندهم في ليلة عرسك سوي بروف