~*¤®§(*§أم تـحـت المـجـهــــــــر (3) بدر البــــدور§*)§®¤*~ˆ°

اها يعني انتي بنتج سارة مش اول وحدة .. الله يخليهم لج ان شالله

انزين انتي حسيتي انه الخياطة التجميلية لها داعي بعد الولادة الاولى واللا لاء ؟

القصه ومافيها انو ماحتجت خياطة في ولدي ...

ولدت بمستشفى المملكه وقالولي ابد ماتحتاجين وطلعت واحلى اربعين خخخخخ
لا الاااام ولا يحزنون..

بس كنت حاسه اني مرررره عاديه عشان كذا قررت اعملها مع العلم انو بعد ماطلعت سارونه قالت دكتورتي ماتحتاجين ماوسعناك كثير بلاااش تجميليه قلتلها توكلي على الله وصممت يالله كما قلت مسبقا قدر الله وماشاء فعل...

الغاليات ممكن تخبرني عن تمارين كيجل هذي
لاني ابصراحة اول مرة اسمع عنها !!!
و من رمستكم حست انها مفيدة وااااااااااايد
ف بليييييييييييييييييييييييييييييييز خبروني عنها

ربــــــي يحفظكــــــن

حبيبتي دلوعة محمداني لو سويتي بحث في المنتدى بتلقين وايد اشياء عنها

بس بقولج باختصار . . هيه انج تسوين تمارين تنفس وكأنج عزج الله تحبسين البول شوي وترخين .. بس وسويها باستمرار كذا مرة ..:)

عزيزتي بدر البدور ..

بما انج ام لولد وبنت ..

اي الولادات كانت اسهل وايها اصعب .. الاولى ام الثانية ؟؟

وهل فعلاً يقولون في فرق في طلق البنت والولد .. والوحام؟؟

و كم كان صار لكم متزوجين اول ما حملتي اول مرة ؟؟

حبيبتي بدر البدور انا باقي على موعد ولادتي 9 ايام وودي اخلص وامس سوى لي الدكتور فحص وقال لي ان الرحم مسكر ولا نص سم مفتوح تخيلي وقالي الماي بدى ينقص حول البيبي وخوفني موووووووت

فديتج انصحيني شسوي من تجاربج؟؟؟؟؟؟؟

اي الولادات كانت اسهل وايها اصعب .. الاولى ام الثانيه؟؟
3yoOon_AD
حبيبتي انا ولاول مررره راح اقول كم عندي لانو ماسبق واحد سئلني انا ياطويلت العمر
عندي بنوته عمرها 8 سنين وبعدها ولد عمره خمس وبعدها العسوله سارونه..
يعني بين الاول والثاني 3 سنوات والثاني والثالث تقريبا اربع سنوات ونص ...

وبالنسبه للبنت الولى بغيت اموت بطلقها لاني طولت اخذ معي الطلق 12 ساعه تقريبا ...
وبالنسبه للولد 7 ساعات وبعدها ولدت يعني احسن من البنت الاولى...
اما بسارونه فديتها العسوله الطلق الحامي بدى تقريبا 10 ونص وولدت 1 وربع صباحا...

متهيئلي كل ولاده اسهل من الي قبلها والله اعلم...

+++++++++++++++++++++++++++++++++++++++++++++++++++++

وهل فعلاً يقولون في فرق في طلق البنت والولد .. والوحام؟؟

واللهي بالنسبه للطلق بالضبط مااذكر بس يمكن كان ببنتي بطئ وبارد اعني بنتي الاولى وبولدي ورى بعض..

الله اعلم هالمقوله صدق ولا صدفه..

الوحام ببنتي الاولى كنت عايشه على المغذي الله لا يعيدها من ايام طبعا مافي خبره ولا شي استسلمت للوحام مرررررررررره استمر معي الين اخر الشهور..

وبولدي كان بعد قوي بس اهون بكثير من المره الاولى على الاقل ماحتجت مغذي...

بسارونه جاني اول شهرين فقط وراح ماشالله مافي ولا شي بس عاد صابني اكتئاب خخخخخ
:)

+++++++++++++++++++++++++++++++++++++++++++++++++====
و كم كان صار لكم متزوجين اول ما حملتي اول مرة ؟؟
كان لي تقريبا اربع شهور بس....

اختي الكريمه ساره رديت لك على نصايحي باحد الردود سابقا...

+++++++++++++++++++++++++++++++++++++++++++++++++++++=
ثالثا انا الحين صار لي 20 يوم في التاسع وشكلي ماعندي نية ولادة لا الم ولا هم ولايحزنون ايش تنصحين اختج فيه ؟؟؟
بنصحك بالي نصحتني فيه الدكتوره حقتي وفعلا جاب نتيجه...
1- كثري اكل تمر...
2- الاتصال بينك وبين زوجك جدا مهم تقول الماده الي تخرج من الرجل تسرع وتسهل الولاده وفعلا كلامه كان صدق..
3-كثري المشي اختي والحركه...
بس هذا الي اعرفه وقبل كل هذا وذاك توكلي على الله وادعي هو الوحيد القادر انو يقرب ويسهل الولاده...
الله يهون عليك ويقومك بالسلامه

ماشالله الله يخليهم لج ان شالله ...

شكله صدق طلق البنت بارد وممل .. بس بعد البنات حلوين ..

بدور اسئلة وبرجع لكم ان شالله

في انتظارك اختي :)

ما شالله البنات ما قصروا الله يسلمهم


الحمدلله على سلامتك يا الغالية بدرالبدور

والله يخلى بنوتك الغالية


انا اجيت متأخرة وما شالله البنات كفو و وفوا ....

بس راح افكر وارجع اسئلك يا قمر


تحياتى يا احلى بدرالبدور

مرحبا من يديد..

عزيزتي بدر البدور ..

شو نوع وحامج ؟؟ يعني مثلاً كره للزوج او حب اكثر .. لوعة من اكل او ريحة او شو بالضبط وكيف تعاملتي معاه ؟؟

متى كانت الكرش تبين عندج ؟؟

هل تنفختي في الحمل يعني ريولج ايدج خشمج انتفخوا؟؟؟؟اذا اي وبعد كم المدة رجعوا لشكلهم العادي؟؟؟:smile:

السلام عليكم ورحمة الله وبركاتة ......
اشلونك اخت بدر البدور ...وشلون اعيالك وخصوصا الصغيرونة (سارونة)...
اول سؤال :
بغيت اسالك فية مرة من ولاداتك تاخرتي عن موعدك ؟ اشكثر ؟ وايش سويتي ؟
ثاني سؤال :
ايش الاشياء اللي تعتمدين عليها في فترة النفاس من اكل وعناية بالمنطقة ؟

شو نوع وحامج ؟؟ يعني مثلاً كره للزوج او حب اكثر .. لوعة من اكل او ريحة او شو بالضبط وكيف تعاملتي معاه ؟؟

وحامي كان على الاكل ابد ماكنت اكل هذا في الاول والثاني اما سارونه كان مثل الاكتئاب مرره النفسيه زفت كرهت كل الناس واعتزلتهم وجلست ببيتي نادر اطلع وان طلعت اتنكد وارجع الحمدالله على كل حال....
+++++++++++++++++++++++++++++
متى كانت الكرش تبين عندج ؟؟
في بداية السادس تقريبا..

هل تنفختي في الحمل يعني ريولج ايدج خشمج انتفخوا؟؟؟؟اذا اي وبعد كم المدة رجعوا لشكلهم العادي؟؟؟
بالعكس كان وزني 53 ونزل 49 وانا بالشهر الثالث لاني مااكل ابد...

الحمدالله على كل حال تشوفيني تقولين هيكل عظمي...

اوشن.........
الحمدالله تمام الله يسلمك يارب من كل شر...كلهم طيبين ولله الحمد..

بغيت اسالك فية مرة من ولاداتك تاخرتي عن موعدك ؟ اشكثر ؟ وايش سويتي ؟
ثاني سؤال :
لا الحمدالله ماصارتلي ياقبل يابموعدي المحدد...
+++++++++++++++++++++++++++++++++++++++++++++++++====


ايش الاشياء اللي تعتمدين عليها في فترة النفاس من اكل وعناية بالمنطقة ؟
اول عشرين يوم الحلبه طبعا...والكمون مع قرفه اشربها تنظف وكمان تشيل الغازات...
كنت اشرب اعشاب اسمها طبيخه واخذ ادوه من حرمه شي للعشرين يوم الاولى وشي للاربعين كله...
وكمان من الحرمه تمر معجون مع شاد بعلبه كل يوم اكل منه شوي متى ماحبيت ....
امممممممممممممم

انشالله مانسيت شي...

وينكم يا بنات نبا نهريها اسئلة :dd:

انزين

بدر البدور ..

1- شو الشي الي كنتي خايفة منه طول فترة حملج ووقت الولادة وكيف تصرفتي وياه ؟؟

1- شو الشي الي كنتي خايفة منه طول فترة حملج ووقت الولادة وكيف تصرفتي وياه؟؟

:think: اممممممممممممممممم مافي شي محدد كان يخوفني مثلي مثل هالحريم خايفه على البيبي خايفه من طلعة الراس خخخخخخخخخ

بس...

مساء الخير بنات

حبيت اسأل....هل حدث وأن اجهضتي؟

و اذا الجواب نعم.......كيف كانت تجربه الاجهاض بالمقارنه مع تجربه الولاده؟

اهلين اختي لا والله ماحصل اجهاض ولله الحمد ...