(( زوجي و الماسنجر )) .. بالله عليكم دلوني اش اسوي ؟؟؟؟

برأيي انك تنسي الموضوع وترميه ورا ظهرك وتبينيله انك خلاص مصدقيته
ولازم تكوني واثقه فيه وتحسسيه بهاي الثقه لأنك لو بقيتي مصره على كلامك معه وشكك
ما راح تستفيدي شي بالعكس يمكن تتطور العلاقه اللي بينه وبين البنت .. اما الان هو خجلان من نفسه
ولا تنتظري منه انه يعتذر او يبدي الندم لأنه ماراح يصير لأنك مامسكتي عليه شئ اكيد بالنسبه له
ولا تضيعي حياتك عشان وحده ما تسوى حتى بالنسبه لزوجك تراها ما تسوى وهي مجرد تسليه
واحمدي ربك مليون مره انها مجرد محادثه ...
انا حاسه بشعورك لاكن لازم تتخطي هذه المشكله
تحيتي لك

موضوعج شوي يحير و يبي تروي و عقل علشان نقدر نوصل لحل

لو طنشتي الموضوع و عديتيها يمكن يتمادى و يعيدها مثل ما قالن الاخوات و ممكن يكون اكتشافك للموضوع صدمه بالنسيه له و يستحي على وجهه كرجال و ابو عيال و ما يعيدها

و جايز تكون كبوه و تجربه منه و اكتشفتيها انتي ... و لو تهاوشتي معاه عليها يعتبرك غيوره زيادة عن اللزوم و يكبر الموضوع و يحدث ما لا تحمد عقباه

انا من رايي تجنبي التحدث في الموضوع لفتره و لكن لا تهمليه ... و بين فتره و فتره و من دون لا يحس راقبي الجهاز ... لانه الملف اللي شفتي تسجل من جهازكم ... ما نبي نظلم الرجال من اول غلطه ... تروي شوي و خليكي ذكيه .. تعاملي معاه من منطلق انك ام عياله و بينكم عشره و ان شاء الله تعدي على خير

و بشرينا باللي يطيب الخاطر و لا تكبري الموضوع علشان خاطر العشره

jami
mnooo
وطن
الجميله78

الله يسمع منكم ويستجيب لدعائكم........ويفرج همي وهمكم......يا رب

وجزاكم الله خير على الاهتمام والكلمه الطيبه

اخواتي ............. الله يخليكم و يسعدكم و مشكورين على النصايح ...

انا بالنسبة لي و الله ما ابغا اخرب بيتي و طبعا مسسسسسسسسسسسسستحيل اطلب الطلاق عشان هالسالفة ....و مستعده انساها و كأن شيئا لم يكن
بسسسسسسسس اخاف يعيدها .... اخاف يقول هذي هي عرفت المره الاولى و ما قدرت تسوي شئ ..............
يعني باختصار لو اعتبرتها كبوة و نزوة عابرة و لاول مره كيف اثق فيه انه مارح يعيدها و تعجبه التجربة ؟؟؟؟؟؟؟؟؟؟؟؟؟؟؟

اخواتي ............. الله يخليكم و يسعدكم و مشكورين على النصايح ...

انا بالنسبة لي و الله ما ابغا اخرب بيتي و طبعا مسسسسسسسسسسسسستحيل اطلب الطلاق عشان هالسالفة ....و مستعده انساها و كأن شيئا لم يكن
بسسسسسسسس اخاف يعيدها .... اخاف يقول هذي هي عرفت المره الاولى و ما قدرت تسوي شئ ..............
يعني باختصار لو اعتبرتها كبوة و نزوة عابرة و لاول مره كيف اثق فيه انه مارح يعيدها و تعجبه التجربة ؟؟؟؟؟؟؟؟؟؟؟؟؟؟؟

قولي له شبيكون موقفك لو شفتني اكلم واحد بالماسنجر عندي؟ واذا شفتي ايميل هذي نورة خذيه وكلميها وقولي لها انك ماترضين على زوجك هذا اذا كان قايل لها بالأصل انو متزوج
والله يهدي الجميع ان شاء الله

يمكن يكذب عليك

ممممممممم

اسمعي حبيبتي..بقولك شي وانشاءالله ترتاحين

هذي السالفه عديها حاولي تتناسينها اوكي..

لاصار شي يششك مره ثانيه..وتأكدتي...لاتصرحين له السالفه وجها لوجه..لكن باسلوب الدق باكلام انك يافلان غلطت وتراني عرفت..وخلاص اسكتي..ولاكأنه يهمك..خلك أبرد من الثلج..اشغلي نفسك بعيالك..صديقاتك..خلي عندك مجتمع ثاني تشغلين فيه نفسك عن هم البيت والمشاكل..صدقيني بترتاحين ولا تقصرين بحقه علشان مايكون ماسك شي بصالحه..ان كان عنده دم ..بيتوب..وان ماكان عنده دم ..صدقيني الله بيعوضك خير...

صلاة الليل لاتتركينها ..منها تنشغلين ..ومنها تدعين الله يفرج همك ويهدي زوجك ويخلي لك ويحفظ لك عيالك

هذا والله اعلم,,,

والله يفرج هم الجميع ويبعد عنهم كربهم

طيب ايش رأيكم اني قررت اعديها له هالمره و احاول اني اعامله بشكل طبيعي لكككككككككككككككككككككن !!!!!!!!!!!!!!!
هو مسوي نفسه زعلان اكلمه ما يرد و يخرج من البيت و لا يقولي .............
با لله من اللي يحق له يزعل ؟؟؟؟؟؟؟؟ و الله تعبت و مليت و ماني عارفة اش اسوي

انا مع الي قالته الاخت 3noos
اختي الغاليهmnoo .. انتي وصلتيله الي عندج و اعتقد هو فهم السرالة و بس يمكن يتصدد لانه حس بذنب ... و هذا اهم شي خليه يحس بينه و بين نفسه انج تثقين فيه ووثوقج فيه بيكون اكبر علاج للممشكلة .. و انشالله بيحس بذنب و بالغلطة الي سواها في حقج .. انتي حاولي تنسين ادري شي يقهر بس حاولي و ماشالله ليج عاقله ... هو زعلان الحين لانج بطلتيله السالفه كذا مره .. لكن اذا رجعتي طبيعي بيرجع طبيعي .. لا تعتذرين و لا تسوين فيلم هندي بس عامليه بطبيعية هو بيرجع من حاله ... و لا تحسيينه انج شاكه فيه .. و انشالله الله يصلح بينكم و يرجعلج زوجج .. و يترك هل خرابيط!!!

الله يثبت فيج و يصبرج انشاللله على مابتلاج!!! اجرج عند الله الغاليه!

بصراحه.......مو قادره افكر ولا قادره اعلق....تفكيري اتوقف..مدري هو العيب فينا ولا فيهم ..ولا في هالتكنولوجيا اللي اخذناها بطريقه غلط.........من جد قهر:confused:



روز

حبيبتي هو طبعا اكيد يعرف هدي نوره بس لا تكبري الموضوع ترى هي دردشة نت مو اكتر انا احيانا اكلم شباب ع النت بقصد الدردشه لا اكتر والله اني لا افكر فيهم اي تفكير تاني ولا حتى هم اذا كان الموضوع كدا عادي بس لو طلعت نورة هدي في نفس الديره ترى هنا يبغالك تنتبهي وانا عندي ليك فكره في اكيد عرفتي ايميلها من الدردشه ارسلي ليها رساله محترمه وريها ان فلان هدا زوجك واطلبي منها بكل ادب انها تتوقف عن مكالمته ولا تجيبي له سيره انك سويتي كدا لو سالك معناه انه يكلمها لسه وممكن يطلع زكي وما يسالك بس صدقيني انها دردشه لا اكتر ولا اقل بعدين ترى نوره يمكن تطلع رجال مكدب عليه انا اعرف واحد كان مكدب علي ومسمي نفسه نوره ههههههههه بعدين طلع ريان لا تكبري الموضوع زوجك يحبك يا قمر

**rose_25**:
..مدري هو العيب فينا ولا فيهم ..ولا في هالتكنولوجيا اللي اخذناها بطريقه غلط.........من جد قهر:confused:



روز

و انا معاك و الله ................. بس الله يعين و يستر علينا دنيا و آخره

الله يعينكم ويفرج كربكم ما عندي لكم تعليق الا بعد صلاة المغرب عليكم بقراءة سورة البقرة الى صلاة العشاء وتكرارالدعاء...........



( اللهم ارنا الحق حقا وارزقنا اتباعه وارنا الباطل باطلا وارزقنا اجتنابه ..)

[size=2]اولا و الواضح ان عندك خبره بالكمبيوتر فما يحتاج اعيد كلام الأخوات لكن اللي راح اقوله لك راح يصدمك ((( انتي جبتي الهم لنفسك )))) مصدومه ؟؟؟؟ يحق لك ...........................
و لا في وحده يا أختي تسأل زوجها عن خيانه و بالهطريقه لااااااا و بعد تقولين له ترى بعد عندي الدليل على ورق كأنك تقوليله اذا بتلعب بذيلك و تمسح اللي بالجهاز ترى انا حافظه هالفضيحه عالورق ايييي دير باللك!!!!!!! وبعدين بالعقل كم واحد تسئلينه عن خطأ سواه و اعترف فيه على طول و اعتذر .....هذا كله حركات افلام ... طبيعه البشر يا ناس دفاعيه ينكر و ينكر و راح يظل ينكر الا 20% اللي ممكن من اول مره يعترف بغلطته و بعدين شنو يعني يكلم وحده بالماسنجر خير يا طير ؟ كلام فاضي عالشات بالطقاق خليهم يدردشون
انتي اللي ربحانه في كل الحالتين بتقوليلي شلون؟؟؟!!!!! اقولك
*****
لو كنتي شايفه و ساكته مو معناتها انك ضعيفه لا بالعكس انتي قاعده تعرفين عنه كل شي بس هو اللي ضايع بالطوشه و مرده راح يجي وقت و يمل منها ومن غيرها و من الشات بكبره بس الحين اللي راح يصير يقدر يسوي نك و ايميل جديد و يدردش و يستانس و انت اللي ضايعه بالطوشه و يمشي على مبدأ كل ممنوع مرغوب
******
و الحاله الثانيه و هي جريئه شوي و ادري مو الكل راح يوافقني عليها و اهي لو ان بينهم سوالف من اللي خبرك و هني اقصد بسسسسسسس سوالف عالشات بعد انت اللي ربحانه !!!!!! مستغربه؟؟
اقولك راح تلاحظين انه تغير معاك للأحسن و هني اقصد علاقتك الخاصه معاه و نفسيته متجدده و رايق بعد هالشات .....

****
يا أختي الرجاجيل بشر ومحتاجين يجددون مو احسن من لا يغازل بهالمجمعاتو يكلم بنات بالتلفون و يطلع معاهم .. و لا يتزوج و يجيب من ينكد عليك ...هو قاعد يجدد من بعيد لبعيد و صدقيني حتى النسوان يسوون كذا بعد
الحين اقعدي و اضحكي معاه طنشي الموضوع و قوليله على طريقه ضحك و غشمره شلون شكيتي فيه و عصبتي و لفيها بعيارة النسوان ان بهالحظه خفتي من نفسك يوم عرفتي شكر كنتي متعلقه فيه بهالدرجه و مو حاسه انفخيه بهالسوالف زوجك اذا ما دلعتيه بالكلام الحلو و حسستي شكثر محتاجتله ترى بيلقاه عند غيرك .... ولا شنو اللي جابر عيالنا عالوافدات غير هالجفاف بالكلام
و دمتم سالميييييييييييييييييييين[/size]