موضوع للنقاش(تغيير رقم الموبايل بعد الزواج)

والله انا مع اختي الكريمه حاشمه نفسي،،،

مب شرط،،، اغير رقم الجوال بعد الزواج واذا صار يمكن مثلاً يكون رقم مميز،،، ممكن مثلاً زوجي لو امرني بهالشي يكون يبي الرقم بإسمه أو الخ،،،،

والله ما عرف،،، بس الإحتمالات كثيره،،،



بصراحه عجبني سؤالك ،،، فعلاً فيه حيره،،،



سفيرة فوق العاده

مرحبا
أنا الصراحة مع الإخت حاشمة _ نفسي
وهذا نفس اللي كان في بالي :up:
وتحيااااااتي لكم

اخواتي

ام عذبه

سفيره فوق العاده شكرا على المشاركه


و حبيت اوضح نقطه مهمه انا ماكان قصدي على اللي يغيرون رقمهم بعد كم شهر انا اقصد اللي

يغيرونه بعد الملكه مبااااااااااااااشره او بأيام الخطبه

وشكرا

موضوع حلو للنقاش

البنت لين تتخرج من الكليه تكون عاطيه رقمها وايييد بنات .. صديقات الدراسه و الزميلات اللي وياها في قروب الدراسه وجيه ..

فيعني لين تتخرج رقمها يعرفونه وايد .. فاحس انها لما تتزوج حياتها تنحصر خصوصا اذا كانوا زميلات الدراسه متطفلات ..

اما اذا كانت هي مالها علاقات وبس رقمها لاهلها وصديقاتها المقربات .. مايحتاج تغيره ..

عن نفسي ماكان عندي موبايل اصلا لين عرست وعقب العرس بثلاث اسابيع زوجي طلع لي رقم .. وموبايل ..

السلام عليكم ورحمة الله وبركاته


اختي بينك انجل حلو كان رأيك مثل باقر الاراء

و شكرا للمشاركه

أنا عني لو الزوج طلب بغض النظر عن الثقه مافيها إشكال


وان كانت البنت اكيد عندها شي مو شرط شي في اخلاقها لا

يعني مثلا رقم ممكن تكون وحده ماخذه رقمها ونشرته او عدوه لها بمعنى غيرانه منها

او الاحتمال تكون عندها حركات

او عندها حركات وحابه بعد الزواج تنسى كل الماضي وتتوب

كل شي جائز

تحياتي

حلوووو الموضوع

انا اعتقد ان اللي يغيرون بعد الملكه مباشره ان السالفه فيها انه ؟؟

او ان كان عندهم خرابيط و هالسوالف

اعتقد ان الموضوع عاادي ماله شك ولاخرابيط


الريال يبي يطلع رقم حق زوجته
ولامايبي مثلا ابوها يدفع فاتوره تلفونها يعني جي
او هديه منه

أنا شايفة أن الواحدة من الأفضل أنها ما تضع نفسها في موضع شبهات.. لأني لما كنت في الجامعة وواحدة من البنات تنخطب أو تتزوج وتغير رقمها كانوا البنات يتكلموا عنها ويقولوا أكيد كان لها ماضي.. طبعا أنا ضد أن الواحد يحكم على الناس ويتكلم عن أخلاقهم لكن البنت لازم ما تحط حالها في هالموقف.. وإذا عندها أسباب قوية تجعلها تغير رقمها الأحسن أنها تنتظر كم شهر عشان ما تعطي حد فرصة يتكلم عنها..
أنا عن نفسي.. إن شاء الله لما اتزوج ما راح أغير رقمي..

شكرا اخواتي على المشاركه الاكثر من رائعه

نهلى الحلوه

مناير

ام اسووله

مجنونة حمد

وانا اللي خلاني اكتب هذا الموضوع هو نفس كلام الاخت نهلى ان البنات بالجامعه يتكلمون ليش

البنت غيرت رقمها

وشكرا

بالنسبه لي ماكان عندي موبايل قبل الزواج


ولو كان عندي ماكان غيرت الرقم



ليش اغيره من مين خاااايفه



الحمد الله متربيه عدل ومااااالي في الخراااابيط

صح الوحدة لما تتزوج تغير رقمها واغلب الوقت يكون على طلب الزوج

أونة يمكن يخج ... يقوللها انا بطلعلج رقم خط بدل بطاقتج المدفوعة وهاذاك كنسلية القديم ولا عطية الخدامة...

ما اعرف ليش يعني يطلب الزوج تغيير الرقم؟

هلا والله..

يمكن الامر مرتبط بنووع من التغيير.. في كل شي...

ويمكن............................... يطلعوون لها رقم جديد.... وحلووو. احلى من رقمها...

اكيد يا حبيبتي لان بيكونوا خايفين حدا من الماضي يتصل ويعكرها
ويخرب علاقتها بزوجها بس مو اكتر من هيك
البنت الصح كل شي قبل الزواج يبقى عندها بعد الزواج
متل برائتها وخجلها ورقم تليفونها

هذا دليل اختي انها كانت على علاقه بشباب وانا اشوف هالطريقه اهي انسب طريقه للي تتوب عشان ربي يوفقها في حياتها

والله انا اشوف اغلب البنات اللي غيروا ارقامهم اللي اعرفهم كان لهم ماضي


اماا انا عن نفسي تزوجت وماغيرته


تحياتي لك

أم أسووله لا تفهمين الناس غلط ( معلومة بس )

عن نفسي جريب العرس قلت لريلي تراني بغير موبايلي ما بقى هندي في بوظبي إلا إتصل ها راجو موجود أتشكو كمار موجود هاي عيادةة ( بالله عليك رقم موبايل عيادة ) لااااعت جبدي مالقيت إلا هنود يتصلون

ولا أبلة فلانة موجودة أقول شو رايكم أشتغل سنترال ولا بدالة بالأصح قلت لأختي فديتج دوريلي رقم بسير شهر العسل والهنود يتصلون عز الله ما تهنيت

فغيرت والحمدالله شكله يديد وأول مرة نازل ما يتصل بي إلا عربي وأهلي وزوجي وصديقاتي المقربات بس

انا لاحظت هالشي بعد على كثير من البنات....اتوقع في اغلب الاحيان السالفه يكون فيها انه.....بس الله اعلم...كنت اعرف وحده غيرت رقمها عشان زوجها هو اللي عطاها الرقم الجديد وهو يبغي يدفع الفاتوره..ومازالت تستخدم الرقم القديم...يعني ماتشكين في الموضوع...بس اذا وحده كل كم شهر طلعت رقم يديد هذي تشكين فيها والافضل الابتعاد عنها...هذي وجهة نظري

تَنْثُرُ الكَونَ عِطرَاً:
بسم الله الرحمن الرحيم

لا أختى العزيزة .. أعوذ بالله من الشك لو كان يشك لا سمح الله ماكان تزوجها ولا تقدم لخطبتها أصلا

لكن بعض الرجال يريدون أن تنحصر علاقات زوجتهم الإجتماعية وتكون فى أضيق الحدود وهذا

مافهمته من صديقتى

صح كلامج انا مثلا زوجي يغااااااار حيييل واول ماتزوجن علي طول شراليخط وقاليردي الخط لبوج فكرته كانت اني احصر علاقاتي الأن كل الريجيل مايحبون حريمهم تكون عندها علاقات هذا بالأول اما الحين عادي الكل عده رقمي وبالعكس صار يفرح اذا بروح اوجب احد

فعلا في بداية الزواج يكون الزوجين يبون يستقلون بحياتهم عن الناس او الملاقيف وبعض الصديقات على فكره تحرج زميلتها المتزوجه وتتصل باوقات غلط هذا غير الزيارات اللي مالها لزوم يعني احراااااااااااااج
لاكن بعد فتره من الزواج تكون البنت حنت لزميلاتها والجلسه معهم والزوج يكون مبسوط لانها تفكه شرها شوي
فعشان كذا بعض البنات مايبون ازعاج من وحده ماتقدر
اعتقد كذا