تجهيزي لفرحي ....مفيد لكل عروسة مصرية

تايتو ربنا ان انشاء الله ييسر لك امورك يا حبيبتي
JEWAYRYA
ممكن لوعارفه اساس حلو تقوليلي عليه

تايتو انا عندي ليكي حل هوه لو لسه معملش كشف الهيئه والحاجات البيعملوها دي خاليه ياكل كتييييييييييييييييييييييييير اوي ويتخن انا واحد قريبي عمل كده واولمادخل للراجل قاللوا اايه البلاوي اللبتجبوها دي امشي يا ابني ههههههههههههههه وربنا معاكي يا رب اتكلي على ربنا وصللي قضاء حاجه يا حبيبتي وربنا هيعديها على خير ان شاء الله وامة الودود انا رايي ماكس فاكتور انا مجربتش الفونداشن بتاعه بس بيقولوا عاليه حلو قوي المهم تجيبي درجه حلوه وعموما هيه ماركه محترمه جدااااا بصي ممكن تلاقيها فقصر العطور اللفالكوربا هوه ليه كذا فرع بس انا بحب ده

رورة انتى فين وحشتنيينى ياجميلة اخبارك ايه غايبة عننا ليه انا عايزة اطمن عليكى

بسم الله الرحمن الرحيم انا عضوه جديده معاكم يا بنات بصراحه انتو كلكم بنات زي العسل يا ريت تقبلونى معاكم فى المنتدي علي فكره انا فرحى فى شهر 7 انشاء الله ادعولى

معلش يا تيتو انا حسه بيكى انشاء الله خيييييييييييييييييييييييييييييير وربنا معاكو وانشاء الله تتجوزى فى معادك

هاى dodorory نورتى معانا tytoربنا معاكةى متقلقيش ان شاء الله كل حاجه هتتظبط بنات كنت عاوزه اسال حد جرب الايشدو الكريمى

الف مبروك يا دودو ريري ومنوره المنتدى عموما انا كمان لسه جديده بس تحت امرك يا قمر:shy:

هاي يا بنات انا عايزه اعرف نوع بودر سايبه كويس ويا ريت سعره انا جبت اساس جوردانى من اورفليم وطلع كويس

للاسف يا ستي انا ماليش فقصة الباودر خالص البنات يفيدوكي اكتر مني:shy:

متزعليش قوى كده اكيد هحتاجك فى حاجات تانيه يا قمر

حبيبي

سوفت روز

lovely_rosa

رورة

vetdody

جويرية

أمة الودود

dodoryry



ربنا يخليكوا ليا يا رب دايماً ومتحرمشي منكوا ولا من سؤالكوا عليا


خطيبي راح النهاردة يشوف موضوع الجيش

زمايلي الرجالة قالوا دي حاجة عادية متخافيش

هي روح الوحدة بتاعته اللي قضى فيها الجيش ويعد فيها حوالي شهر أو أقل
وهياخد شوية تدريبات

وقالوا أن مفيش مشكلة بالنسبة لشغله لأن دي حاجة رسمية وقانون العمل واضح فيها

وكذا واحد قالي دي حصلتلي مرتين متقلقيش


بالنسبة للصيني

لأقيت محل كويس في حمام التلات أسمه السبكي عنده حاجات محترمة أوي


و الأسعار كويسة أحسن من بره كتيير

و إن شاء الله أشوف حد من صحباتي ينزل معايا نشتري إن شاء الله


أمة الودود
متشتريش الأنواع دي مغشوشة أكيد

السعر اللي أنتي عايزاه ممكن تجيب سارة أو أماندا أو لونا أو أوريفليم أو إيفون

الماركات التانية هتكون أغلى كتير من اللي أنتي عايزاه بس طبعا هتكون روعة

فكري وشوفي

رورة ربنا معاكي يا حبيبتي
أنا عارفة زنقات الشغل بتبقى بايخة أوي
ومستنين بقيت موضوعك

ddoryry

أنا كمان معرفشي في موضوع البودرة ده

لكن رورة أكيد تفيدك أكتر وأكيد هترد عليكي لما تفضى شوية من زنقة الشغل

مصراوية أشترت بودرة ماركتها فيها كلمة "فوريفر" هيا ماركة مشهورة أوي بس مش قدرة أفتكر بقية الأسم

بس كانت بتقول عليها روعة

وهيا برده أشترت أساس من بوبا

جويرية

بصي في محل في شارع القبة أسمه "سمير ووليم " وبيبيع مكياج وكريمات و أدوات الكوافيرات

وعندهم كل حاجة الماركات الجامدة الغالية المستوردة وكمان المحلية
وعندهم الرخيص والغالي
وكمان عندهم بارفانات و سبريهات وفرش وكريمات شعر وشامبوهات وحاجات كتيير أوي

و أسعاره أرخص من بره وأنا كنت بشتري منه علطول لما كنت في مصر الجديدة

ولباقي البنات لو عايزين تروحوه

عارفين روكسي اللي في مصر الجديدة في القاهرة طبعاً

في في روكسي محل معروف في ميدان روكسي أسمه العبودي بتاع ملابس جاهزة

العبودي ده بقى على ناصية شارع القبة

أدخلوا الشارع و أمشوا شوية كده لحد ما توصلوا نصف الشارع تقريباً

هتلاقوا على الناحية الشمال فيلا كده أو قصر صغير

المجل بقى قصاد القصر ده على الناحية اليمين

عدوا الشارع و إدخلوا المحل و إتفرجوا وقولولي




رورة الأي شادو المخمل علبته شكلها أيه وبيكون شكله أيه
أحنا عندنا الأي شادو في قلم تخين أو بودرة مضغوطة أو بودرة سايبة


يلا سلام يا بنات علشان أنا في الشغل
علشان الصفحة مرديتشي تفتح في البيت

بحبكوا أوي

شفتى بقي يا تيتو الموضوع سهل اوى ازاى و انشالله حيرجع بالسلامة حتى من غير ما يقعد و لا يوم حبيبتى و حتتجوزى في ميعادك انشالله زى مكنتوا رسمين
ربنا معاكى يا حبيبتى و يفرح قلبك و يفرح قلب كل البنات

عقبال مانسمع الزغاريط عزيزتي

ربنا يوفقج ان شاء الله

انا عايزه اجيب حاجات مكياجى وبارفناتى كلها من الصيدليه



علشان ابئه ضامنه انها اصليه


بس هى بتبئه اغلى من بره شويه


ولا انتم ايه رايكم

رورة حبيبتى وميحرمناش منك ولا من بنات المنتدى كلهم امين يا رب انا بس عايزة اسالكوا سؤال مهم قوى ليه والنبى
عايزة مركز او اى مكان يكون فى نظام او برنامج للعروسة بس يكون موثوق فيه واسعاره ايه يا ريت ترودوا عليه ضرورى والنبى نظام كده يكون عناية كاملة بالعروسة للجسم بالذات
وعايزة اعرف حد جرب قبل كده كريمات السيلوليت ديه وجابت نتيجة مع حد فعلا وايه الماركة الحلوة وبكام .؟
وهل بالنسبة للشعر مفيش حاجة تخليه ناعم على طول او يعنى مش كحتاج لف والقرف ده عشان يتعدل انا بفكر اشترى الفرشاة الدوارة اللى بتعمل الشعر بس مش عارفة فيها استشوار ولا لا يا ريت تردوا عليه فى الحاجات دى ضرورى والنبى

vetdodyانا منصحكيش بموضوع الصيدليه ده لأن بيبقى فرق الأسعار كبير وممكن تشترى بالفرق حاجات تانيه المهم تشترى من مكان موثوق فيه وحد مجربه

تايتو ربنا يسعدنا وييسرلنا امورنا انا وانت وبنا ت المسلمين