بنات البحرين بليييييييييز ساعدوني

ياهلا بأختي مطلع الشمس، شنو نوعية الأشياء الي تبين زوجك يشتريها لك؟؟ ملابس، ساعات، جواهر، ماكياج، جلابيات...خبرينا أكثر..

بخصوص كبرى القصير محلها بالرفاع شارع البوكوارة وعندها فرع بمجمع العالي، إذا حبيتي جلابيات في محلات كثيرة بشارع البوكوارة تبيع جلابيات حلوة مثل نهر الفنون....

مشكورة حبيبتي على العنوان

بغيت جلابيات راقية واسعارها مناسبة لان إلي أعرفة ان كبرى القصير أسعارها وااااايد غالية

وبعدين بغيت محلات راقية حق اللبس وشرط إكون عندهم سايزات كبيرة والمكياج بس مايكون موجود عندنا
سوري مصختها معاج طلباتي واااايدة صح

عليج بروبيان البحرين و تكه و وسمبوسه واللبن .........صج والله انا مجربه احسن عن اللبس والخرابيط

هلا وغلا حبيبتي الغالية

فعلا كبرى القصير واايد غالية اسعارها ومحله أسمه السعفة في الرفاع ....

عندش مجمع اللولو في جلابيات الغريب حلوة سعرها يعني معقول .....

عندش في سوق المنامة الشعبي فيه محلات وااااايد بعد مثل الزرقي وجميلة ومحلات غيرها........

عندش بعد في سوق واقف في مدينة حمد في محلات راقية وحلوووووة مثل اللمسة الفرنسية .........

سلامي وتحياتي

مشكورين حبايبي ماتقصرون والله فيكوم خير يابنات البحرين ونخدمكوم إنشاءالله في أقرب فرصة

عندج محلات كثيرة للجلابيات كلها بالرفاع بشارع البوكوارة.. اليشمك، الحرير الأسود، أطياب، المغربية، أحلى الوصايف، الجندول..

بخصوص باقي البضائع معظم المجمعات لها لمحلات الموجودة عندكم بالديرة... عندج للمجواهرات الزين وآسيا وياسكار ديفجي،،، خليه يمر الحواج عنده معظم الماركات...

بالنسبة للجلابيات محل في الرفاع شارع البوكوارة اسمه ( دار أنمار )
اما بالنسبة لمحلات كبرى القصير أشوف ان جلابياتها ماتنلبس صراحة في الأيام العادية والأوقات العادية
يبيلها تلبسينها وتقعدين ، يعني ماتقدرين تتحركين فيهم بسهولة بسبب كثر الشغل فيهم

بالنسبة للجلابيات محل في الرفاع شارع البوكوارة اسمه ( دار أنمار )
اما بالنسبة لمحلات كبرى القصير أشوف ان جلابياتها ماتنلبس صراحة في الأيام العادية والأوقات العادية
يبيلها تلبسينها وتقعدين ، يعني ماتقدرين تتحركين فيهم بسهولة بسبب كثر الشغل فيهم

في محل في سوق واقف - مدينة حمد - إسمه أماسي يبيع جلابيات فخمة وأسعاره حلوه