تعبانة من أسبوع مع هالولد،،، عطوني الحل...

ياهلا neama إن شاء الله أحسن ، يمكن شفتي ردي على جمانة، غير الوقت اليوم وصحى 3ونصف يبي ينام عندي ونام على وسادة أبوه لأنه ابوه البارحة بالدوام،، حاسة الحين ان هو عاجبه سريرنه ويبي ينام فيه،، بس شو المعنى أن الفجر الساعة 5 مادري؟؟؟؟ وتصدقين صاير حنان وصياح حتى في النهار بس هالأسبوع .. آنه أتخيل ان يمكن من ضروسه بعد...

حبيبتي دام انج حدتي الوقت اكيد شي يالمه ..

لا تستهينين بهاي الاشيا وهم شي الحنان.......الحنان ضمية حتى لو يصيح

الله يطمنج على ولدج ان شالله وما عليه شر
بس انتي شو تتريين وديه الطبيب ...ترا الضرس الكبير الي ورا يوم يطلعون مشكله وايد يتالمون ومرات يستوي التهابات يوصل لين الاذن
احسن شي تتطمنين عليه عند الطبيب

bj3a حرام عليج تتوقعين ماعطيه حنان؟؟ هو كل حياتي ماعندي غيره، اعطيه حنان بس بإعتدال، لما أرجع من الدوام بالعكس كله المه وأكلمه وأطلعه معاي، بس بالليل اخليه في سريره واقرا له القرآن وأخليه ينام لوحده عشان مايتعود على اني لازم انيمه....

البستكية ماعتقد عنده مشكلة بأذن لأنه قبل فترة كان مريض وخذيته للدكتورة وكان عنده التها بابلاعيم وعطوه مضاد والحمدلله تحسن...

الله يحفظ لج عبود يا رب. .
طمنينا عليه وبشرينا اذا راحت الدلاعة عنه وصار زين :)

الأخت رانيا قريت معاناتش ويه ولدلش و ربي يخليه اليش و لأبوه يارب و كأنش تتكلمين بالضبط عن بنتي ربي يحفظها و يخليها يا رب .... أشوفها هالأسبوع كل يوم الفجر تصييح و هي نايمه و مغمضه عيونها و تتقلب و تكرر هالشي يمكن 15 مره أو أكثر و أتضايق لأني خايفه عليها و ما أدري ويش فيها و اضل أوسوس ويش فيها بنتي و أقول ساعات من الأسنان لأنه بدت تكمل مشوار اسنانها و ساعات أقول يمكن لأنها خايفه و خاصه أني عصبت عليها في الحمام قبل ما تنام لأنها ما شاء الله عليها حركيه وااااجد و تعبني الين أبدلها و أطهرها و خاصه أنها صايره عنيده واجد و ما ترضى تطاوع أو تسمع الأوامر و تطالعني و تضحك و بعد ما أعصب و الله العظيم أندم , اقول ويش بيفيدني الين عصبت عليها و مرضت ما بتأذى وياها الا أنا .....و أحيانا أقول من عين ما صلت على النبي و خاصه أننها بدت تنطلق بعض الكلمات و لو أن أكثرها غير مفهومه .... و أحيانا أقول من شغالة بيت أبوي الأندوسيه و أنا أخاف من عينها و دعوتها الحاره الصايبه مثل الصاروخ بالرغم من أنها زينه و الحمد لله طيبه بس أنا ما أرتاح اليها منذ ولادتي بأبنتي ...... و للحين ما أعرف السبب

و الله يعينش و يعني يارب العالمين

بس في ملحوظه ذكرتها و أنا أقرأ الردود بأن في وحده أعرفها سألت دكتورة أطفال عن ولدها يمر بنفس الحاله و قالت اليها الدكتوره التفتي الى التاريخ و الوقت و بالفعل التفت الى التاريخ من كل شهر و في نفس الوقت و ابنها نايم يصيح و هذا نتيجة حدوث ألم في عظامه نتيجة النمو الحاصل في جسمه و هذا التاريخ طبعا موافق لتاريخ الولاده من كل شهر .

جمانة، اشكرك على السؤال، بس البارحة زاد طبعا هو يومين مغير الوقت إلى 3ونصف ، البارحة كنت نايمة عند أهلي وكل شوي قام يصيح ماما،، ولا آخرته بعد صاح بابا ( أبوه بالدوام)،، عذبني البارحة ، باخلي يقرون لي في ماء زمزم يمكن يهدي...

نجمة الرضا، أشكرك كثيرا، والله يعينك على بنتك ترى ماهي الوحدية الحركية ماشاء الله عليهم الياهال الحين كلهم جذي، لا تصارخين عليها وخصوصا بالحمام او قت النو، وبخصوص المعلومة الي ذكرتيها من الدكتورة يجوز تكون صحيحة، باسأل عنها....

الياهل كل ما عطيتيه يبا زياده ... انا ادري ان كل ام تعطي عيالها حنان بس الطمع ميزة اليهال

bj3a إذا حملت مرة ثانية عيل شنو راح يصير فيه إذا هو طماع دلع

تعرفين كلهم يقولولي احملي مرة ثانية .. ولدي الحين عمرة 7 شهور .. لكن يوم فكرت فيها حسيت اني راح احرم ولدي من دون قصد من حناني ...

والله اني وايد خايفه ان يصير هالشي وخاصتا اني من ولدت الين الحين ما يتني العاده ... وريلي ما يرضى اني اخذ حبوب او اني اسوي ربط او اي شي من هالنوع .. يقول بنمنع طبيعي ...

عطي ولدج نصيبه وزياده اذا تقدرين .. واحد يدعيلج احسن من واحد يدعي عليج ...

bj3a صدقتي واحد يدعيج لي ولا يدعيي عليج،، الله يحفظه لك، حرام بعدهم محتاجين حنان.. وترى الدورة إذا مارجعت بعد الولادة عادي، آنه رجعت لي بعد 5 شهور وأعرف ناس ليما السنتين طالما أن هم يرضعون,,,

fanynono أختى أهلا بك بس الموضوع مو في مكانه داخلة خطأ...

[grade="00008B FF6347 008000 4B0082"]

هلا

رانيا

شلونك الغالية عساك بخير

شلون عبود الله يحفظه

إنشاء الله طيب .. ها بشري عنه [/grade]

Neama خفت الحالة هاليومين بس بعده يصحى ويصيح على خفيف، والظاهر دليع مسوي نفس بنت مرموم يبي ينام معانا بالسرير ، لأن كم مرة يوم أبوه يروح آخر ليل آنيمه بجنبي، البارحة مطلع رجله من سريره وينادي ماما يبي ينزل على سريرنا ماعطيته وجه وبقى يصيح وبعدين رضخ للأمر الواقع ونام...

رانيا البحرينية:
Neama البارحة مطلع رجله من سريره وينادي ماما يبي ينزل على سريرنا ماعطيته وجه وبقى يصيح وبعدين رضخ للأمر الواقع ونام...

السلام عليكم و رحمة الله و بركاته

يا رب أقدر أعمل مثلك يا رانيا...

و مريم ترضخ للأمر الواقع و تنام...

مش عارفة كيف غلطت هذه الغلطة الفظيعة...و ما إنتبهت إلا الحين :(

خلي قلبك قوي يا مرموم،، ودام أن زوجك بالداوم الليلة يعني ماراح يكون موجود وينزعج،، والله البارحة صاح وصيحته تعور القلب بس حقرته، مافيني شده آنام على طرف السرير وآروح الدوام وآنه كل جسمي يألمني... أصلا آنه ناوية أخليه بالغرفة الثانية مايدري الأخ بقراري واله بيكرهني طول عمره،، لا يتدلعون علينا...

السلام عليكم و رحمة الله و بركاته

يعجبني القلب القوي...

و الله إنه علشان مصلحتهم...إحنا نكرههم يعني !

الله يخليلك إياه يا رب...و تشوفيه عريس إن شاء الله :)

الله يعيني ...

مع ان الولد عادي عنده انيمه عندي ولا بسريره بس انا اتعب يوم انش واشيله من سريره ...

زوجي كل مرة يقولي خسارة السرير الي شريناه ومحد ينام فيه ... مع اني طووول النهار انيمه فيه وايلسه يلعب بالالعاب فيه ... بس بالليل انيمه عندي ..

bj3a لا تغلطين غلطة مرموم، وخليه بسريره حتى لو تعب من الصياح في النهاية علشان مصلحتهم...

بسم الله الرحمن الرحيم
تحياتي للجميع ............
الله اعينك لكن لا تغلطين وتاخذينه على سريرك ولا تتركينه حتىلو اضطريتي تنامين هالساعه في غرفته وتضلين يمه............
وتاكدي مافيه شيء اخوفه اثناء النهار خصوصا اذا كنت تتركينه مع الخادمة

أشكرك أخت نورة،، بالعكس آنه ماتركه مع الشغالة لوحده آخذه لعند أمي الصبح ويكونون تحت نظرها، بس إحتمال من التسنين، لأن البارحة طلع له ضرس علوي...