السلام عليكم ورحمة الله وبركاته
شخباركم بنوتات ..
واحشيني مووت ،، جيت لكم اليوم بموضوع راح يعجبكم ..
و طبعاً كالعاده قبل ما اقول لكم اي شي اكون مجربته .. وشايفه النتائج بعيني
هالكورس انا باديه فيه صار لي فتره مو قصيره ،، و اليوم قررت اقول لكم عنه ..
3 منتجات من Elizabeth Arden
تلقينهم ينباعون في محلات التجميل اللي يبيعون هالماركة الغنية عن التعريف
و ممكن تلقينهم بـ set مع بعض ،، انا خذتهم جذي
المنتجات نتيجتها رووعه والأروع لو تستخدمينهم مع بعض ،، وطبعاً الأستمرار مهم

تبدين بالخطوه الأولى و هي تنظيف البشره بالغسول Elizabeth Arden 2-in-1 Cleanser
اللي هو هذا

مميزاته :
غسول و تونر بنفس الوقت ،، وينفع لكل انواع البشره.
ما يجفف البشرة ويحافظ على توازنها الطبيعي.
من اول استخدام تحسين بنعومة بشرتك.
و هو خالي من الزيوت.
نجي للخطوة الثانية و هي التقشير
بأستخدام المنتج : Peel & Reveal Revitallsing Treatment

علاج يخلص البشرة من الجلد الميت و الخلايا القديمه ،، و القشور الناشفه
وبنفس الوقت يعالج الخطوط الدقيقه في البشره "بداية التجاعيد"
بعد غسل الوجه بالغسول السابق و تنشيفه
تستخدمين الفرشاه الموجوده مع المقشر و تمدين منه طبقه على كامل الوجه والعنق ،،
مع تجنب منطقة العيون و الشفاه ..
تتركينه لمدة 20 دقيقه وبعدها تشيلينه peel off
ريحته تجنن و هو سائل ،، يعني حاسبي وانتي تمدينه على الوجه ..
بعد ما تشيلينه امسحي الزائد منه ..
و ابدي بآخر خطوه في العلاج ،، بأستخدام : Elizabeth Arden Daily Moisturizing Cream with SPF 15
وهو كريم مرطب للبشرة مع وقاية من الشمس بنسبة 15
بجذي نكون خلصنا العلاج السهل و السريع ،، باقي اقول لكم يفضل استخدامه مرتين اسبوعياً
اما الغسول و الكريم ممكن تستخدمونهم كل يوم ..
تلقونه مثل ما قلنا في محلات التجميل اللي تبع منتجات Elizabeth Arden
وماقدر افيدكم بالأسعار ،، لأنها تختلف
و على حسب لو تشترين كل منتج بروحه ،، او يكون حظج حلو و تلقين الـ set كامل مع بعض
اختكم // ام خالد