new look

السلام عليكم ورحمة الله وبركاته

هلا خواتي الحبيبات

طبعا مابقى شي واخلص الاربعين

فحبيت اسوي لي شي جديد او مثل مايقولون نيوووو لووووك

وبصراحه ماصدقت عنوني

+++++++++++++++++++++++++++++++++++++++++++++++++++++

اول شي تعالو شوفو وش استخدمت

للجسم
\\\\\\\\\

اخذت علبة فاشكول فاضيه وحطيت فيها تقريبا الربع ملح وقطعت فيها كم حبة ليمون والباقي زيت اللوز وتركته بالحمام ((مكرم السامعين ))
وكل ماجيت اسبح ارج هالعلبه واخذ ليمونه او ثنتين وافرك بهم المناطق السوده وخاصه عقب الحمل المناطق السمره تسووود
ومن ثم ارميهم واول مايخلص الليمون من العلبه اقطع لي ليمن واحط عشان مايخيس الليمون مااكثر منه في العلبه

وكنت بعد ماخذه كريم اسمه locasalen
وهذا المرهم من الصيدليه واصفه لي الدكتور يبيض ويقتل البكتيريا خصوصا في البط
وكنت استخدمه كل ليله قبل ماانام

طبعا كنت كل اسبوع اسوي حمام مغربي في البيت استخدم فيه كريم السنفره كاب والصابونه المغربيه وطبعا الكل عارف كيف عمل الحمام المغربي

ولما اخلص ادهن جسمي بزيت اللوز او البيبي اويل

....................

بالنسبه للجراحه ولاني والده طبيعي كنت اجلس بالماي والملح كل يوم وكنت استخدم المره المطحونه بعد واتدخن كل يوم قبل ماانام بالمره والسويده والشبه والف بطني وانام

بعد ماطاحت الخيوط تميت اتنقع بالشبه عشان تصغر المنطقه وتشد وكذلك كريم اخذته من الصيدليه كاتبته لي الدكتوره يشد هالمنطقه مكان الخياطه

____________________________________________

بالنسبه لوجهي طلعت لي حبوب بالحمل ولما راحت صارت مثل الحرق وتعبتني نفسيا بصراحه

رحت لدكتور جزاه الله الف خير وعطاني هالادويه
تونك هو مسويه اطهر فيه بشرتي

ثم احط على البقع مرهم اسمه سموديرم يعمل كمقشر اخليه ساعتين واشيله وقبل لاانام احط eldoquin 2%
وهذا عباره عن كريم مبيض لكن انا سويت اول شي تنظيف بشره عند جاك ديسانج والبقع كان سوووده صارت ورديه تقريبا وتميت احط هالمراهم

تدرون

اختي يوم شافتني تخرعت

قالت لي هذا سحر والا بودره والا حقيقه

وكنت حاطه بعلبه رشاش ربعها زيت زيتون طبيعي والباقي ماء ورد كل ماحسيت عندي وقت ابخها على وجهي ترتطب البشره

وبصراحه رجعت بشرتي تهبل


(( على فكره سعر هالمراهم ماتتعدى ال30 ريال وطبعا طبيه لو مانفعتج مابتضرج بس انا واثقه انها بتنفعكم ))
___________________________________

رحت الصالون سويت بدي كير ومانيكير وخلو رجلي ويدي نفس البيبيات

____________________________________

صبغت شعري باللون الكستنائي نفس نانسي عجرم

وقصيته قصت الفراوله على شعر طويل شويونه

وصبغت حواجبي بنفس لون شعري

____________________________________

طبعا سويت تريتمنت لشعري

وهو استخدمت فاشكول بالثوم وزيت سيلرم بالصبار ووايد حلو

_______________________________________

رحت للسوق

واخذت لي ملابس داخليه دانتيل وستان وتور وحرير

وقمصان نوم

بيجامات

تنانير قصيره

بديات

واحذيه

عبايات

شنط

اكسسوارات

ومكياج

________________________________________

يوم الرجوع للبيت

اللي ناويه اسويه راح اقوله لكم اول ماارجع واتمنى اكون افدتكم ولو بشي بسيط