اللي تقدر تساعدني.. دخيلكم لا تبخلون بالردود .. (طلبتكم)

السلام عليكم ورحمة الله وبركاته

كيفكم يا بنات و حريم المنتدى،إن شاء الله الكل بخير.

ببدا ف الموضوع على طول، حالتي هالأيام متقلبه وايد قلقة خصوصا بعد ماشفت نتيجة اخر اختبار دم سويته ف المستشفى، الله يسلمكم انا حامل في الشهر الخامس و سويت تحليل الجلوكوز لكشف مستوى السكر ف الدم، المهم سويت التحليل ما كنت ماكله شي قبل التحليل بساعة بعدين شربت الجلوكوز و انتظرت ساعة و بعدين سويت التحليل، المهم اليوم الثاني يتصلون لي من المستشفى تقولي عندك موعد بتاريخ 5 /12/ 2005 راح نعمل لك تحليل دم شامل لأنه نسبة السكر في دمك طلعت 170 و يمكن يكون عندك سكر حمل....

أنا أدري أنه هالنسبة عالية جدا، وانا ماا احتي نفسي وايد كثر ما احتي البيبي ما أعرف شو أسوي ياجماعة والله أنه حالتي تحزن صرت وايد قلقة و احاتي و افكر و مب شاغل بالي غير هالموضوع، المشكله أبغي أعرف شو من الأكلات اللي لازم أكلها و شو اللي أتجنبها و أنا للأسف وايد أكلات ما أحبها مثل الحليب و منتجاته الأجبان و الزبادي و الزبده بس الحمدلله أشرب اللبن و بعد ما أحب اللحم و الدجاج نادرا ما أكله يعني أكثر شي آكل رز و الرز مب زين للسكر، و بعد آكل المقالي وايد خاصه الشيبس و سندويشات مثل الهمبرجر و غيره بس مب بكثره بعد، وأنا آكل فواكه الحمدلله حتى الحلويات ما آكلها وايد قولوا يعني هه قطعة جوكلت ف الأسبوع مره أو مرتين بعد الواحد لازم يبغي ياكل شي حلو،، وبالنسبة لوزني قبل الحمل كان تقريبا 63 و ف أول 3 شهور تقريبا ما زاد بس الحينة تقريبا مع بداية الخامس وصل 66 يعني زايد و طولي 157 يمكن شويه دبدوبه بالنسبة للطول و أنا إن شاء الله و ربي يتمم كل شي على خير و و يعافيني و يعافي كل مسلم بدش الأسبوع السادس في 6 /12/ 2005..

والله ما اعرف شو اسوي أطلبكم تساعدوني إذا وحده مرت بمثل هالحالة و اتعرف أحد بمثل حالتي.. دخيليييييييييكم انصحوني مااااااااااعر ف شو أسوي والا كيف اتحكم ف هالسكر و شو اكل ..

أتمنى الرد منكم

اختكم روح سواف.....