ساعدوني بلييييز

انا بعد بجد خاطري اتعلم :(

مرحباااااااا

هذا المكياج هو مكياج الخبير اللبناني بسام فتوح , وانا متعلمه هذا المكياج منه شخصيااااا

فراح احاول اساعدك واكتب خطوات المكياج واتمنى انكم تستفيدون.

اولا : يوضع كونسيلر ماك السائل على محيط العينين.

ثانيا: بالنسبه لاليسا هو يستخدم كريم الاساس السائل من جيرلان من مجموعه ديفنورا , وبعد توزيع كريم الاساس السائل بشكل جيد, يضع البودره السائبه (من اي ماركه) وبعدين يبتدي في العين

ثالثا: يوضع على كامل الجفن المتحرك قلم كحل اسود , وبعدين يوزع بفرشاه عريضه من ماك(نسيت رقمها بس بشوفه وبقولك انشاء الله),بعد ما يوزع قلم الحكل على الجفن يضع عليه لون بني غامق, وبعدين بفرشاة ثانية يضع لون بني افتح ثم افتح(يعني هنا تحتاجين ل3 درجات من البني غامق افتح افتح جدا).
يضع على عظمه الحاجب لون فاتح (بيج او ابيض)من غير لمعه, ثم يضع لون بيج فاتح بلمعه, تقدرين تستخدمين ظل نايلون من ماك.

الحين نروح للجفن السفلي من العين: طبعا تحطين قلم كحل اسود من داخل وترجعين ترسمين بالقلم على حدود العين (نفس الصوره)وبعدين تجيبين فرشاه دقيقه فيها ظل بني (الدرجه الفاتحه الاولى يعني مو اللي فاتحه مرره) وتحطينه فوق الحكل اللي رسمتيه وتسيحينه شوي .
وبعدين تحطين الماسكرا.

بعد ما يخلص من العين يرجع للبشره ويضع كريم اساس مضغوط من غير ماي مثل ماك وترجعين تنظفين تحت العين بكريم الاساس البودره(يفضل درجه افتح من درجه كريم الاساس اللي يستخدم للوجه)

اتمنى اني اكون ساعدتك بس ارقام الفراشي مو حافظتهم بس اذا احتجتي مساعده في فرشاة معينه ارسليلي على الخاص

نسيت اقولك عن الروج:pain:

هو في اغلب مكياجاته بالنسبه لهيفا وهبي واليسا ما يستخدم لهم ارواج بل يستخدم محددات فقط, وفعلا لاحظي عليهم ما كانهم حاطين ارواج ولما سالته قالي استخدم محدد اسمه سبايسي من ماك هذا اذا يبغي يخلي اللوك ماات بس اذا يبغي يخليه غلوسسسي يحط عليه شويه غلوس شفاف او بيج من اي ماركه

طريقه حلوه ..

بس اللي يقهرني ان اليسا مول ما تغير هالميكاب يعني دايما سموكي

الحمد لله يا رب اني خبيرة بالمكياج واموووووت فيه..تعرفين بالنسبة لي هالمكياج عادي مو صعب...بس صديقتنا علمتج كيف تسوينه...المشكلة ان انا صعب اشرح بالكلام

فعلا اختي الجميله المكياج هذا سهل مو صعب(للوهله الاولى) والكل قام يقلد ويسوي نفسه

بس تكمن صعوبه هذا المكياج في نظافته ودقته في الرسم يعني مو كل اللي يسوون السمووكي ميك اب يفهمون فيه.

احنا عندنا معتقد ان المكياج الصارخ واللي فيه رسم كثير وفنتازي ويحتوي الوان كثير هو الصعب لكن العكس هو الصحيح لان المكياج الصارخ مجموعه الوان متضاربه ومدموجه مع بعض لكن المكياج الكلاسك او الناعم هو الاصعب لان اي غلطه فيه ولو صغيره تبان, وانا من وجهه نظري ان هذا المكياج اللي الواحد ما يمل منه لانه مو موضه تجي وتروح ولان الوانه ترابيه وناعمه على لون البشره وتظهر الجمال الطبيعي , يعني الواحد لما يقارن بين اللي يحطون الوان على عيونهم وارواج غامقه وملونه وبين هذا الميك اب يحس ان هذا الميك اب الوجه يطلع فيه نظيف والوحده تكون هي جميله مو الميك اب المحليها, بصراحه ما الوم الجاجيل اللي يقولون لنسوانهم لا تحطون ميك اب لان النسوان عطوا فكره خاطئه عن الميك اب صار مثل القناع على الوجه,بس لو كل وحده تعتمد هذي الطريقه في الميك اب صدقوني زوجها ماراح يقولها لا تحطين ميك اب:shy:

مشكورين حبايبي على مروركوم الكريم



واشكرج اختي ريميا على شرحج والله إوفقج


بس ممكن لوسمحتي تعطيني رقم الفراشي الي قلتيلي عنهم من ماك اذا ماعليج امر حبيبتي

شكرا جزيلا لك remeia.....شرحك ممتاز و واضح.....
و شكرا على الاشياء الي قلتيلنا عليها مثل المحدد spice....لانه بجد احلى محدد عندي ...و استخدمه لكل الوان الروج تقريبا..........



الجميله78....
شكلك ما شاء الله فنانه....خلينا نستفيد من خبرتك..............

غاليتي مطلع الشمس،،،

أتمنى انك استفدتي من الاخوات اللي ردو عليك ،، واذا تبين اي شي انا في الخدمه،،، دخلت اساعدك لقيت البنات مب مقصرين ربي يعينهم ويعطيهم الف عافيه


سفيرة فوق العاده

مشكورة حبيبتي على مرورج والله البنات ماقصروه معاي وانا الحين يالسة اجرب خطوه خطوه بس مثل مايقول المثل زيادة الخير خيرين