اموت فية بس هو جامد وقاسي

حبيبتي تعوذي من الشيطان عااادي هالشي والله بعد الزواااج بيتغير صدقيني انا اعرف ريايل وايد جذيه وبعدين ماشالله ولا احلا 0

بس عليج انج لا تحنين عليه علاشان مايطفش منج وعليج بالدعاء والصلاة والله كريم 0

دعواتج اختي 0


الكاسكو

مشكورين على الردود..انا استخرت فيه ..واقول لكم شي غريب صار لي امس كنت تعبانه وتصدقون امس اول مره حسيت انه خايف علي ..حسيت ان قلبه لان شوي..ولا ابشركم امس رجع البيت واتصل عشان يكلمني ..صج ما قال كلام حلو بس حاول يسولف معاي شوي..احس ان قلبي برد شوي..والله مشكورين على دعواتكم..وجزاكم الله الف خير..ويا رب الله يفرج هم كل وحده فيكم مثل ما فرجتو همي..

عسى يهنيج ويهديه ويثبته يارب وما اوصيج عليج بالهون وياه عشان لايمل تدرين ليش لانج حواء لازم تتحملين كل شي واهو يطلع منها باردة مبردة:smile::smile::smile::smile:

فديتج منال والله ما ادري اشفيه تغير اليوم كلمني قالي كلام حلوه من زمان ما تدلعت جذي ..وتصدقين والله عيوني دمعت..وكاني اول مره اقعد معاه ..الله يهديه انشالله..وانشالله الله يجزيج خير يالطيبه انتي وكل البنات عشان دعيتو لي..

قللي من المعاتبه وقللي من كلمات ليش ماتتصل ليش ماتسال وليش وليش

قللي منها قدر الامكان

واذا عن الاتصال قللي

وخاصة قبل العرس

واذا تبين راي احسن عنااا

ممكن اطرشين حق الدكتوره فوزيه الدريع على قناة الرأي

مبروووووك فجر الف مبروووك شفتي شلون ف ريايل مايطلعون الا حزة الحزة و ماعلييج .. انشالله عقب الزواح بيتغير اكثر عليج انتي يا قمر و شلون تخلين قلبه عليج
خلاص عرفنه شنو اول شي يخليه يحاتيج .. كله سوي عمرج مريضه خخخخخخخخخخ اتغشمر ... الله يوفكم يارب و يسعدكم .. و يلا ابتسمي و تجهزي لعرسج و بالمبارك يل غلا

دلوعه ..فديتج والله حله تغير هاليومين مع اني ما سويت شي يمكن من دعواتكم لي..الله يجزيكم خير انشالله في الدنيا والاخرة

دلوعه الله يبارك فيج ..فديتج والله حاله تغير هاليومين مع اني ما سويت شي يمكن من دعواتكم لي..الله يجزيكم خير انشالله في الدنيا والاخرة

فجر قطر الف مبروك والله يتمم عليج بس ما اوصيج لا تكثرين مكالمات معاه خليه اهو يدورج مو انتي !! حتى لو يومين او ثلاث ميخالف خليك بعيدة عنه لما اهو يتصل عليج عشان تصيرين العزيزة الغالية وانشاء الله انتي العزيزة الغالية طول العمر يارب.......

الله يعينج ويصبرج

[B][align=right]أختي العزيزة فجر قطر أنا اتمنى أن يسهل الله الأمور بينك وبين خطيبك والله يهديه ولكن ارغب ان أقول لكي أنه مازالت امامك فرصة جيدة لإستيضاح الأمور بصورة افضل فأمامك ثلاث شهور.. عزيزتي قبل كل شيء هناك بعض الأمور قمتي من خلالها بصورة غير مباشرة بتشجيعه على التمادي في أسلوبه في التعامل معك منها أنك لا تبخلين عليه بالمال وتريدنه أن يستانس ولكن هذا على حساب نفسك صدقيني فأنت بهذا الأسلوب ستعوديه على هذا الموضوع وفجأة بدلا من أن تعرضي عليه أنت المال سيطلب هو منك وبالأمر فنصيحتي في ما يخص هذه النقطة كوني كريمة حسسيه بذلك ولكن لا تسرفي في عرضك حتى لا يتعود.. المساله الأخرى أنت تقولي انه يعتبر الإنفصال غير وارد لأنك إبنة عمه أي أنه لا يكن لكي الحب أو لا يبادلك نفس الدرجة من المشاعر كما أنه يقضي الوقت أكثره بعيد عنك ويجعلكي تحزنين وتبكين .. أختي أنا أشعر بأنك تحبينه كثيرا وهو يعلم بذلك وهناك بعض الرجال في الظاهر يكونون قساة القلوب و خصوصا عندما يعلمون مقدار معزتهم عند الطرف الثاني ولكن قد تتمكنين من ملك قلبه ومشاعره بالكلمة الطيبة والصبر وخصوصا انه أظهر قلقه وإهتمامه عندما تعبتي فهذه نقطه لصالحه فأمامك ثلاث اشهر حاولي فيها إصلاح الأمور ولكن إن لم تجدي فائدة فهنا يجب أن تقفي وقفة صراحة مع نفسك وضعي المشاعر جانبا وإعقلي الأمور وحددي مزاياه وعيوبه ولا تجعلي مرآة الحب تعميكي وأنا من رأي أن تخبري والدتك أو أحد المقربين لكي عن الوضع بالكامل فلا بد أن تجدي النصيحة من شخص ناضج وله خبرة أكثر منك بالأمور وايضا لا تنسي أن تستخيري الله وعسى أن ينور الله طريقك ويسهل أمرك لما له صالح لك... والله الموفق[/B]:shy:

مشكورين يا بنات والله استفدت من الردود وصج بديت انفذها

ما اقدر اقول لج الا

الله يســـــــــــعدج يافجر ويتمم لــج على خيـــر ان شاء الله

والله يسخر لج زوجج وحنن قلبه على قلبج

أختــــج الدانـــه

الله يصبرج على زوجك,ويكتبه في ميزان حسناتج امين

الله يوفقج