ساعدوني الله يوفقكم

انا عضوة جديدة واتمنى المساعدة من اخواتي الكريمات
مشكلتي بدت يوم تخرجت من الطب وبانو الناس اللي حوالي على حقيقتهم
يومها للكل كان يبارك الا اقاربي(كانو على خلاف مع اهلي من20سنة ومعظمها مشاكل تافهة سببها الغيرة)والله العظيم تموا يطالعون فيني من فوق لتحت باحتقاروراحوا وقالوا باستهزاءشاتنفع الشهادة من غير زواج والله قابلتهم بابتسامة ورحت , وصاروا كل ملشافنوا بمناسبة يتهربو انهم يسلموا علي بس انا اروح واسلم عليهم وأدي واجبي ,وكل ماجوا بيتنا يقولون اخبار الناس واللي تزوج واللي انخطب ويتعمدون يقولون هاكلمة قدامي راح الزين ومابقى الا الشين ماتطول الوحدة في بيت اهلها الا فيها عيب
كل مرة يزورونا يقولون هالكلمة ويناظروني . ويقولون غريبة ماانخطبت لاالحين.
كل هذا وماهتميت لانا اصلا مؤمنة ان الزواج قسمة ونصيب وانا والحمدالله ماناقصني شي لا من ناحية الشكل او الدين ,صحيح عمري 24 بس في اكبر مني ماتزوجوا شي طبيعي واصلا ربي قدر لي ان مايتقدمي احد ,لكن للي ما توقعته ان امي تتاثر بها الكلام لدرجة من كتر ماهي زعلانة عشاني صارت تعايرني وتنادني بالعانس كل مازعلت مني حتى قدام اخواني وتقول حتى الشحاد مايرضى فيك ,قدام ااخواني ,حتى اهمابدوا يعايروني كأن الامر بيدي سويت نفسي مو مهتمة وانا اتقطع من داخلي اقاربي يتشمتون فيني واهلي يعايروني بس ادخل غرفتي انهار وابكي بحرقة, حتى مارحت اقدم على وظيفة من كثر ما اتعبت نفسيتي لاواللي زاد الطين بلة التخصص اللي كنت احلم في راح للي عندهم واسطة
وانا متفوقة معدلي عالي ناقشت الدكتور قال لي في وجهي عندك واسطة تعالي ما عندك احنا اسفين قدمت على بعثة اقبلوني بسرعة بس اهلي طبعا رفضوا وقالت لي امي انتي لو فيك خير كان اعرستي ورحت مع رجلك برة ودرستي ,تخاطبني كأن الامر بيدي.وانا الحين فحالة اكتئاب شديدة والدمع مايفارقني
انا محتاجة من جد حد يواسني وينصحني