ابي منكم تساعدوني........ قبل ما اطلب الطلاق

السلام عليكم و رحمة الله و بركاته

أختي البارونة...

هذه المواضيع ما تتعالج بعصبية و قرارات سريعة...

الطلاق مش شيء سهل...

الخيانة صارت منتشرة بشدة هذه الأيام...و مش معقول كل الزوجات تطلب الطلاق وقتها...

شوفي المواضيع على الركن...و شوفي كيف كتير من العضوات يعانوا من أزواجهم...و مع ذلك صابرين و محتملين...

و شوفي قصص العضوات اللي إنتصروا في النهاية...و رجعوا أزواجهم لهم...و رجعت حياتهم هادئة بعد عاصفة الخيانة...

الله يثبتك أختي...

كلميها شو تكلميها صارخي عليها وخليها تتادب ولا تخبي اهلاها عليها اذا كان عندها اهل ولو تقدي توصلي لاهلها قبل ما تكلميها يكون احسن روحي للاتصالات وطلعي اسمها بالكامل وسالى عن عنوان اهلاها وروحي لهم او تتصلي بهم احسن وخبيهم يا انهم يادبو بنتهم عن ريلك او ترفعين قضية عليها لسب ملك الغير وازعاجك وازعاج ريلك في انصاص الليالي وشوفى شو القانةن معكم

حبيبتي أنا مريت بهالموقف و اتخذت القرار الخطأ وطلبت الطلاق وللأسف تطلقت... كنت أظن اني يوم بتطلق جمالي و أدبي بيساعدوني اني ارتبط مره ثانيه بس للأسف.... ما ظلمت بهالقرار إلا ولدي الي استوت حياته مشتته بيني وبين أبوه....
أنصحج نصيحه لوجه الله لا تتهورين وتطلبين الطلاق اصبري يا أختي وصدقيني الريال مهما لف ودار مرده لبيته وأهله....

طلاق لا والف لا 00 ادري انج مقهورة ومتضايقه واحنا بعد وياااج انقهرنا واتضايقنا 00 بس ليش تعطينها فرصه تاخذ زوجج منج لا تطلبين الطلاااااق ابدا 00 وحدة من عايلتي كبيرة بالسن شنو تقول عن الزوج 00 تقول اهو مثل الصقر يحوم يحوم ويرجع لصقااارة
هذي نزوة عند زوجج بس بشطارتج ما تخلينها تطول 00 سوي نفسج ما تدرين وانج واثقه فيه بس اتددلي واتكشخي جدامه على طول
وبالنسبه للمرقد ترى ما فيها شيء لا سالتيه علااامك
وسوي لج جم من ليله رومانسيه والا احجزي لج وياااه عمره وقربيه من الله داايم خليه يحط الله بين عيونه 00 وعليج بالدعاااء دايم الله يسخره لج ويرجعه لج مثل ماكان واحسن والله لايوفق كل وحده تخرب بين زوج وزوجته
بس امااانه عليج لا تطلبين الطلاق

cis:
كلميها شو تكلميها صارخي عليها وخليها تتادب ولا تخبي اهلاها عليها اذا كان عندها اهل ولو تقدي توصلي لاهلها قبل ما تكلميها يكون احسن روحي للاتصالات وطلعي اسمها بالكامل وسالى عن عنوان اهلاها وروحي لهم او تتصلي بهم احسن وخبيهم يا انهم يادبو بنتهم عن ريلك او ترفعين قضية عليها لسب ملك الغير وازعاجك وازعاج ريلك في انصاص الليالي وشوفى شو القانةن معكم

انا اقولج مثل ما قالت الاخت باضبط
بهدليـــــــــــــــــها
شرشحيهــــــــــــــــا
افظحيهـــــــــــــــــــــــا
ادعي ادعي ادعي
علييييييييييييييييج بالدعاااااااااااااااااء

قلبي وياج فديت عمرج اللله يعينج و يهون عليج

الله يعينج اختي ,,, بس لاتفكرين في الطلاق كلش وصدقني اذا ريلج يسوي شي من وراج ربي راح يكشفه في يوم من

الاياااام ,,, عطيه فرررصه وحاولي انج اتقربين منه وخليه يحس بغلطته ويندم على كل اللي سواه ,,,

لان بينكم ولد وحرام يتلته بين امه وابوووه ,,, شوفي انتي اتقولين انه مايطلع الا اذا قلتي له عقب كل يومين اطلعي معاه

عشان اتقربون من بعض ,,,

وانشالله اكوون فدتج ,,,

اختي البارونه

بقولج وجهة نظري
انتي غلطانه وغلطانه لما طلبتي الطلااااق لازم تاخذين الموضوع بلعقل
مب بلقلب ادري فيج انج بتموتين قهر وغيره لكن بعد فكري عدل انتي تحبينه هي دليل من غيرتج عليه وعندج ولد منه بعد لا ضيعين حياتج ومستقبل هالولد عشان وحده ما تسوه بايعه روحها ولاتسمحين لاي وحده تاخذ زوجج منج 00 وانسي سالفه الطلاق0
حبيبتي
لاتكبرين السالفه اكثر البنات صادتهم هالتجارب لكن صبرو
عالجي الموضوع بنفسج لما بيجي يراضيج روحي معاه بروحج خلي الجو رومنسي عندج وصارحيه لاتكونين عصبيه لا خلج هاديه لان العصبيه ما تنفع في هالمواضيع 0
وخلي في بالج هو ليش سوى جذيه يمكن انتي مقصر معاه يمكن محتاج احد يشتكي ليه يمكن ويمكن ويمكن 0000الخ فتحي له المجال يقولج الاسباب 0
وهو ما خذاج الا لنه يحبج يعني لو لف العالم بكبره مرده لج ما يروح لغيرج بس انتي فتحي له قلبج وعطيه من حنانج وطيبتج وخليج رومنسيه معاه وعطيه من الكلام الحلو كل يووم 00

ولما تتصالحين مع زوجج خليه يغير رقمه اذا بترتاحين جذيه بس مو تجبرينه طلبي منه بلدلع وفي الوقت المناسب
واذا اتحسين انج لما تتصلين لهااا بتشوفين حل يعني بتعرفين تقنعينها باسلوبج تتباعد عن زوجج يعني انتي وطريقتج وهي ما نصحج فيها اهم شي زوجج 00
والكلمة TAZ الا خبري فيه هي رسوم متحركه وهذا هو

واتمنى لج ترجعين لزوجج لان الموضوع ما يستاهل الطلاق وفكري عدل 00وطمنينا عليج0
ولاتزعلين مني اذا طولت في الكلام 0

اختي البارونه

انتي الحين على كلامك طلبتي الطلاق وزوجك عرف مطلبك صح ؟؟؟


انا نصيحتي انك توقفي عند هذا الحد لانه كلام وكلمتيه

عتاب وعاتبتيه

والى في قلبك وصارحتيه فيه

وقرار اتخذتيه وهو يعرف بهذا الشئ




فخلاص لا تسوي شئ ثاني الحين خليكي عادي عند اهلك و استني ردت فعله هو والكلام الى راح يقوله

وانا متأكدة انه بيقول انه غلط ولا راح يغلط مره ثانيه وراح يردك

انتي وقتها ارجعي معاه و وافقي على كلامه حتى لو في قرارة نفسك مو مصدقته

بس قولي له انك ما ردتي إلا عشان ولدك اما هو قولي له انا راح اعيش معاك مثل قبل بس من غير مشاعر يعني انسى حبي لك ولا راح يتغير شئ بعدها وانك انت انهيت حياتي بطيشك وعدم السؤوليه


وخليكي جادة في كلامك وعادي عامليه مثل اي زوجه بس مجرده من الاحساس


وصدقيني اختي انا متأكده انه من بعد هذا كله راح هو الى يتودد لكي ويحاول يتقرب منك ويمكن كمان يقضي اكثر وقته في البيت عشان يرجع الشئ الى فقده

وانتي لازم تحاولي تخفي عليه في المعامله شوي شوي يعني ابتسامه ضحكه اي شئ الى ما يرجع مثل ما كان واحسن


بس طلاق لا لا لا لا

والله راح تندمي قد شعر راسك لو صار هذا الشئ


مافي إلا الصبر ولازم تصبري ولا تتسرعي في قراراتك مرة ثانيه


وانا احس انه يحبك ومستحيل يتخلى عنك لانه على طول يبررلك مواقفه ولو ما يحبك كان ما اهتم انه يبررلك اي شئ

بس لانه هو عارف ان الى هو فيه مجرد طيش شباب


وبالاخير ماله غير زوجته وولده


الله ييسر عليكي امورك ويرجعلك زوجك ابو ولدك مثل اول واحسن

دلوعة محمداني:
انا اقولج مثل ما قالت الاخت باضبط
بهدليـــــــــــــــــها
شرشحيهــــــــــــــــا
افظحيهـــــــــــــــــــــــا
ادعي ادعي ادعي
علييييييييييييييييج بالدعاااااااااااااااااء

قلبي وياج فديت عمرج اللله يعينج و يهون عليج

اختي انا كلمتها طلعت مب عربية
جنسية اجنبية

الله ياخذها قولي امين

لا و عطتني اسمها وقالت لي جنسيتها من غير ماتعرف انا من :)

مشكورين كلكم على الردود والمساعده
والله اني حاسة اني راح استفيد من الردود بس اذا رجعت

وكلمة taz طلعوا كل المغازلجيين يحطون اسم رفيجتهم بالموبايل بهذا الاسم
زوج صديقتي يعرف وحدة ومسميها taz بعد بس هذي عربيه مب اجنبيه
يعني اظن taz لها معنى ثاني غير اللي بالكرتون

استخيري قبل كل شي