العنجز

مشمسه الزين

من صجج تبين تمنعينهم ؟؟ اللي بعمر 5 و 7 سنين خليهم يتعادون و يخلصون لأن اذا ما ياهم و اهمه صغار بييهم على كبر و مو زين عليهم خصوصا الصبيان بعد البلوغ .. يقولون خطر عليهم و البنات اله يعينهم اذا اطلعت الحبوب على كبر ما اتروح بسرعه
انا حاشني العقنقز بالجامعه تخيلي !!!!

خليهم يتعادون كلها اسبوعين و انتو مخلصين و مفتكين العمر كله ان شالله

بخصوص السنه و السنتين الصراحه مادري اذا يضرهم ولا لأ بس الكبار مثل ما قلتلج خليهم ياخذون دورهم و يفتكوووون

أي أختي خلهم يتعادون كل ماكانوا صغار أحسن، آنه بعد ودي أن ولدي يصيبه وهو صغير مادري آييبه عندكم ..

بخصوص السنة في تطعيم عنه مايمنع الإصابة بالمرة ، يمكن يصيبهم بس بنسبة خفيفة، عندنا بالبحرين موجود بالعيادات الخاصة، ابرة واحدة 30 دينار بس إذا حبيتي جرعتين الواحدة بـ 20 دينار....

اللي الله يكتبه لهم بيتم ولا تخافين

وخليهم يتعادون وترتاحين والله يطول بعمرك وعمارهم

وهذا شر لابد منه الحين والا بعد حين توكلي على الله وخليهم ياكلون في صحن واحد

ممكن حد يشرحلى هذا المرض اول مره اسمع اسمه

بس حاسه من كلامكم انه الجديرى

المرض هذا أهو جدري الماء ... لكن المشكله إني حامل وخايفه على الجنين مع إني لما كنت صغيره أصبت بهالمرض ..

يعني في خطوره على الجنين إذا انا كنت خلصت من هالمرض؟ ولا الخطوره بس إذا ماكان جايني هالمرض؟