اقتراح بخصوص عمليات البيع والشراء

السلام عليكم ورحمة الله وبركاته ...

أولاً أحب أشكر القائمين على هذا المنتدى على جهودهم الجبارة وفعلاً منتى فيه كل شيء خاص بالمرأة.. يعني ننسى شي اسمه ملل..

وبالنسبة للتسوق الفكرة حلوة جداً وكثير من النساء بيستفيدون من هالشيء. بس اقتراحي هو انه يكون في مع اسم الشخص وملفه الشخصي ممكن الناس يقيمونه ، يعني اذا انا اشتريت شي من عضوة وكانت معاملتي معاها ناجحة والتزمت بالاتفاق اللي بيننا اقدر اقيم العضوة تقييم ايجابي.. واذا لا سمح الله صار شي أو ما التزمت بالاتفاق ممكن اقيمها تقييم سالب.. بهالطريقة اعطي فرصة للاعضاء انهم يشوفون تاريخ العضوة (البائعة) ويعرفون مدى الثقة اللي ممكن نعطيها.

انا شفت هالطريقة في موقع الكتروني اسمها (iOffer) وفعلا مفيد اني اعرف مع منو اتعامل.

شكراً