وضعي الجديد ..اشلون اتصرف

أهلا أخواتي عضوات منتدى عروس...
حبيت أسمع نصايحكم في وضعي الجديد والي أقدر أقول أنه مو مشكلة بقد ما هو وضع جديد يحتاج موازنة...

القصة إني أنا مخطوبة من سنة وشهرين وزواجي الاسبوع الجاي ان شاء الله...متفاهمة مع خطيبي ولله الحمد لآخر درجة وهو ما في أرق منه وأطيب منه في الدنيا كلها بعينوني طبعا:up:

المهم أنه خطيبي مو عايش في بيت أمه قصته غريبة..لأنه ابوه متزوج ثنتين وكل وحده في بيت بروحها..وخطيبي ابن الزوجة الثانية وهي(عمتي) ما تتكلم وما تسمع عيب خلقي وهو أكبر أولادها ,لكنه ترك بيت أمه من عمره سبعة عشر سنه وانتقل الى منزل مرت أبوه وعاش معاها.....بعدين مرت أبوه هجرت البيت وانتقلت لبيت بنتها وصار البيت مهجووووور من الكل ما عدا خطيبي رفض ينتقل الى أي مسكن وعاش لوحده في البيت الى الآن و المدة سنتين تقريبا منذ أن عاش وحيدا..لذلك هو كان يتمنى الزواج من أول شهر خطوبة لشعوره بالوحدة...

خطيبي يعمل للساعة الخامسة عصرا يرجع من الشغل ينام وبعدين يصحى ويمر عند امه ربع ساعة بعدين يجيني...المشكله الحين في أهله دائما يحسون انني بعيده عنهم وما أمرهم الا يوم الخميس ، وأنا أحس انه ظروف خطيبي ما تساعدنا عشان نزورهم لأنه هو يقول لي أنا ما أقدر أروح وأجي أنا أتـعب بعد...

وبصراحة بصراحة أنا ما سمعت خطيبي مرة يقول لي بوديش بيتنا لأمي -ما عدا يوم الخميس- ساعات أقول لنفسي لأنه مو عايش معاهم مو متعود عليهم ومو متعود يوديني ليهم...تصدقون هم يروحون كل مكان وما يقولون لي لأنه هم حسب كلامهم مو حاسين انه عندهم مرت أخو....
وساعات أحس محد يحبني فيهم غير عمتي(أم زوجي) وهذي المشكلة متعبتني واااااجد صدقوني حاولت بكل الطرق اتقرب لهم لكن ماشي نفع خصوصا لأن شخصيتي مختلفة عنهم تماما...أنا أتمنى أصير مثل أختهم أحبهم ويحبوني ونعيش بسعادة ...بس اشلون.

والحين كلهم يترقبون ويش بسوي بعد الزواج...

انصحوني ويش أسوي