ما هي اساليب علاج تكيس المبايض ؟رجاءا ...

اهلين اختى
علاج الدكتورة اللي اروح لها كانت تقولي ان التكيس مابيروح الا بمنشط مثل حبوب الكلوميد وكنت دايم اخذة مع ان السبب اللي جاب التكيس لي تقول الكلوميد يعنى كثرتة مب زينه
لانى كنت اروح اتعالج عندها وتعطيني كلوميد لفترات طويله وبعدين اثرت فيني وريحت شوي بعدين عطتنى الكلوميد مره ثانيه بس انا مااداومت معها.......لاني سمنت من هالحبوب وقلت بغير الدكتووووووووورة والله يعين
ماحبيت اقرا موضوعك واطنشه قلت لازم ارد عليك وياليت اختى ماتخليني من دعائك بالذريه الصالحة
اختك///////////
لين وديم

الله يشفينا كلنا اللي نعاني من هالمرض... انا الدكتورة قالت لي ان العلاج يا انج اتسوين عملية كي وهي عملية بسيطة بالمنظار... او انج تاخذين حبوب الكلوميد وانا للحين مداومة عليها معني نفس الشي متنت منها... بس بشرط ما تاخذينها كل شهر لانها بتأثر عليج... شهر هيه و شهر لا و في دواء ثاني يقوم بتنظيم كمية الانسولين في الجسم لان احنا ياللي فينا التكيس يكون الانسولين وايد عالي في جسمنا فيحرق كل السكر اللي في الجسم لكن ما يطلع من الجسم لذلك يتكون على شكل طبقة دهنية تحت الجلد تسبب السمنة... و قالت لي الدكتورة ان العملية ما احد يسويها الحين لان نتايجها مب ابدية و احيانا تنعس نتايجها و تسبب عقم (بسم اللله عليج) فعشان جذيه اغلب الاطباء يلجلون حق العلاج اللي قلت لج عنه... وانت راجعي دكتورتج و هي بتحدد العلاج اللي يناسبج... و موفقة

انا التكيس طلع لي فجأة بعد الولادة ليش...؟؟؟ لاني متنت واااااااااااااااااايد

وبالتالي تأخرت عندي الدورة

رحت عند الدكتورة قالت لي بالحرف الواحد دام انه بدت تتأخر الدورة عندج 10 ايام يعني الاباضة ضعيفه عندج ودام انها قطعتج وما تتزل الا بأدوية يعني ما في تبويض وان التكيس بدأ عندج

عملت لي تصوير للمبايض وبالفعل ظهر في تكيس

قالت لي ما ابا اتعبج بالادويه والعلاج بيدج ابدي حمية غذائية ونزلي وزنج لين اشوفين الدورة انتظمت عندج

والحمدلله نزلت وزني تقريبا 15 كيلو وانتظمت الدورة

هذي تجربتي مع التكيس

التكيس شي ينخلق معانا وفي ناس يصابون فيه متأخر
انا خبرة في التكيس بديت علاج مشاكل الدورة من المرحلة المتوسطة
بس لين تزوجت وسويت فحوصات لقيت ان سبب مشاكل الدورة عندي اهي التكيس وطبعا التكيس اهو ان البويضات تطلع وماتنضج وتقعد في المبيض وحدة فوق الثانية فوق الثالثة لين تسوي جدار حوالي المبيض ويختلف درجة النكيس من وحدة لي الثانية.
دكتورتي قالت لي في علاجين للتكيس
الأول اذا ماتبين تحملين يعني عادي تأجلين كم شهر وهو: حبوب توقف الدورة عندج وتمنع الحمل والفكرة ان احنا نمنع تكون البويضات ، وبعدين المبيض يحلل البويضات الي داخلة وبجذي ينظف المبيض. هني توقفين العلاج ويكون المبيض مرتاح لأنه فترة ما اشتغل فيكون عنده نشاط والمبيض مافيه ولا بويضة متكيسة .بعدها تكونين مستعدة للحمل اذا الله كتب.

الثاني وهو عكسه تماما اذا تبين تحملين الحين: تاخذين كلوميد وأبر نسيت اسمهم بس اهم كلهم لتنشيط المبيض ليطلع بويضات ومع هذا العلاج تاخذين كلوكوفاج عشان يسمك جدار الرحم وينزل الوزن. هذا العلاج يخلي المبيض يطلع عدد من البويضات وبتطلع كم وحدة منهم كبار صالحين للتلقيح. واذا حصل الحمل يتوقف المبيض من نفسه من انتاج البويضات وبجذي تتطبق نفس الفكرة الي في العلاج الأول تتحلل البويضات الي في المبيض وينظف لأن الحمل كأنه توقف المبيض من انتاج البويضات 9 شهور اذا الله تمم. وقت العلاج ينصح بأخذ البيبي اسبرين وحمض الفوليك هذا للحفاظ على سلامة الحمل اذا صار.


شفتي شلون خبرة سنواااااات في العلاج ، الله كتب لي الحمل بالعلاج الثاني وربي ماكتب له يجي لهالعالم المتعب. انا الحين تعبت من المحاولات وصار عندي حاله يأس وبيني وبينج كرهت السالفه. كرهت طاري الحمل وطاري الأطفال. كرهتهم من كثر ماحبيتهم ، كرهتهم من كثر ما انتظرتهم ، كرهتهم من كثر ما دعيت انه ربي يرزقني اياهم. كرهتهم من كثر ما شفت نظرات الشفقة من عيون الي حوالي واهم كلهم يشوفون حياتي مثل الصحراء لا لها معلم ولا شكل ولا طعم . حياة جافة مادية بحته مافيها روح الطفولة.

انا تعبت من الإنتظار وقررت اوقف المحاولات أقل شي كم سنه جدام ، هذا اذا ما قررت اني نهائيا ما أحاول. صرت اشمئز من فكرة اني يكون عندي طفل يمكن اني تعودت اني المرأة الغير ولود والغير ممدوحة من الرسول. يمكن لأني خلاص تعودت اني اكون عقيم. وتعودت ان رحمي ماله داعي ... وما شغله الا يعطيني الأمل كل شهر وتطلع السالفه انه مجرد تأخير في الدورة.

الحين انا ما ابي شي ... بس ابي امووووت لأن الي مثلي مالها داعي تعيش. مالها لزوم ما في احد محتاج حنانها. ماتت ولا عاشت مايفرق.

أموت الحين والناس حوالي أحسن من اموت عجوزة ماعندي اولاد يشيلوني. ويمكن اني اموت بروحي وما حد يدري عني. لأن كل انسان اكيد مشغول بأمه ولا بأولاده. الا انا.

نفس المعاناة

:cry: :cry: :sad: :cry: :cry:


اللهم لاتذرني فردا وانت خير الوارثين
اللهم لاتذرني فردا وانت خير الوارثين

انا معاكم بعد
تعبت والله تعبت من كل شئ:cry::cry::cry::cry::cry::cry::cry::cry::cry:
احيان كثير ة احس نفسي بدون فاديدة فارغة احس بنظرة الشفقة ونظرة التحقير من الناس ومن اهل زوجي باني لحد الحين ما حملت
وما اقدر أعطى عمري وحياتي الشئ اللي يتمناه كل رجال
اخاف انه يمل مني اذا طولت على هذه الحالة او يتزوج على ... مع انه يحبني موت
من اضارب
بس ايش اقول ( الحمد لله على كل حال)
ان شاء الله ربي ما راح ينساني ويحرمني من هذه النعمة اللي اتمناها من كل كياني ( اضم طفلي بحضني ) يااااااااااااااااااااااااااااااااااااارب لا تحرمني من هذه النعمه يارب هب لي طفل يملأ على حياتي الخاوية وتقر به عيني وتنور به حياتي وحياتي زوجي الغالي
آآآآآآآآآآآآآآآآآآآآآآآآآآآآآآآآآآآآآآآآآمين يا كريم

علاج التكيس بأبر منع الحمل

و الحمل نفسه

انا جاني تكيس مبايض
و ليه سنه موقفه حبوب منع الحمل والى الان ما حملت
رحت للدكتور و قالي عندك تكيس
و الحل
اخذ حبوب منع الحمل لمدة شهر
و اخذت الحبوب شهر و الان ليه شهرين ما حملت
لكن الدورة بعد 10 ايام ان شاء الله ما تجي واكون حامل
انا وزني طبيعي الحمدلله و ماعندي اعراض تانيه للتكيس
لكن قرات في منتدى عالم حواء وحده اخت كاتبه عن علاج للتكيس وهو
عسل اصلي او يفضل عسل سدر اصلي
وتحطيه في المهبل
جيبي الابره حقت الاطفال اللي يشربو فيها الدوا ( يعني ما يكون فيها دبوس بس فتحه )
وعبيها عسل و ضعيها في المهبل
و كمان قبل الجماع

وانا ناويه استعملها بس ما لقيت عسل اصلي الى الان

والله حالة، يا ريت اختي تقرا هالمواضيع لأنها موراضية تخس وتقول الحمال من عند الله، ما تحب تسوي رجيم

هذا الرابط بيفيدك ان شاء الله

من هنا