احس بالوحدة تاكلني! .. ا

هلا و غلا اباختي خاص
اشكرج على مرورج حبوبه .. بس الي ابي اقوله هي مو من النوع الي تقدرين تعبرين او تاخذين بالكلام معاها .. يعني حتى على ايام قبل كنا نطلع بس مانتكلم بصراحة و نصارح بعضنا البعض... يعني علاقة مبنيه على طلعات روحات ييات و سوالف تافها .. و هي من النوع الي ماتعرف الذرابه لووول اقصد يعني ماتعرف شلون تسولف وياج عن مشارعج و شتحسين مو مال احد يفظفظ لها ... ماتعودت في عمري افظفظ لها ولا اقدر لانها مو من النوع .. و هي من النوع اذا اخذت منج موقف خلاص يعني مثلا هي ماحست بلي سوته فيني .. يوم انا بديت بعد ما اكلمها قالت هي ماتكلمني طيب انا بعد مابكلمها يعني ماتكر انا ليش مثلا خاصمتها .. و فرضا تبعت نصيحتك .. وين اشووفها؟ عبالج تقعد بالبيت دخلتها البيت من ثنعش بليل و طالع و المغرب يوم ارجع من الجامعه مالقيها لانها تكون طالعه .. فمانشوف بعض خير شر...

انا اقول الحل اني ابقى جذي معاها .. ادري انها مابتحس ولا بتحس لانها من النوع اذا شافت واحد ماخذ موقف تخليييه ... وانا مابي اعودها انه خلاص متى ماتجرحني اراضيها هي لازم تحس.. ولو اني اشك ابهل شي .. بس من القهر الي فيني مو عارفه اعبر .. اكتشفت بعد من مربيتي انها دوم تروح البر مع ربعي و ربعها (الشله الي كنت اطلع معاها وياها) تصدقون ولا تقولي! يعني شنو بيضرها لو تسلم و تسال شخبارج... صارلي ثلاث تيام مريضة و تشوف حالتي حاله و صوتي رايجح ماقالت حتى ماتشوفين شر .. و رفيجتها مرضت اليوم راحت لها ركيض... شلون تبوني انا استحمل وانا الي اوديلها هجية وانا الي ادوس على نفسي زياده .. و اورح لها شاقولها جرحتيني؟ احس من القهر ودي بس اصيح لين ماتنشف دمووعي .. اكره فكرة اني بس محد يعبرني .. بابا الوحيد الي كان يحسسن انه في حياة في البيت يحسسن بوجودي الحين محد!

أختي دلوعة باباتها

الله يرجع أبوج بالسلامه يارب والله يخليه لج ذخر ان شاء الله

بس حبيت اقول لج شي

من باعج برخيص بيعيه بترااااااااااب

وتصرفات زوجة اخوج مثل تصرفات زوجة أخوي وزياااااده بعد

لكن مخليتها على راحتها ولا لي شغل فيها

ولا تشيلين هم أختي خليها براحتها ومردها بتحس بقيمتج اذا افتقدتج

وراح تحسف على اللي سوته فيج

أختج الدانـــه

تحس بقيمتي؟؟ اشك .. ماعتقد هل نوع من الناس عندها شماعر علشان تحس او تفكر انها ترجع ... اطنش. والله ودي علشان ارتاااح نفسيا من شعووري بالضيق الي ذابحني كل يوم و انا ارد البيت احس بكتئاب...

شلون اطنش و انا اشوفها و عاشيشه معاي بنفس البيت و تقط علي كلام يجرح .. نغزات و حركات تقلل من قيمتي ... تطنشني انا وقت الي تسلم و تروح و تودر على الكل تسلم عليهم تشوفني اصبح جدامها ماتكلف على نفسها تسلني شفيج مضايقة او تاخر شوي من طلعاتها .. والله يا بــــــــنـــــــــــــات تعبت!! احس على قد مابقولكم محد بيحس.. محدي بيفهم ... كل الي بتقولونه طنشي .. احاول والله احاول لكن ماقدر تستزفني ساعات بس ودي اجرحها ارد عليها اسلةب الاستفزا الي تلعبه معاي بس ماقدر .. ماعرف .. في نفس الوقت مــــــــــضـــــــــــــا يـــــــــــــــــــــــــــــــــــــــــــــــــــــــقــــــــــــــــــــــــــــــــــــــــــه

:cry:

تصدقين انتي مو اول وحده يصير معاها هالموقف..

بخبرج سالفة صارت لصديقة لي.. تقول كانت لها صديقة عزيزة على قلبها..
وكأنهم خوات.. وطلبت منها انها توافق على الزواج من اخوها عشان يكونون مع بعض 24 ساعه
وراحت البنت ورشحت صديقتها للأهل.. وتزوجوا وصارت مرت اخوها..

من اول اسبوع تقريبا تغيرت عليها. صارت تحس انه مرت اخوها مب الاولية

وصارت الغيرة مابينهم.. وبعدين مرت اخووج يمكن كانت تتقرب بس عشان تتزوج اخوج.. ولما نالت الغرض.. طنشت الصداقة او بالاحرى
ماقدرت صداقتكم..

ويمكن طبعكم انتي وهي قبل الزواج كان نفس الشي وبعد الزواج البنت تغيرت فماحبت انها تصارحك.. وقامت تبتعد
يعني كنتوا فرفوشين لانكم بنات.. وبحكم انها زوجه صارت اعقل.. يمكن؟؟

وبخصوص طلعاتها انتي ابد لاتتدخلين وتصيرين حماة شريه.. هههههههههه نفس باقي الحموات
هذا امر يخص اخووج ومرته بس..

وصدقيني لو نسيتيها......... وعديتها وحده من البيت حالها من حال اي شخص آخر..
بيقل وجع الراس عندج.. وبتحسين الامر تافه

الله يعينج ويفرج همج

السلام عليكم ..

خواطر اشكرج على مرورج حبيبتي .. لا مرت اخوي من من هل نوع بس هي شوي جافه يعني ... من نوع نفسي نفسي .. همها نفسها بس .. ماتحس اذا تجرح الناس ولا لا و قبل كنا نطلع وايد ... لانها ماكانت تسكن معانه و ماكنت اعرفانه نوعها جاف بس حق طلعات جاهزه..

بس الحمدلله انا الحين تغلبت على الموضوع .. و صارت نفسيتي احسن ... و بديت اصير عادي و اسلم عليها .. علاقتنا ليحين سطحية بس الحمدلله احسن عن قبل ... و مردها بتعقل انشالله

و انا ماكنت اتدخل بس كنت ابي ابين للخوات شلون هي ماتحس الا ابنفسها و بس لكن كل واحد في النهاية له عيوووب و محد كامل و احمد ربي على كلشي... هي احسن عن غيرها اب الف ...

و اما عن قصة صديقتج الله يعينها والله كريه هل شعور و انج تحسين شخص عزيز عليج تغير !!!! بس الله يصلح بينهم انشالله مافي شي يسوه ...

اشكرج مره ثانيه حبيبتي ماقصرتي و صج الموضوع شوي تافه بس يبيه صبر لوول يقهر شوي بس يلا محد يخله من المشاكل

لليان الحلوة .. اشكرح على مرورج حبيبتي و على هل دعوة الحلوة .. ماصرتي حبيبتي ... و الحمدلله على كل حال

والله مادري شقول يمكن البنت عندها ظروف مضايقتها
او احد متكلم على لسانك عندها اجلسي معها وكلميها شوفي الاسباب
والله يفرج ضيقتك ان شالله

اذا هي ما تستاهل لا تديرين لها بال
و صادقي امج مثل ما انا سويت لما تزوجوا كل خواتي و صرت معاها صديقه
اخواني كل واحد في وادي و ابوي مشغول و صرنا انا و هيه و الشغاله صديقات نسولف و نتجول مع بعض و نجرب طبخات ... و و و

و الحمد لله

الله يعينج

طنشييييها وطلعي ويه رفيجاتج اهيه اصلا بتموت قهر لانج مب معبرتها حاولي تشغلين نفسج باي شي , صييري مثلي يحليلي مافتكر في شي احب الوناسه وماحب اضايق نفسي لو شنو كان السبب واهل زوجي يموتون فيني لاني احب اونس نفسي شوفي مافي شي بالدنيا يسوى عشان الواحد يضايق نفسه عشانه شوفي اللي بيعاملج زين عامليه اما اللي بيسوي لج حركات طنشيه:smile:<<<<<<<<<<<يحليلي اعرف انصح بعد

انصحك بقراءة كناب لا تحزن واسعد امرءاة في العالم للدكتور عايض القرني واهم من هذا الرجوع لله فهو اللي يأنس وحشتك ووحدتك والاستغفار والذكر لان الله تعالى يقول (ومن اعرض عن ذكري فان له معيشة ضنكا ) والضنك هو الضيق

خيتوو قصتك احزنتني جد لني اعيش بوحده رغم الي حوالي
لكن براي مرات اخوك حتى لو حبتيها طنشيهاا فتره معينه
يمكن تتغير وقلبي معاااك

يمكن غيره منج لانج اخت زوجها الوحيده ولا لان اخوج وايد يحبج هي عندها غيره مو عارفه سببها ومو عارفه تتصرف

احن مالنا خص في تصرفاتها بس يمكن حست انج اتكوكين اخوج ولا امج عليها وعلى تصرفاتها ولا يمكن هي متعوده ع الحريه الي انتي مستغربه ومستنكتنها وهالشي مضايقها منج

الله اعلم بس قولي

(اللهم ملكني قلب من احوجتني اليه )

دلوعة بابتها000
حبيبتي قطعتيلنا قلوبنا استهدي بالرحمن ،،
تعرفين؟؟
انا بعد عندي نفس احسااااسك .. وحدة قاااتلة.. مع اني شاغلة وقتي 24 ساعه..لكن عالفاضي !!
طولي بالك حبيبتي .. مصيرها ربك يفرجها في الاخير ..
انا فاهمة احساسك والله.. مجربتنه.. ومرة اخوك هذي من النوع اللي ما يحس بأحزان بنيآدمين... موب طناش منها لأ ..
لكن طبع وما في فايدة يتعدل ...
مثل ما قالولك الاخوات... اللي باعك بيعيه .. وبكرة بيذكرك لما ايامه تبيعه ...
واعتبريني اختك و والدتك اهي والدتي.. ولو بيوم حسيتي بوحدة .. دشي المنتدى عطوول واحنا موجودين لنسمعك ;)
ديري بالك على نفسك دلوعة ،،، ويااااارب يردلك ابوك بألف سلامه
أختك رقة بنفسـج :)

كيفك يا دلوعتنا الحين...
تعرفي ان ما حد يقدر يفهم وحدتك غير اللي عايش فيها؟؟
الظاهر ان التواصل مع والدتك صعب لانها دايم بالغرفه بس فكرك انها ما داريه باللي يصير فيبيتها ؟؟ ما اظني حبيبتي الامهات هم اكثر ناس فاهمين وعارفين باللي يصير واكيد انها بس صابره لين والدك الله يسملكم اياه يرجع
وانتي بعد ممكن تتكلمين مع والدك بالتلفون اذا امكن واشرحيله اللي تحسيه على فكره انااشوف ان الصراحه معاهم لازمه لانه ما حد دخل عقلك وقلبك وحس اللي انت تحسيه وعرف افكارك فصارحيهم بشعورك..
وانا اسفه اني اخالف البنات في رايهم ان زوجة اخوك حره...
هي في بيت في ناس والبيت هذا له قوانين وعادات ولازم تحترمها و تعامل اهل البيت بالحسنى لانها صارت بنت البيت والله مو ضيفه فيه!!! يعني اذا تريد تطلع ممكن تروح وين ما تريد وانت في الدوام لكن بعد كذا تجلس مع اهل البيت!!
وبعدين اخوك ما يكون في البيت بالليل؟؟؟
هذا راي مع احترامي لكل الاراء السابقه..

الله يعينـك .. كثير من نوع زوجـة اخوكـ .. المهم لاتضايقين نفسك وبعدين وينك تعاليىىىىىى قوليلنآ شخباركم الحيـن ...؟

هلا بخواتي الحلوات و يا احلى اخواات في المتدى!!!

مشكوووووووووووووورين والله اشكر كل وحده فيكم اهتمت لموضوعي وواستني!!! صج انه ماعندي خووات لكن الله عوضي فيكم .. قلوبكم الطيبه و نصايحكم الحلوة تسوه الدنيا و مافيها اشكركم مره ثانية و ثالثه و رابعه!!


والله يا خواااتي ابشركم الحمدلله الامور تحسنت شوي.. بدت علاقتي انا وياها تتحسن ... مو نفس قبل اكيد بس يعني بديت اسولف معاها شوي و تسولف ويايا و سويت حفله في البيت و حضرت .. حسيتها تهمتم ... بس مثل ماقلتوا اخواتي هذا طبع و مانقدر نغيره .. هي طبعها جاف ... و هذا عيبها وانا بعد لي عيووب و محد كامل لكن في النهاية هي احسن من غيرها .. و الله يهدي الجميع


ابوي انشالله بيي عقب باجر و نفسيتي تحسن اخواتي واايد ...


بس في شي مضايقني .. ووحده من الاخوات ذكرته ... البعد من الله .. خواتي انا بتعدت عن الله وايد .. فترة الي كنت مضايقه فضلت احبس عمري و ابعد نفسي عن ذكر الله .. و صار فيني ضيق ماتتصورونه .. مره بغيت حتى اتمنى امووت دوم اصيح من سبب و من غير سبب اتصل في ابوي ... بس اسمع صوتي احس بصيح بس مو راضيه اقولها علي في قلبي علشان ما اكدره معاي كفايه الغربه الي عايش فيها .. ظليت شايه همي بروحي .. محاربه كل الناس حتى نفسي .. ظليت اعاند في نفسي ... و كرهت نفسي دشيت حالى اكتآب ماتتصورونها ... ليوم ... بطني وايد عورني و قعدت اصرخ فليل بصورة مو طبيعية كل اهل البت قاموا و يات امي و تميت احضنها و اصيح حسيت عمري بموووت خلاص ... و هذي بتكون آخر نظرة لي حق امي ... بس اصيح... جنه محد لي في الدنيا غير امي .. محد يحبني غيرها ... و امي تمسح على راسي و تقره علي مافي فايده ..

ودوني المستشفى ... و اكتشفت اني اعاني من تضخم في المبايض .. و في امل مايب عيال ... و اكتأبت اكثر كرهتت نفسي و لي حاوليي ... صرت حتى بنات خالتي ماطيق اكلمهم ليش اشوف معاملو مرت اخوي اوكي وياهم و تحب تيلس معاهم و انا لا .. و هم نفس الشي يسولفون وياها و ماراعون شعوري .. حسيت عمري ضايعه تايها محد خاسس فيني ولا يهتم فيني .. و ظليت كامتمه هل مرض عن بنات خالتي و خاصمتهم وانا مادري ليش قاعده اسوي جذي ؟؟

اعذب نفسي و لا اعذب الي حواليني ..ز حاولو يتقربون مني و انا ابتعد ليوم ... قريت موضوع لاحدى الاخوات اهني بالمنتدى عن حوار بين الشيطان و الفتاة اقرووه في قسم السوالف .. ولله يا بنات حسيت انه البنت هذي انا!! و الشيطان قاص عليها .. و اصيح بسرعه رحت صليت و تقربت لربي مره ثانيه ...

و الحين مرتااحه الحمدلله .. مافي شي اكرد نفسي ليه . و اذا عن المرض انا راضيه اب بلاء ربي... لانه يحبني اختارني ... علشان يخفف من ذنوبي .. و عسى ان تكرهوا شي و هو خير لكم .. اهم شي نفسيه الواحد و ابشركم نفسيتي احسن الحمدلله بس ادعولي الله يشفيني و يهديني و ماترك صلاتي ولا ابتعد عن ربي من اليوم... لانه جربت .. و بغيت اموت .. و الواحد من غير ديانه مايسوه

طولت عليكم بس كان في خاطري افظفظ احبكم

حبيبتي دلوعة باباتها منتي حاسة انج حساسة زيادة عن اللزوم يعني كل شي تحسبين له حساب زوجة اخوج بنات خالتج ابوج متغرب المرض اللي فيج


ترى أغلب الامراض تيي من الحالة النفسية والتفكير ديري بالج على نفسج قبل لاتراعين شعور الغير راعي صحتج بالاول بعدين شوفي موضوع زوجة


اخوج تبين نصيحتي خليها تولي خليها بحالها جنج ما تشوفينها بينج وبينها السلام احسن من ان العلاقة تكبر وتصير مشكلة وبعدين لانج تلاحظين


زوجة اخوج وعلاقتها في بنات خالتج وخير يا طير سولفت وياهم او تكلمت وين المشكلة يمكن عشان انتي حساسة زيادة عن اللزوم قاعدة تفكرين


بهالطريقة الله بلاج في هالمرض مو عشان تزعلين ليش من بد البشر الله بلاني لالالالالالالالالالا عشان يشغلج فيه بس مو عشان تفكرين بفلانة


وعلانة ديري بالج على صحتج وعليج بالدعاء وقراءة القرآن والله يشافيج ويرزقج بولد الحلال يااااااااااااااااااااااااااااااااااااااااااااارب.................

هلا اختي
تقربي لربج وانا بعد انصحج بقراءة كتاب لاتحزن واسعد امراه في العالم لعايض القرني
وطمنينا عن اخبارج الحين؟