المعدل الطبيعي للهيموجلوبين ؟طمنوني الله يوفقكم

السلام عليكم ورحمة الله وبركاته

يمكن كثير منكم ما يعرفوني لني داخلة عرض بالمنتدى وما صار لي يوم من شاركت وياكم بس انا اعرفكم من زمااان ومتابعة مواضيعكم اول باول عادا تمنى تردون على سؤالي وما تخيبون ظني فيكم

انا حامل في الشهر السادس واليوم رحت الطبيبة وقالت ويااي فقر دم شديد ونسبة الهيموجلوبين 8 وهي في بداية حملي كانت 11 مع اني ما فيني تكسرولا نزيف ولا شي حتى الطبيبة استغربت تقول نزول دم مفاجئ ونقص الحديد ما يسوي كذا وقالت لي ان فقر الدم هو اللي يسوي لي ضيقة وصعوبة تنفس والم بالظهر لنه الدم ناقص مع العلم انه بنووتي سليمه وما فيها شي والحمدلله
بس الطبيبة اوصفت لي ابر استخدمهم لجل يرفعون من الهيموجلوبين بس انا عمري ما استخدمت ابر وخايفة وانا حالتي حالة احس بضيقة غير طبيعية خاصة وقت النوم لني انام على جنبي مقدر اتحمل وجع الظهر وحبيت اسألكم خواتي عن المعدل الطبيعي للهيموجلوبين لني ما سألت الطبيبة وهي ماقالت لي عاد تكفووون خواتي ردوا علي الله يطمنكم وما تشوفون شر انشالله