@ ضيف تحت المجهر ـ 8 @

ابو داحم 18-11-2005 296 رد 20,014 مشاهدة
م



هلا بك أخوي بوداحم للمره الثانيه

1- الحبّ في حياتك .. يمثّل لك :
أ - قلم تكتب به .

2- الصداقة في نظرك :
أ- فستان سهرة .
تعليق :-
الصداقه اسمى من كونها فستان سهره
لكن هذا اللي أنا أشوفه مصلحه مؤقته بمجرد إنتهاء المصلحة تنتهي الصلاحيه نفس فستان السهره بالضبط
يعني مافي بحياتي الشخصية صديقة صدوقة أعتبرها نصفي الثاني
مع إحترامي لزميلات الدراسه اللي مو ممكن أنساهم ولكن أحس طريقي معهم له نهاية أنتهت بمجرد التخرج

3- ما هي أكثر عبارة تشدّك :
أ- وحدي مع الأيام .

أشكرك على الاسئله الرائعه
وفي إنتظار المزيد

ولكم فائق تقديري وإحترامي
دمتم بخير
م



هلا باللي مترصده لي 00 قلبي شجونه


ملوكتي ماشاءالله عليج اجاباتج فوق الروووعة
من ذوقك ياقلب مملكة


ملوكتنا تم تنصيبكِ لادارة المنتدى ماهي القرارات التي سوف
تتخذينها ( لا تصدقين ترى لو هههههههه)
خلينا على الإشراف أبرك بعد لو قلتي مراقبه بلعناها لكن الإدارة أخاف أروح أعميها بدال ماكحلها
بس تدرين أول قرار راح أتخذه بعينك المساعد الأيمن لي علشان نعميها عدل

يسلمو قلبي وهل من مزيد؟؟

ولكم فائق تقديري وإحترامي
دمتم بخير
أ
سلااااااام عليكم ورحمة الله وبركاته ..

وقووووف .... بنفسوجة وصلت ... لوووووووووووول

يااااسلام رد المجهر .. ونااااسه .. وخاصة عاد انه ضيفتنا ضيفة مميزة ...

اخويه بوداحم .. ... كيف الحال والاحوال ..
اول شي .. اشتقنا للموضوع واااايد وااايد واايد
ثاني شي .. اختيار موفق جدا جدا جدا .. لعضوة مميزة جدا
ثالث شي : يعطيك ربي الف عافية .. على جهودك المبذولة

مشرفتنا الحلوة
مملكة القلوب

شحاالج ؟؟؟ ربج بخييير ..
هاااه بشري ... ان شاء الله مرتاحة وانتي على كرسي المجهر ... احساس حلو صح .,. ادري ... ( ذكرتوني بالذي مضى نياهاهاي )

عندي كم سؤاال خفيف

1- علاقتج بالشعر ... كيف ؟؟ تحبين النبطي ولا الفصيح .. ومن من الشعراء يعجبج ... ؟؟

2- حسيت مرة انج مب قد مهمة الاشراف وفكرتي بتقديم استقالتج .. هههههههههاااي حلوة هذي استقالتج ..؟؟

3- شو كان شعورج وكيف كان موقفج يوم عرفتي انهم مختارينج للاشراف .. ؟؟ ترردتي قبل ما توافقين ولا لاا ء؟؟

بس هذي اسئلتي ... فديتني ما سالت واايد واسالتي واايد سهلة .. بس لييت بعض الناس يتعلمون مني ...

Go0o0o0d Night بروح ارقد .. ورايه مدرسة ...
شي في الخاطر ؟؟؟

يالله مع السلامة

بنفسوجة
م



هلا والله
وحليلكم من جد قاعدين لي بالمرصاد عسى ماخلص من هذي طلعت الثانيه
ربي يحفظكم

مشكوره حياتي على التكرم بالاجابات وسلمتي لنا
طبعا عدت مع الشنطه مو لحالي لان ممنوع الدخول هنا بدون شنطه والا طرد طوالي.ههههههههه
حياكِ وبياكِ أنتِ وشنطتك


* هل لمملكة قلوب تضمها كما اسمت نفسها, ومن بين هذه القلوب من هو اقرب قلب يا ترى؟
وهل تتسع المملكه لقلوب كثيره ؟
ولله الحمد عندي قلوب كثير في مملكتي حتى الجيران مع أن أحتكاكي بالعالم الخارجي قليل كوني بيتوتيه إلا أني أتفاجئ من معرفتهم الفعليه لي لااااا وأكثر من كذا يصرحون لي بحبهم ومن ضمنهم وحده ربي يحفظها في مقام والدتي واجهت أمي يوم وقالت أنا أحب بنتك كثيييييييير أحسها بنت لي ودوم ترحب فيني ولها شهور تعزم علي أزورها
عاد أنا كلش أستحي هذا زين لازرت بناتهم ...
والكثير مابي أطول لاتقولون صابها الغرور

وأقرب قلب لي 00 هو الوالد يفز قلبي لاشفته وأرتاااااااااااح مررره


* الشوق نار, حطبها الشوق ولوعة الفراق, فهل يخمد نارها عند التلاقي من وجهة نظر مملكة القلوب؟
ممكن يخمد وممكن يشتعل أكثر على حسب درجة الشوق والشخص اللي لهفنا الشوق عليه

* حب, احترام , مساعده: فاي واحد منهما تختار مملكة القلوب, يجب عليكي اختيار واحد فقط
راح أختار الحب لان من خلال الحب ممكن نحترم ونساعد
وكذا اكون ضرب 3 عصافير بحجر واحد

وان شاء الله لي عوده لان شنطتي هذه ما خلصتها كلها
مشاء الله
أمطري علينا من جعبتك
وأنا في الإنتظار
لاحرمتك

ولكم فائق تقديري وإحترامي
دمتم بخير
a
مملكة القلوب:



عذراً الرد مررره متأخر
لان التصفح بطيئ بشكل مو طبيعي


هلا والله يملوكه
اخبارك اليوم ياقلبي.. واخبار الجامعه؟؟ <<<<< تري هذا مو من ضمن اسئله المقابله خخخخخخ
هلاويين يالغلااااا
بخير عيوني والجامعه بخير وتسلم عليكِ بعد

والبيبي اقصد اختي ان شاء الله بتولد بهالاسبوع ياااااااااارب بكل يسر وسهوله
وتصير لنا معها مواقف تمووووووووووووووووت ضحك
ربي يقومها بالسلامه
ومن قدك بتصيرين خاله


نعود للمحور <<<<<<<<<< يااااااهالمحور اللي بنكسره انا وشجونه ههههههههه
الله يستر

// لما تحسين بضيق وحزن تحبين تقولين لاحد او تكتمين ؟؟؟
لااا ماحب أقول وأتكلم 000 اكتم لان مافي شي يتساهل أقوله
وإذا تضايقت بيكون من غير سبب سبحان الله
بس مرات أجننهم أقعد أقول لهم زهقااااااااااااانه أنا... وبلحن لما أردد عليهم هذي الكلمه يقولون لي قومي لكمبيوترك أبرك
يكفي أن البيت مخليني مصلحه أجتماعيه من أكبرهم الى أصغرهم عسى ماحد يتضايق ولا يكون في عسر ماعندهم إلا غرفة المصلحة الإجتماعيه مملكة القلوب
الان وأنا أكتب دخلت علي أختي الصغير تشتكي وتبكي .. ..


// ماهي تصوراتك عن الجوري قبل لا تعرفينها؟؟؟
ماعرفتك إلا بأحد المواضيع مو متذكره بالضبط
لفت أنتباهي ردك لي وأكيد أول ماقريته قلت هذي الأنسانه لطيفه وحبابه
وماخاب تصوري فيكِ يالغاليه

// ماذا يعني لك كلا من <<<<<< اسئله اختبار صايره..

الدمعه:: حزن وممكن فرح
الامل ::: خيط النجاح
الابتسامه ::: الفرح
اللون الاخضر والاسود ::: الأخضر .. الراحه 00 الأسود .. حزن
القلم.. المتحدث عن المهموم والسعيد

// لو قمتي من النوم وسمعتي شخص يصارخ بقوه وش يكون موقفك؟؟؟(( بعيد الشر ))
بقوم مفزوعه وراح أتجه الى مصدر الصوت

تسلمي ياقلبي على أسئلتك الرائعه
وفي إنتظار المزيد
لاحرمناكِ

ولكم فائق تقديري وإحترامي
دمتم بخير





هلا ملكوتي سلمي لي عليها ..

// ماهي تصوراتك عن الجوري قبل لا تعرفينها؟؟؟
ماعرفتك إلا بأحد المواضيع مو متذكره بالضبط
لفت أنتباهي ردك لي وأكيد أول ماقريته قلت هذي الأنسانه لطيفه وحبابه
وماخاب تصوري فيكِ يالغاليه


تسلمين ياقلب الجوري انتي


على فكره سالتك سؤال ( اذا قمتي من النوم 0000 )) تدرين ليه؟؟

لان وحده ايام الدراسه قالت لي انها قامت من النوم وسمعت صراخ وهي توها قامت من النوم تقول من الخرعه ردت تنام ههههههههههههههههههههههههههههه

عاد انا مت ضحك عليها ياحليلها
اشتقت لها

عموما ياقلبي دشيت الحين اسلم لا تخافين الشنطه حولتها على شجونه

الا وين سهرات ماشفنا شنطتها ؟؟













.. الجزء الاخير من الوقفات مع شعراء المنتدى


.. @..كتاب الادبــ ..@..
o
انا بس داخله اسلم على الجميع
واول مره ادخل هذا الموضوع مش فاهمه السالفه
الظاهر انه من زمااان وانا اخر من يعلم
تحياتي لكم
م



هلا أخوي بومحمد
مراح يسمح لك بالأكتفاء
وأنا أريدك تنورنا أكثر
في إنتظارك

ولكم فائق تقديري وإحترامي
دمتم بخير
م




هلا والله في بنفسوجه

مشرفتنا الحلوة
مملكة القلوب
شحاالج ؟؟؟ ربج بخييير ..
هاااه بشري ... ان شاء الله مرتاحة وانتي على كرسي المجهر ... احساس حلو صح .,. ادري ... ( ذكرتوني بالذي مضى نياهاهاي )
بخير الله يسلمك عيوني
مرتااااحه للأخر دامكم معي يالغلااا


1- علاقتج بالشعر ... كيف ؟؟ تحبين النبطي ولا الفصيح .. ومن من الشعراء يعجبج ... ؟؟
أنا مو كثير مع الشعر لكن أكثر شي يعجبني النبطي
ومن الشعراء حامد زيد يعجبني مرره شعره

2- حسيت مرة انج مب قد مهمة الاشراف وفكرتي بتقديم استقالتج .. هههههههههاااي حلوة هذي استقالتج ..؟؟
فترة وتعدي على كل مشرفه
مو لأني موقد المهمه 00 السبب كان لضيق الوقت وكوني بأخر سنه بالجامعه فحبيت أتفرق للجامعه لكن الإدارة أبقتني لحين تنزاح عني الضغوط
والحمد لله عقب التخرج أصبحت متفرقه للإشراف

3- شو كان شعورج وكيف كان موقفج يوم عرفتي انهم مختارينج للاشراف .. ؟؟ ترردتي قبل ما توافقين ولا لاا ء؟؟
أنا جاني خبر عن إختياري قبل مايتم إختياري بشكل فعلي
خلال هذي الفتره أنا فكرت
وأختي شجعتني كثير وعقبها وافقت

بس هذي اسئلتي ... فديتني ما سالت واايد واسالتي واايد سهلة .. بس لييت بعض الناس يتعلمون مني ...
سمعتوااا

Go0o0o0d Night بروح ارقد .. ورايه مدرسة ...
شي في الخاطر ؟؟؟
نوم العوافي
وفي إنتظار العوده

ولكم فائق تقديري وإحترامي
دمتم بخير
م



هلا بك عيوني الجوري
جعل الضحك دوووم

صحيح سهرات وين هي ؟؟ مابينت
ربي يحفظكم ويسعدكم

ولكم فائق تقديري وإحترامي
دمتم بخير
أ
مملكه

كنك مريتي على اسئلتي طاف من الزحمه ياريت اتشوفينها
وتردين عليها !!

للتذكير فقط !!!!!!!!
م




هلا قلبي أوديتووو
السموحه نسيت أسئلتك هذا لاني قبل شوي كنت متخرعه بالمطر
رجعت كان دايركت أنتقلت للصفحة اللي بعدها

انا رديت لعيونك انا رديت
والاسئله عزيزتي
تسلم العيون وصاحبتها

كالأتي

1- اكثر الكتب متعه لمملكة القلوب ؟ واهمها ؟ وما اسماء هذه الكتب؟
وماذا تمثل أو يمعنى اصح ماذا اضافت لكِ ؟
أكثر الكتب هي اللي تحكي عن الواقع ( قصص 00 أمور دينيه أو إجتماعيه 00 والطب وبالأخص اللي يدور حول الأمراض )

أضافت لي الكثير مع أن إطلاعي مو كثير بالمقارنه مع ايام الجامعه لان أوقات فراغ تصادفني أستغلها بمكتبة الجامعه
أكيد منها ( توسيع المدارك 00 التثقيف 00 وتأثيرها الخاص على حياتي وسلوكي )


الكل منا يحظا بوقت طويل ليستمتع بصوت قارئ أو منشد ؟
فمن هو القارئ الذي يطقا ترتيله ويجعل من صوته ملاذ لمملكة القلوب؟
ومن هو المنشد الذي يحظا على استحسان مملكه ؟
القارئ الذي يجعل من صوته ملاذاً لي هو ( الشيخ أحمد العجمي )
المنشد هو ( أحمد بوخاطر )


انتظريني !
ونحن في الإنتظار يالب قلبي

ولكم فائق تقديري وإحترامي
دمتم بخير
م



رديت عليكِ عيوني
قلوبنا على بعض

لما خلصت الاعضاء قعدت أدور على ردك تذكرت أنه بالصفحه اللي قبلها على بالي أخر وحده
سامحينا عيوني
ياختي المطر نسانا

ربي يخليكِ

ولكم فائق تقديري وإحترامي
دمتم بخير
ش
ملوووووووكتي يسلمووو اهل الاجابات العسل
وهالمره موسؤال ودي تعرضين لنا اذا مافيه
مانع او تذكرين لنا اول خاطرة كتبتيها
وهل لج محاولات شعرية حسب معلوماتي
لج محاولات اتمنى تكون صحيحة ...
ولا تبخلين علينا ...
ف
[grade="00008B FF6347 008000 4B0082"]أشكر الأخ الفاضل أبوداحم على مجهوده الرائع

يسرني أن أتعرف عليك عن قرب...كما أتمنى أن أكون اخف من الريشة على قلبك...
أختي العزيزة (( مملكة القلوب))...

لمن تهدين هذه العبارات ؟؟؟

1- الله يخليك لنا :

2- بصراحــة فقدنـاك :

3-معرفتك تزيدني فخرا :

4- آسفة كـان زعلتـك بدون علـم مني

5-خفـة دمـك غير طبيعيـة :

6-دمت لنا مبدعاً :

7- أيها الحاضر الغائب :

8-تفاجئني دائما :

9-قليــل من كـان في طيبتـك وهدوئك :

10-يفتخـر المنتدى بأمثـالك :[/grade]
م



هلا والله عيوني شجون

ليش الفضايح ؟؟
بس ولايهمك لعيونك بكتبها مع أنها طويله شوي وماكانت للنشر
وغضوا النظر


عنوانها
ورقه من مذكراتي

صـوت الساعــة ..تك..تك...!!!
..وأنـا جالســة على ذلك الكــرسي وبـيدي كـتــاب لاأعلــم ماهــو " عنوانه"
في ظلمــة المكــان .. وبـشعلــة نـار هادئة .. المكــان أصـم لاصـوت لاسيـما ضربــات الساعة التي كـانـت تـدق في قلـبي ..كنـت.. أحسب تــلك الدقائق..
وبرهة أشن إلى وادي أخر ..تـغيـب عني تـلك الضـربات..
"جلسـت في لـيل طويـــل ... في ذلـك المكان المخيـف... وبرهة "ضرب جـرس الإنذار "..!! مشيرة الساعة إلى انتهاء الوقـت..
حان وقـت النـــوم الطويــــــل..
أرتابني خــوف نـهضـت من فـوق ذلـك الكرسي...ورميـت ذلـك الكتـاب
لاأعلــم إلى أين أتجــــــــه ... المكـــان في لوج الصمـــت والغموض إلى من أنادي..؟؟ صرخت ..وصرخت بأعلى صوتي .. ولكن لجدوى تلــك الساعــة لن تـصمت حتى تـلويـني في صفحاتها..
لأرى سوى ذلـك الظلام..!! لعثرت أمامي وإذا بي أركض ... وأركض,,,,
.... وصــوت الساعة يطاردني.
نـظرت خلفي ..فإذ ا هـوا يلاحقني ... أقترب مني..
نعـم أقتــرب ... كاد أن يمـسك بي ..
"لكن".. سقـطـت من فــوق ذلــك البرج..
.... أحسست بتلـك الصدمة .. نـهضـت فإذا أنـا والساعــة في هاويـــــــة الأرض ...
مشـيره بصوتهــا إلى أن حان وقت المدرسة ...
وهــذا.. أول يــوم لي من أيــام الدراسة الجديدة...

--------------------
من ناحية الشعر ما سلكت هذا الطريق مجرد محاولات لاغير
أختي اللي كانت لها ميول شعريه وكتابات أيضاً


ولكم فائق تقديري وإحترامي
دمتم بخير
a


ماشاء الله عليك ملوكه
عندك خيااااااال وقلمك يساعدك

بصراحه ماااالك حق ,, المفروض تنزلين بعض كتاباتك عندنا بالركن
مو تحرمينا !!

خبرك اموووت بالخواطر والاشعار
ماااااالك حق ابد تحرمينا

جد جد روعه..

اذا هذاي البدايه اجل شلون كتاباتك هالحين
اكيد اروع واروع

اتمنى تنزيلين جديدك بالركن الادبي...




ايييييييييييييه توني اتذكر وعرفت ليه سهرا ت مختفيه
اثريها ماتبي تنزل الديوان اللي وعدتني ... مو هي قالت بعد العيد
لكن هين وين بتروح مني...

ياكثر القضايا اللي عليها,,















.. الجزء الاخير من الوقفات مع شعراء المنتدى


.. @..كتاب الادبــ ..@..
ا
بسم الله الرحمن الرحيم
السلام عليكم ورحمة الله وبركاته

استاذنا الرائع
أبو داحم

عدت إلينا لتتحفنا بفنك وذوقك الراقي

عرض رائع ولا يقل روعة عن ضيفك

غاليتنا وحبيبتنا

ممكلة القلوب

تهنئة لنا جميعاً أن التقينا برائعتنا

مملكة القلوب

لي عودة بالأسئلة

واعتذر عن التأخر

أختكم
المرتحله
ش
صباااااااااح الخير للجميع

شلوونج ملوكتي شخبااااااااارج ..

وتسلمين ياقلبي ومشكووورة واااااايد على تلبية طلبنا
ومشاءالله تشبيهات وتصويرات رائعة
وجميل ماسطر قلمكِ ويالله مشرفات الركن الادبي
ناطرينج ترا لا تقولين محد بلغني مالج عذر ومن زمان
ماشفنا عندنا هناك شي من كتاباتج ومن خلال هالمجهر
نطالبج بالعودة ......
ا

خاطرة جميلة ما شاء الله
ولازم تلبين طلب مشرفات الأدبي
يكفي إنهم حاضرين كلهم معك في المجهر



شرفونا بزيارتكم
" ضيف تحت المجهر ـ 8 "
ا


1- هناك أسماء كثيرة كان لها أثرها الرائع
وبصمتها الواضحة وكانت نجوماً في سماء عروس
وخاصة في الركن العام .. غابت تدريجياً حتى اختفت

هل تتذكرين بعضاً من هذه الأسماء
وما هي رسالتك لهم من خلال هذا المنبر


2- للنجاح أسباب وللتميز وسائل
في نظر مملكة القلوب ما هي هذه الأسباب





شرفونا بزيارتكم
" ضيف تحت المجهر ـ 8 "
X