ابي نصيحه منكم لو تكرمتو

فيه منتجات نيفيا للصبايا يمكن تكون خفيفه عليك بس عنايه بسيطه

اهتمي بغذائك بهالمرحله ولا تهملين شرب الماء

اهتمي بالترطيب وبكريمات الوقايه من الشمس

هلا خلود

تسلمين حبيبتي ع النصيحه


يعني ما تنصحوني اجرب من الحين خلطات طبيعيه ؟؟

غير الترطيب والوقايه؟


من منتجات نيفيا بس عندي الكريم الازرق المعروف ومكياج من نيفيا


وبأي نصيحه اتمنى ما تبخلون علي


مشكوورين

اهلين اخت (احلامي كلها) اسمعي دام ويهج وبشرتج الحمدالله زينه انصحج ما تحطين عليها اشيا كيماويه استعملي الاشيا الطبيعيه حطي ماسكات طبيعيه من المواد اللي عندج في البيت فروت او روب وغيره و اغسلي ويهج بماي الورد يوميا و استخدمي واقي شمس للمحافظه على بشرتج ولونها ونصييييحه لا تلعبين بويهج اذا هووو مافيه شي

وانشالله مع تجولج في المنتدى راح تشوووفين وايييد مواضيع وبتستفيدين من خبرات البنات

والله يوفقج

حبيبتي بتشوفين في هذا القسم كثير من الوصفات الحلوة.........لتنظيف الوجه

نصيحتي لج دااام ويهج ماشاءالله مافيه شيء

استخدمي ماي ورد + ثلجة

يوم ورا يوم او يوميااا عادي ما ياثر

حبيبتي اول شئ مبروووووك عليكي نجاحك من الثانويه العامه و عقبال الجامعه يارب


و ثاني شئ حلو منك انك بديتي تهتمي ببشرتك و شعرك لانه مهم الاهتمام حتى لو بشرتك حلوه بس (الوقايه خير من العلاج)


و مثل ما قالو البنات ابتعدي عن الاشياء الكيميائيه و خليك على الاشياء الطبيعيه الخفيفه يعني مو شرط اي شئ طبيعي تستخدميه لانه في اشياء صحيح طبيعيه بس تكون ثقيله على البشره او تكون كعلاج


اولا -----------
لازم تهتمي انك تنظفي بشرتك يوميا في الصباح بالصابون او الغسول و الكريم المرطب الى يناسب بشرتك وانا انصحك تاخذي المجموعه حقت العنايه اليوميه للبشره من clean & clear او جونسن

ثانيا---------
في الليل لازم اذا حطيتي مكياج حتى لو خفيف انك تشيليه بموزيل مكياج و تونك

ثالثا--------
ماء الورد ممتاز للبشره و خليه ببخاخ نظيف في الثلاجه و رشي على وجهك كل يوم منه

رابعا---------
ممكن تعملي اقنعه خفيفه للبشره كل اسبوع مره مثل الزبادي و النشاء و ماء الورد او الخيار كمان مع الزبادي

خامسا---------
شعرك ممكن تدامي على زيت الخروع او زيت الجرجير لانهم كلهم روعه للشعر و يكون مره او مرتين في الاسبوع

سادسا---------
لا تكثري من الاستشوار او الموس او الجل على الشعر لانه يخربه




هذي بعض النصائح السريعه ان شاء الله تفيدك

الاهتمام بالبشرة ضروري جدا وخاصة من البدايةوالجو الحلو اقصد الصيف الحار والبنات ما قصرو من الوصفات الي تفيدج

بما ان بشرج صافية ومافيها اي نوع من انواع الحبوب

انصحج بس تنظفينها بكل شي طبيعي .... بس ال sun block اشتري لج من الجمعيات او الصيدليات

الخلطات الطبيعية وايد في المنتدى ماشالله البنات عارضين ؟؟؟؟؟ بتحصلين كل اللي تبينه

العمر كله لك عزيزتي

دام انك في بداية عمرك ،، والحمدلله بشرتك مافيها عيوب

يعني الخلطات مالها داعي ..

بشرتك مركبه ..

يعني وانتي تختارين منتجات العناية حطي في بالك نوعية بشرتك ،، و المشاكل اللي تبين تعالجينها ..

اهم شي تستخدمين واقي الشمس للوجه ،، وبعد لا تنسين واقي للجسم ..

اختاري غسول يناسب نوعية بشرتك ..

مع كريم مرطب نهاري ..

و كريم الليل ،، يغذي البشرة ..

هذه المنتجات المهمه اللي لازم تكون عندك ..

و ممكن ايضاً تستخدمين الميلك و التونر لتنظيف البشرة من المكياج و الأوساخ ..

استخدمي ماء الورد لمسح البشرة خصوصاً اول ما تصحين من النوم و تغسلين وجهك ،، يقبض المسام و يورد البشرة ..

و لزياده في العناية استخدمي مقشر خفيف للبشرة مرتين اسبوعياً ..

جربي مقشر المشمش من همالايا ..

و ممكن تستخدمين مره في الأسبوع ماسك الشوفان مع الروب و نقطة عسل ..يبيض البشرة و ينظفها ويعطيها نظاره

تسلمووووووووون عزيزاتي

جد جد كفيتو ووفيتو ونصايحكم مره رهيبه


اليوم قعدت وسويت المطلوب جد احس اني فريش وبشرتي للحينها رطبه .. ماي ورد وثلجه وكريم نيفيا لترطيب البشره

هم عندي سائل التونيك من ميك اب فوريفر ويناسبني تمام

جد مبسوطه بردودكم وبحفظ الصفحه عندي ان شاء الله

مشكووورين كنوز عروس



احلامي كلها