ماني عارفه احدد مشكلتي بس اللي اعرفه ان نفسيتي كل مالها بالنازل

عادي ياحبيبتي

حاولي تسترجعين كل اللي فات لأنك متضايقة من اللي قاعد يصير
انا كذا مرات يطقني كسل لكن والله مع الارادة بتلقين نفسك تنجزين

واذا على سالفة السمنه بديهي الوحدة اول ماتتزوج تسمن لكن كل هذا تقدرين عليه انتي مكبرة الموضوع مافيها شئ اذا سمنتي كل شئ تقدرين ترجعينه مثل اول واحسن ان شاء الله

سويلك نظام بالأكل واشتري كريمات واخواتنا بقسم العناية بالبشرة والجسم ماخلوا شئ ههههههههههه

فيه موضوع لفطوطة مرة ممتاز طبقي مايقعد الا خمس دقايق والنتايج اوكي مظمونه ان شاء الله
جربي شوفي الموضوع هــــــــــــنـــــــــــــا
وان شاء الله يعجبك وتستفيدين

وتقدرين تروحين للمشغل يسوون لك تنظيف وحركات

والله شئ سهل بس عطي نفسك الضوء الاخضر وكل شئ بيطلع تمام

مو كل الشغلات لازم انتي تسوينها بنفسك مثل ماقلت لك تقدرين تروحين للمشغل وتسوين جلسات معهم

ولازم يكون لك رونقك الخاص لاتتهربين بسبة نفسيتك والا غيرها تقولين ((عمر الشكل مااكان مفتاح لجمال الشخصيه يعني كثير ناس اقرب للقباحه لكن يملكون شخصيات جذابه )) على كذا ياحبيبتي كلن اهمل نفسه حبيبتي
شئ ماياخذ معك وقت بس جربي اندفعي بقوة وبترتاحين وقتها :)

وبالتوفيق ان شاء الله

اشكرك يالغاليه


لكن يمكن نسيتي بعض كلامي اني حامل وبفتره وحام بعد.........يعني صعبه استعمل الكريمات .......

..ودخلت موضوع الاخت فطوطه ماادري اقدر استخدمه او لا
لاني حامل


بعدين اللي ابغاه وسائل تزيد الثقه بالنفس



اشكرك على التواصل


تحياتي لك

غصن تقدرين تسألين الأخت الينا مشرفة بقسم الصحة والطب وان شاء الله تفيدك اذا تقدرين تستخدمينها والا لا

الوسائل اللي تزيد الثقة بالنفس انك تحاولين قدر المستطاع تهتمين بنفسك عشان تقدرين تكسبين الثقة والا كيف بتكونين واثقة من نفسك وانتي مهملة نفسك

وبالتوووووووووووووفيق ياحبيبتي والله يعينك من جد

اسيره قلبه

اسفه ازعجتك بس حبيت انوه عن شئ عشان ماتكون باقي ردود البنات منصبه على نفس الناحيه اللي جاوبتي عنها .........انا صح مو مهتمه زي قبل الزواج بس مو مررررررره مهمله لكن اللي حبيت اوصله اني كنت قبل الزواج مهتمه زياده عن اللازم يعني مستحيل امشي بمكان سواء الجامعه او بزواج ماالفت الانتباه لكن الحين كل شئ راح يعني زاد وزني شوي وسمرت وجاتني حساسيه بعد السفر وشعري كان طويل وقصيته وندمت .......يعني مشكلتي اني زمان كنت معتمده على شكلي بعلاقاتي يعني اشوف اعجاب اللي قدامي فيني واتجرأ واتكلم ......لكن الحين دخلت مجتمع فيه حريم اشكال والوان كبار وعجايز يعني مو زي البنات يجذبهم بالانسان جماله او ذوقه بلبسه .......يعني مااشوف فيهم نظرات الاعجاب اللي قبل يعني البنات غير الحريم طبعا انت عارفه .........

والله الموضوع يمكن يكون بنظر الكثير تافه بس والله خلاص احس نفسيتي كل مالها بالنازل والله حتى اني فكرت ازور دكتور نفسي ...........احس ان ثقتي بنفسي معدومه حتى لو جيت جلسه وكانت وحده بالجلسه احلى او اكشخ مني اتأثر واسكت وارتكب ادري ان هذا غلط فيني ........وصدقيني اكثر شئ عند اهل زوجي اذا شفت وحده احلى مني اقول اكيد ندمانين انهم خطبوني ........وليش ماخطبوا هذه البنت ............يعني حكمي على الناس بالشكل .........واحسب ان الناس مثلي يحكمون على بعضهم بالشكل

فهمتيني يالغاليه ......

وياليت باقي البنات يساعدوني ولايستهونون بالموضوع


ويساعدوني







تحياتي للجميع

ياغصن
شئ طبيعي ان الوحده اذا تزوجت بتتغير سوا للاحسن او للاسوا
عزيزتي
كذلك شئ طبيعي ان جسم الانسان اهتماماته تتغير بتغير الظروف المحيطه به
وانتي ذكرتي مشكلتك والسبب بنفسك
انتي من النوع الي تدققين واكيد لاحظتي شئ الناس مالاحظوه
كذلك اهل زوجك مو بنفس المنطقه لذلك شئ كبيعي لو كانت علاقته فيهم بسيطه وسوالفك معهم كلمه ورد غطاها
كذلك انتي في فترة وحام يعني المشكله الصغيره تشوفينها من اكبر المشاكل ففكري بهالمرحله الي انتي فيها وبجمالها وتكوين الطفل فيها
اما ان علاقاتك الكثيره كانت بسبب اهتمامك بنفسك
صحيح بروز الشخصيه هي سبب لفت انتباه الناس لك لكن مو سبب في استمرارهم معك
الاخلاق والاسلوب هو الاساس
يعني لاتعتقدين انك اذا سمنتي او سمرتي اوحصل تقصير بشكلك بيقل اهتمام الناس وزوجك بك
انتي في فتره ركزي على اكلك ونفسيتك حتى لو سمنتي
وبعد الولاده باذن الله لكل حادث حديث

يالغاليه يمكن هاذي عين والله اعلم ديري بالج على نفسج واللي بطنج وتعوذي من الشيطان واقري قران وشغلي سوره البقره ،،، وبعدين لازم السنه الاولى من الزواج بتواجهين مشاكل ومن انواع المشاكل هذا كلام الدكتاتره النفسيه وبعدها كل شي بيستقر 0


والله يوفقج انشالله


الكاسكووووووووووو

غصن الرند...من وجهه نظري اختي انج من النوع اللي يحب لفت الانتباه ويحب انه يكون الكل في الكل ومحور الكلام واساس اي قعده لانه شخصيتج جذي حبيبتي تحب الاضواء وتحب تكون في الصوره دااااايما
حبيبتي لين الحين مافي اي مشاكل..بالعكس انا احب الشخصيه اللي جذي يعني الشخصيات مختلفه بس احب اللي تثبت وجودها بالقعده..بس المشكله انج مقتنعه وحاطه براسج حتى لو انتي هب ملاحظه انه اهتمام الكل فيج سبب جمالج بالدرجه الاولى وهالجمال هو اللي يعطي الضوء لج لاظهار مواهب شخصيتج الثانيه اللي هب مثلا حب النقاش واسلوب المحادثه الجذاب
والحين دامه هالجمال خف من وجهه نظرك فانتي خايفه انج تتجرئين وتخاطبين الناس بالاسلوب الجذاب السابق لانج مب واثقه انه هذا هو بروحه مممكن يجذب الناس لج وما تبين الصد او انه حد يحسسج بانه قيمتج قلت جدام الناس

حبيبتي دامنه انتي باضافه الجمال لج شخصيه اجتماعيه تجذب المتحاورين فهذا شي حلو لانه زياده الخير خيرين بس نهائيا لا تأمنين انه الجمال هو اللي يعطيج الضوء الاخضر ونفس ما قلتلي في ناس مافيهم جمال بس يجذبون الناس بسحر الشخصيه...خلاص عيل ماشي اي مشكله وواضح انج عاقله ..شيلي هالشك من راسج وهالاوهام وأمني بشخصيتج الجذابه واعرفي انه قادره على جذب الاهتمام بدون الجمال..وانتي الله وهبج الجمال..يمكن نقص من وجهه نظرج بس مازال وانتي قارده على استعادته حبيبتي ماشي اي مشكله من هالناحيه

بقولج شي..شي طبيعي انه الحرمه يزيد وزنها اول ما تتزوج ليش القلق والخوف..بس لو انتي هب راضيه عن هالزياده روحي نادي رياضي او اشتري سي دي ايروبيك ومارسيها في البيت وخففي الاكل ..صدقيني ثقتج بنفسج بتزيد وبترد نفس قبل..وانتي حامل عيل ادخلي قسم الرياضه والتغذيه وبتشوفين تمرينات خاصه للحامل تساعد على تسهيل الولاده وفي نفس الوقت ما تخليج تمتنين فوق المعدل الطبيعي وبالتالي اول ما تربين بيكون سهل عليج تفقدين الوزن بسرعه..حبيبتي راسلي عذبه الاحساس اللي بتسويلج جدول غذائي خاص بالحامل ولا تاكلين على كيفج لانه بهالطريقه بيزيد وزنج اكثر واهم شي الجدول الغذائي للحامل يكون سليم وما يسمنها وايد...
بالنسبه للون مافيه اي مشكله..شوفي الخلطات وجان ما تبينها جربي صنفره العروسه ودامج من الاساس بيضه عيل لونج بيرد بسرعه بس لا تهملين نفسج حبيبتي لانج في مرحله الحمل السماره يمكن تلصق وبعد الربى يبالج وقت لين ما تخوز
في نقطه زياده انتي في فتره الوحام في حريم في هالفتره يحلوون ويبيضون وتستوي قمر وفي حريم العكس بس سواء صار هذا ولا الثاني ترى مرده الانسان عقب الربى يرد لحالته السابقه يعني لا تخافين
وفتره الوحام بصفه عامه تخلي الحرمه متكدره وتوسوس وكسلانه وتحس بخمول وفتور وانها كارهه كل شي يعني عاااااااادي ان شاء الله يوم توصلين الشهر الخامس كل هالاحاسيس بتخوز وبتردين نفس قبل الشخصيه الحلوه والمرحه
حبيتي ثقي في نفسج ولا توسوسين ابدا..انتي حلوه وبتمين حلوه سواء بالشكل او بالشخصيه..والحريم الكبار عكس البنات يبون اللي تسمعهم اكثر من اللي تتكلم وهم يسمعون..وانتي الحين عروس يديده طبيعي تخافين من النقاش مع الحريم بس بعدين بتتعودين

انا اول ما تزوجت ولمده سنه كامله والله اني لو قعدت مع حريم وبالذات ام وهل ريلي اتم ارتجف لدرجه انه الكل يلاحظ ويتم يقول يا حليله خايفه ولا تستحي ولا لا..وما اقدر اسيطر على الرجفه وطبعا لا اخذ ولا اعطي بالكلام كله ساكته وابتسم من المستحى والخوف مع انه شخصيتي نفس شخصيتج يعني انا فالكليه بين ربيعاتي او بالعايله انا الكل بالكل واذا قلت سالفه الكل غصب عنه يسكت ويسمعني..
طبعا عقب السنه خلاااااااااص تعودت وصرت عاديه اخذ واعطي مع الحريم اذكرمره خواتي وامي زاروني عند اهل ريلي وكانن في حريم معزومات عند ام ريلي..المهم انا يوم صعدت عندهن وكيف رحبت فيهن ووجبتهن اقولج امي حطت ايدها على راسها تقولي سبحان الله كيف تغيرتي احسج حرمه واحسن عني بعد

صدقيني بتتعلمين وايد ومع الايام لا تشغلين بالج كل اللي تمرين فيه شي طبيعي واساسه الخوف من جيل هب جيلج وترددج في اسلوب جذبهم او بدأ الحديث معهم..وشي ثاني الحمل والوحام وما يسوي في الحرمه يعفسها فوق حدر من ناحيه الشخصيه او الشكل

موفقه حبييييييبتي والله يسعدج

عاشقه الجوري
اشكر على الرد............وكلامك اقنعني ان يمكن بالفعل يمكن فتره الوحام مخليتني اشوف المشكله الصغيره كبيره ........

الكاسكو .....
....عاد تصدقين اني احس ان الوازع الديني عندي خف .....بسبب الانشغالات ....يعني مو زي اول انا ماانتبهت على نفسي بهالشئ الا برمضان .......

المدللة ....
....كلامك عن تحليل شخصيتي ميه بالميه........وتجربتك بأول سنه زواج حسستني ان اللي امر فيه طبيعي.......لكن في شئ قلتيه بكلامك ضحكني ويمكن كان المفروض اسكت ......بس ماقدرت ......انت قلتي انت اساسا بيضه وانا ابداً موبيضه حنطيه بس لوني حلو والحين سمرت شوي......بس عشان يرتاح ضميري ههههههههههه

ولي كلام لاخواتي .....
عاشقه الجوري
الكاسكو
المدللة

المشكله تدرون ايش ان اهل زوجي من النوع اللي يهتم بالرشاقه والجمال واللبس ومبدعين بالمكياج ومن النوع اللي يدقق ........هم صح طيبين ومايجرحون بالكلام بس انا عارفتهم .............وغير كذا اخوات زوجي وحتي زوجات اخوانه من النوع الجرئ وشخصياتهم حلوه ومن النوع اللي يهتم بنفسه ......يعني الواحد مهما يحاول يتميز مايقدر.......انا اقول يمكن انا انصدمت بهالشئ وانكسرت وحسيت نفسي اقل منهم .......مع اني مو اقل لو فكرت بعقلي بس عشان ثقتي المعدومه بنفسي ........


اسفه تعبتكم معي بس والله كل شوي يطلع لي كلام اقوله

بس والله يمكن تعذروني من عنوان الموضوع اني مو عارفه احدد المشكله

والله العظيم مالي غيركم اشكيه ........تكفون ساعدوني اتجاوز المشكله واعيش مرتاحه مثل اول

وترددت كثير قبل لأكتب الموضوع لأني ماابغى اطيح بعين بنات عروس اللي يهموني واحسهم مثل خواتي




تحياتي للجميع

ياغصن الرند
كل انسان يمر احيانا
بان ثقته تهتز
لكن الحلو انها متطبع على شخصيتك

لكن من تجربه
دائما رددي
اللهم حبب خلقك فيني وحببني في خلقك

حبيبتي عااااااادي مهما تميزنا بالجمال والاناقه بيصادفونا ناس اجمل واكشخ عااااااادي
لا تخلين هالشي يهز ثقتج في نفسج..اذا على اللبس روحي عند مصممين وتفنني بملابسج وكشختج واذا على المكياج ادخلي قسم المكياج والعطور وشوفي الاحدث والاحلى من ناحيه المكياج والعطور وتفنني بمكياجج وكشختج
صدقيني اولا واخيرا الثقه والجمال نابعه من داخل النفس
شووو اقولج...انا اهل ريلي نفسج هل ريلج..في الاناقه يخبلووووون وكل لبسهم ماركات وشنطهم ماركات حتى الاكسسوارات ماركات...تخيلي انه خاله ريلي تقطع تذكره لين الكويت بس عشان تشتري ماركات عندهم مب متوفره عدنا فالامارات؟؟؟
وانا اول ما دخلت بينهم حسيت بالفرق يعني انا مب كل شي ماركات..احب اشتري اللي يدخل بالي سواء ماركه ولا من بو درهمين
انا جي شخصيتي وهم ابدا ما حسسوني بالفرق لانهم طيبين لاخر درجه
بس ثقتي بنفسي ما نهزت ابدا بالعكس مستمره على ذوقي وما اعق بيزات بالهبل على مصممين معروفين ولا شي واقسم لج بالله اني بالمناسبات اطلع احلى وحده فيهن كلهن.....واحس اعجابهن فيني وااااااضح في عيونهن

خليج وااااااااااثقه الجمال من الداخل وعقب يظهر هالشي على ويهج وبتزيدين جمال وجمال
صدقيني طول ما الانسان حاس انه اقل في الاناقه طول ما هالشي بيأثر على نفسيته وبيبين في ويهه ومهما سويتي ويهج بيكون معتفس وحالته حاله

اتمنى اني اكون فهمت حالتج وعطيتج الحل